Кыргызстандык спортчу  Айсулуу Тыныбекова

Спортту баскетболдон баштаган. Атактуу Тыныбекова тууралуу 6 факты

2944
(жаңыланган 09:46 23.09.2019)
Тыныбекова Кыргызстандын тарыхында биринчи жолу чоңдор арасындагы дүйнө чемпионатынан алтын байге утту. Мындан улам Sputnik Кыргызстан маалымат агенттиги атактуу балбан тууралуу фактыларды даярдады.

Күрөш түрлөрү боюнча дүйнө чемпионаты Нур-Султан (Казакстан) шаарында өттү. Кыргызстандык спортчу финалда болгариялык Тайбе Юсейнди 5:3 эсебинде утуп алды.

Медиктердин үй-бүлөсүнөн

Айсулуу Тыныбекова 1993-жылы 4-майда Жалал-Абад облусунун Майлуу-Суу шаарында төрөлүп, үч жашынан тарта Нарын облусундагы Кочкор районунун Теңдик айылында чоңойгон. Ата-энеси медицина кызматкерлери. Өзүнөн улуу эки эжеси, агасы жана иниси бар. Үй-бүлөсү күрөшкө жакын болбосо дагы Айсулуунун апасы аларды кечкисин чуркатып турчу.

Спортту баскетбол, таэквондодон баштаган

8-класска чейин мектепте баскетбол боюнча курама команданын капитаны болгон. 9-класста окуп жүргөндө Кочкордо таэквондо менен машыга баштаган. 10-классты бүткөндө күрөш менен машыгып, борборго бат-баттан каттагандыктан, мектепти Бишкек — Кочкор жолунда аяктаган. Алгач күрөш боюнча Нарын облусунун биринчилигине катышып, ыкмасы жок эле, кара күчкө салып чемпион болгон.

Кыргызстанская спортсменка Айсулуу Тыныбекова после победы над Тайбе Юсейн из Болгарии на финале чемпионата мира по спортивной борьбе в Нур-Султане
© Фото / пресс-служба ГАМФКиС
Айсулуу Тыныбекова 1993-жылы 4-майда Жалал-Абад облусунун Майлуу-Суу шаарында төрөлгөн

Машыктыруучусу Нурбек Изабеков менен таанышуусу

2010-жылы Кыргыз мамлекеттик техникалык университетинде окуп, машыгып жүргөндө агайы Сабыр Рысбеков азыркы машыктыруучусу Нурбек Изабеков менен тааныштырган. Айсулуу машыктыруучусу тууралуу "Нурбек агай мени жаңы деңгээлге көтөрүп чыкты. Алтындай убактысын, баалуу нерселерин мен үчүн курман кылды. Ар мелдеште анын эмгегин текке кетирбөө үчүн жакшы күрөшүүгө умтулам" деп айтканы бар.

2009-жылы күрөш боюнча курама командага кирип, кийинки жылы Азия чемпионатында коло медаль алган. Андан кийин да көптөгөн эл аралык мелдештерде байгелүү орундарга ээ болгон. 2012-жылы Тыныбекова Олимпиадага катышып, 13-орунга гана татыган. Муну менен балбан кыздардын арасынан Олимпиадага катышкан биринчи кыз болгон.

2013-жылы Азия чемпионатынан коло медаль алса, 2014-жылы Азия оюндарынан коло байгени багындырган. 2014-2015-2016-жылдары Азия чемпионатында күмүш медалга ээ болгон.

Борец из Кыгызстана в вольном стиле Айсулуу Тыныбекова на олимпийских играх в Рио-Де-Жанейро
© REUTERS / TORU HANAI
2014-2015-2016-жылдары Азия чемпионатында күмүш медалга ээ болгон

Рио Олимпиадасындагы алтынга тете жеңиши

Балбан 2016-жылы Бразилиянын Рио-де-Жанейро шаарында өткөн жайкы Олимпиада оюндарына катышып, коло байге үчүн кармашта индиялык Сакши Маликке утулуп калган. Спортчу жеңишке аз калганда жеңилип, байгени колунан алдырып ийген.

Тыныбекова быйыл, 2019-жылы, Азия чемпиону болгон. Ал журналисттерге берген маегинде Олимпиададан кийин жарым жыл стресс болуп жүргөнүн айтып берген. Анткен менен индиялык Сакши Маликти 2018-жылы Азия оюндарынын жарым финалында 9:7 эсеби менен утуп, өчүн алган.

Жаракаты

2017-жылы Айсулуу Тыныбекова Польшада өткөн эл аралык турнирдин финалында күрөшүп жатып ийинин оорутуп алган. Бир нече ай Германияда дарыланганын машыктыруучусу редакцияга айтып берген. Мындан улам балбан спорттон алыстап, мелдештерге убактылуу катышпай калган.

