Кыргызстандык мушкер Рафаэль Физиев. Архив

Рафаэль Физиев UFC мелдештерине кайтып келди. Эми ким менен беттешет?

119
(жаңыланган 15:02 07.10.2019)
Кыргызстандык мушкер 10-августта Уругвайда UFC Fight Night 156 мелдешинде беттешке чыгышы керек болчу. Бирок турнирге эки жума калганда бутун сындырып алган.

БИШКЕК, 6-окт. — Sputnik. Кыргызстандык мушкер Рафаэль Физиев UFC уюмунун алкагында кийинки беттешин Сингапурда өткөрөт. Бул тууралуу ал Instagram баракчасына жазды.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Кыргызстандык мушкер 10-августта Уругвайда UFC Fight Night 156 мелдешинде чыгышы керек болчу. Бирок турнирге эки жума калганда бутун сындырып алган.

Мушкердин өзүнүн айтымында, америкалык 30 жаштагы спортчу Алекс Уайт менен октагондо кездешет.  Алардын беттеши Сингапурда 26-октябрга пландалып, UFC Fight Night: Maia vs. Askren турниринин алкагында өтөт. Аталган мелдештин негизги мушташы Бен Аскрен менен Демиан Майянын ортосунда болот.

Физиевдин атаандашы UFC турнирлерине 2014-жылдан бери чыгып келет. Ал тогуз мушташ өткөрүп, төртөөндө жеңишке жеткен.

Ал эми кыргызстандык мушкер UFC турнирлерине 2018-жылдан бери катышат. Биринчи беттешин Санкт-Петербург шаарында өткөрүп, анда россиялык Магомед Мустафаевге жеңилип калган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
119
Белгилер:
турнир, мушташ, UFC, Рафаэль Физиев, Сингапур
Тема боюнча
Макгрегор кары кишиге кол көтөргөнү үчүн кесилип кетиши мүмкүн
Нурмагомедов Сен-Пьер менен кандай шартта беттешерин UFC башчысы айтып берди