Президент Сооронбай Жээнбеков дүйнө чемпиону болгон Айсулуу Тыныбекова менен. Архив

Сооронбай Жээнбеков балбан Айсулуу Тыныбекованы телефон чалып куттуктады

564
(жаңыланган 09:46 23.09.2019)
Кыргызстандык балбан болгариялык спортчу менен кез келип, жеңишке жетти. Ага чейин төрт атаандашын утуп алган.

БИШКЕК, 20-сен. — Sputnik. Президент Сооронбай Жээнбеков дүйнө чемпиону болгон Айсулуу Тыныбекова менен телефон аркылуу сүйлөшүп, куттуктады. Бул тууралуу өлкө башчынын маалымат кызматы кабарлады.

Белгилей кетсек, чемпионат Нур-Султан шаарында өтүп, кыргызстандык балбан финалдык бөлүктө болгариялык спортчу Тайбе Юсейнди 5:3 эсеби менен утуп алды. Тыныбекова Кыргызстандын тарыхында күрөш боюнча дүйнө чемпионатында алтын алган алгачкы спортчу болуп калды.

Президент Тыныбекова менен сүйлөшүп жатып, анын жеңиши жалпы кыргыз элинин сыймыгы экенин белгиледи.

Өз кезегинде чемпион кыз президентке куттуктоосу үчүн ыраазычылык билдирип, беттештерге чыкканда мекендештеринин колдоосун сезип турганын айтты. Тыныбекова өлкө башчысына жеңишин өлкөгө жана жалпы кыргызстандыктарга арнай турганын кошумчалады.

564
Белгилер:
Нур-Султан, алтын, дүйнө чемпионаты, Сооронбай Жээнбеков, Айсулуу Тыныбекова
Тема боюнча
Сүйүнчү! Айсулуу Тыныбекова дүйнө чемпиону болду! Видео
Россиялык мушкер Петр Ян бразилиялык Жозе Алдону жеңди

Россиялык дагы бир мушкер UFC чемпиону аталды. Видео

149
(жаңыланган 12:54 12.07.2020)
Спортчу бешинчи раундда атаандашын техникалык нокаут менен утуп алды. Анын каршылашы жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону.

БИШКЕК, 12-июл. — Sputnik. Россиялык мушкер Петр Ян бразилиялык Жозе Алдону жеңип, жеңил салмактагылар арасындагы UFC уюмунун чемпиондук курун тагынды.

Беттеш бүгүн, 12-июлда, UFC 251 "Мушкерлердин аралында" турниринин алкагында өттү. Чемпиондук кур экс-чемпион Генри Сехудонун спорттук ишмердүүлүгүн жыйынтыкташы менен ээсиз турган.

27 жаштагы россиялык спортчу бешинчи раундда атаандашын техникалык нокаут менен утуп алды.

​"Мен беттеш оор болорун билгем. Ошол үчүн анча шашкан жокмун. Биздин максат аны чарчатып, үчүнчү раундда жигердүү чабуулга өтүү болгон", — деди жеңишке ээ болгон Петр Ян.

Посмотреть эту публикацию в Instagram

Публикация от UFC Russia (@ufcrussia)

Муну менен 27 жаштагы Ян өзүнүн карьерасында 15 жолу жеңүүчү аталып, буга чейин бир жолу утулган. Ал Хабиб Нурмагомедовдон кийин эле россиялык экинчи UFC чемпиону боло алды.

UFC: бирин-бири аябай... Жарым жеңил салмактагы дивизиончулар беттешкен видео

33 жаштагы Жозе Алдо болсо жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону болчу. Спортчу 24 беттеш өткөрүп, алты каршылашынан утулуп калган.

149
Белгилер:
Петр Ян, чемпион, UFC, Россия
Тема боюнча
Башка, бетке, чыкыйга тээп... UFC беттешиндеги эсте калчу учурлардын видеосу
UFC: бирин-бири аябай... Жарым жеңил салмактагы дивизиончулар беттешкен видео

Хабибдин атасы Абдулманап Нурмагомедов тууралуу тасма тартылды

116
(жаңыланган 11:45 09.07.2020)
Тасмада Dagestan: Land of Warriors аттуу даректүү сериал үчүн тартылган кадрлар пайдаланылган.