2018-жылы Жакартадагы Азия оюндарында күмүш байге алган.

Кыргызстанская спортсменка Айсулуу Тыныбекова после победы над Тайбе Юсейн из Болгарии на финале чемпионата мира по спортивной борьбе в Нур-Султане
© Фото / пресс-служба ГАМФКиС
Балбандардын ичинен Айсулуу Тыныбекова Нур-Султан шаарында өткөн чоңдор арасындагы дүйнө чемпионатында алтын байге утуу менен тарыхка кирди

Тарыхка кириши

Балбандардын ичинен Айсулуу Тыныбекова Нур-Султан шаарында өткөн чоңдор арасындагы дүйнө чемпионатында алтын байге утуу менен тарыхка кирди. Ал эми 2007-жылы Канат Бегалиев, 2018-жылы Жоламан Шаршенбеков күмүш байге алышкан.

Мындан тышкары, Тыныбекова 2020-жылы Токиодо өтө турчу Олимпиада оюндарына лицензия алды.

2944
Белгилер:
факты, байге, дүйнө чемпионаты, балбан, Айсулуу Тыныбекова, Кыргызстан
Тема боюнча
Сүйүнчү! Айсулуу Тыныбекова дүйнө чемпиону болду! Видео
Бул күндү 10 жыл күткөм! Тыныбекованын жеңишинен кийинки видеосу
Сооронбай Жээнбеков балбан Айсулуу Тыныбекованы телефон чалып куттуктады
Беш түр салмак категорияда чемпион болгон Флойд Мейвезер. Архивдик сүрөт

Мейвезер полициянын колунан каза тапкан Флойддун зыйнатын көтөрөт

64
Атактуу боксчунун өкүлүнүн айтымында, Мейвезер Жордж Флойддун үй-бүлөсү менен сүйлөшүп, зыйнатына кетчү каражатты төлөп бермей болгон.

БИШКЕК, 3-июн. — Sputnik. Беш түр салмак категорияда чемпион болгон Флойд Мейвезер Миннеаполисте полициянын одоно аракетинен каза тапкан Жордж Флойдду акыркы сапарга узатуу зыйнатына кеткен каражатты көтөрүп берет. Бул тууралуу ESPN телеканалы боксчунун өкүлү Леонард Эллербеге шилтеме берип жазды.

"Ал (Мейвезер) сөөк коюу иш-чарасынын каражатын төлөп берет. Флойддун үй-бүлөсү менен бул тууралуу сүйлөшкөн, алар сунушту кабыл алган. Мунун баарын айтып жатканым үчүн кыжырданышы мүмкүн. Бирок ал мындай иштерди 20 жылдан бери кылып келет", — деп билдирген спортчунун өкүлү.

Эллербе бул иштерди жасоо менен боксчу өзүнө упай топтоону көздөбөй турганын белгилеген.

Мейвезер буга чейин, 2011-жылы, 45 жашында рактан каза болгон боксчу Генаро Эрнандестин акыркы сапарга узатуу чыгымын төлөп бергени айтылат. Мейвезер биринчи чемпиондук наамын 1998-жылы Эрнандести жеңип алгандан кийин тагынган.

Америкалык кара түстүү жаран Жордж Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойддун бир нече жолу "дем ала албай жатам" деп айтып, андан кийин тынчып калганын көрүүгө болот.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародерлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

46 жаштагы Жордж Флойдду акыркы сапарга узатуу зыйнаты 9-июнда өзү туулуп-өскөн Хьюстон шаарында болот.

64
Белгилер:
каражат, зыйнат, өлүм, Жорж Флойд, Флойд Мейвезер, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШ полициясы ЖМК өкүлү экенин билип туруп Sputnik продюсерине ок чыгарды
АКШ: полиция кызматкерлери нааразылыкка чыккандардын алдында тизелеген видео
Кыргызстандык UFC мушкери Антонина Шевченко. Архив

Антонина Шевченконун соңку беттешинде алган гонорары айтылды

423
Узаган жумадагы UFC турниринде кыргызстандык мушкер Антонина Шевченко америкалык Кэтлин Чукагян менен кармашып, утулуп калган.

БИШКЕК, 2-июн. — Sputnik. Невада штатынын Атлетикалык комиссиясы UFC on ESPN 9 турнирине катышкан спортчулардын гонорары тууралуу маалымат таратканын MMA Fighting басылмасы жазды.

Спорттук иш-чара узаган аптада Лас-Вегастагы UFC Apex аренасында болду.

Беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калган. Каршылашы беттештин жүрүшүндө көбүрөөк үстөмдүк кылды.

Турнирдин башкы беттешинде 77 килограмм салмактагылар арасында мурдагы чемпион Тайрон Вудли менен Гилберт Бернс беттешип, үч раунддун жыйынтыгы менен жеңиш Бернске буюрду.

Жарыяланган маалыматтар боюнча, Шевченко акыркы кармашы үчүн 35 миң доллар алган. Анын атаандашы бул турнирде эң көп гонорар алгандардын бири болгон. Сый акысынын көлөмү 120 миң долларды (беттешкени үчүн 60 миң доллар, ушунча эле каражат жеңиш үчүн) түзөт.

Турнирде эң көп акча алган мушкер Гилберт Бернс болуп, 218 миң долларга ээ болду. Ушул сумманын 84 миң доллары беттешкени менен жеңишке жеткени үчүн, 50 миңи болсо мыкты кармаш тартуулаганы үчүн берилген.

Мурдагы чемпион Тайрон Вудли 200 миң доллар тапкан. Эгер ал жеңишке жетсе, 350 миң доллар алмак.

423
Белгилер:
сый акы, гонорар, беттешүү, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Ош-Тазалык муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты

"Ош-Тазалык" ишканасы таштанды чыгарган жаңы техникалуу болду. Сүрөт

13
(жаңыланган 14:35 03.06.2020)
Ош калаасындагы таштандыларды чыгаруу боюнча Европа өнүктүрүү жана реконструкциялоо банкы менен 10 миллион евролук долбоор иштелип чыккан.

БИШКЕК, 3-июн. — Sputnik. "Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты.

  • Муниципальное предприятие Ош — Тазалык получило 12 мусоровозов на центральной площади.
    "Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты
    © Sputnik / Зульфия Тургунова
  • Муниципальное предприятие Ош — Тазалык получило 12 мусоровозов на центральной площади.
    Жаңы техникалар Европа өнүктүрүү жана реконструкциялоо банкынын каржылоосу менен алынган
    © Sputnik / Зульфия Тургунова
  • Мэр Оша Таалайбек Сарыбашов во время церемонии вручения ключей от мусоровозов на центральной площади
    Алардын ачкычын тапшырып жатып Ош шаарынын мэри Таалайбек Сарыбашов "Ош-Тазалык" ишканасынын техникалары толук жаңылана турганын айткан
    © Sputnik / Зульфия Тургунова
  • Мэр Оша Таалайбек Сарыбашов проехал по площади за рулем одного из мусоровозов во время церемонии вручения ключей от мусоровозов на центральной площади
    Ал Ош шаарында таштандыларды тазалоо боюнча Европа өнүктүрүү жана реконструкциялоо банкы менен 10 миллион евролук долбоор иштелип чыкканын кошумчалады.
    © Sputnik / Зульфия Тургунова
1 / 4
© Sputnik / Зульфия Тургунова
"Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты

Жаңы техникалар Европа өнүктүрүү жана реконструкциялоо банкынын каржылоосу менен алынган. Алардын ачкычын тапшырып жатып Ош шаарынын мэри Таалайбек Сарыбашов "Ош-Тазалык" ишканасынын техникалары толук жаңылана турганын айткан.

"Тазалык" ишканасында атайын техникалардын саны жетишсиз. Ошондуктан өткөн жылы жергиликтүү бюджеттен 30 миллион сом бөлүнүп, жалпы 14 атайын техника сатып алынган. Жаз-жайда жолго суу сээп тазалаган, кышкысын карды тазалаган төрт даана техника июль айында алып келинет", — деди Сарыбашев.

Ал Ош шаарында таштандыларды тазалоо боюнча Европа өнүктүрүү жана реконструкциялоо банкы менен 10 миллион евролук долбоор иштелип чыкканын кошумчалады.

"Бул акчанын 50 пайызы насыя катары берилет. Долбоордун алкагында 41,2 миң еврого 32 таштанды салган контейнер алып келинип, учурда пайдаланып жатабыз. Июнда дагы бир топ партиясы келет. Мындан сырткары, таштанды жүктөгөн дагы 12 даана автоунаа алынышы күтүлүүдө", — деди Ош шаарынын мэри.

Ушул эле долбоордун алкагында шаарга жаңы санитардык полигон куруу пландалганы да маалым болду.

13
Белгилер:
долбоорлор, таштанды, техника, Таалайбек Сарыбашев, Ош
Тема боюнча
Ош мэриясы: вирус жайылып кетсе, чектөөлөрдү кайрадан күчөтөбүз
Ош шаарында аялдамалар оңдолуп, жаңыланып жатат. Сүрөт