Russia Today телеканалы UFC уюмунун чемпиону Хабиб Нурмагомедовдун атасы жана машыктыруучусу Абдулманап Нурмагомедовдун элесине арнап тасма тартуулады.

Фильм RT Sport каналдын YouTube каналына жарыяланды.

Тасмада көрсөтүлгөн кадрлар 2019-жылы Dagestan: Land of Warriors аттуу даректүү сериалдын бешинчи эпизоду үчүн тартылганы, бирок машыктыруучунун каза болгондугуна байланыштуу тасма номери жок эле чыгарылганы белгиленет.

Хабибдин атасы Абдулманап Нурмагомедовдун сөөгү Дагестанда жерге берилди

Абдулманап Нурмагомедов 3-июлда 57 жаш курагында каза болгон. Коронавирус илдетине чалдыгып, ден соолугу катуу жабыркаган. Ага Москванын ооруканасында операция жасалган болчу. Сөөгү Дагестандагы өзүнүн Кироваул айылына коюлган.

Абдулманап Нурмагомедов машыктыруучу катары спорттун бир канча түрүнөн жалпысынан 18 дүйнө чемпионун тарбиялап чыккан.

116
Белгилер:
UFC, тасма, Абдулманап Нурмагомедов
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео
Караколдо тамтыгы чыккан имаратта рентгенге тартат

Караколдо тамтыгы чыккан имаратта рентгенге тартат. Дарыгердин түшүндүрмөсү

0
(жаңыланган 19:55 12.07.2020)
Эски үйгө окшош имаратта 1967-жылы чыгарылган рентген-томография иштетилет. Бул облус боюнча жападан жалгыз аппарат.

БИШКЕК, 12-июл. — Sputnik. Каракол шаардык кургак учук диспансеринин директору Жаңыл Акунова эмне себептен рентген-аппарат авариялык абалдагы имаратта жайгашканын айтып берди. Анын билдирүүсүн өкмөттүн Ысык-Көл облусундагы өкүлчүлүгүнүн маалымат кызматы жарыялады. 

Аварийное здание, где находится единственный рентген-аппарат в Караколе Иссык-Кульской области.
© Фото / Жаныбек Кожоев
Караколдо тамтыгы чыккан имаратта рентгенге тартат

Буга чейин социалдык тармактарда дубалдары көчкөн эски үйгө окшогон имаратта рентген тартып жатканы туурасында жазышкан.

Ысык-Атанын ооруканасында эртеден бери дарыгерлер жокпу? Министрликтин жообу

Акунова ал аппарат кургак учук менен ооруган бейтаптарга гана колдонула турганын жана жабдыктын иштөө убактысы чектелүү экенин билдирди.

“Бул 1967-жылы чыгарылган эски рентген-томограф, муну эчак эле колдонуудан чыгарыш керек болчу. Бирок облус боюнча бир эле ушул аппарат болгондуктан иштетүүгө туура келет. Учурда томографияга гана тартып жатабыз, рентген иштебей калды. Биз кургак учук менен ооруган бейтаптарды гана тейлейбиз. Бул аппаратты эч качан ордунан жылдырбаш керек, болбосо таптакыр эле  жарактан чыгып калат”, — деди дарыгер.

Ошондой эле ал каражаттын жоктугунан имарат оңдолбой турганын кошумчалады.

0
Белгилер:
оңдоо, дарыгер, имарат, рентген, Каракол
Тема боюнча
Көлдөгү кургак учукту дарылаган борбор COVID жуктургандарга берилеби? Расмий жооп
Ысык-Атанын ооруканасында жарык өчүп, аппараттагы бейтап көз жумду
№1 шаардык оорукананын медигинин кайрылуусу боюнча башкы дарыгер текшерилет