Борбор калаада бүгүн Мол булак Күз деми эл аралык марафону өтүп, ага 3000дей жөө күлүк чуркады

Бишкекте эл аралык марафон өтүп, ага үч миңдей адам катышты

116
(жаңыланган 15:05 07.10.2019)
Марафонго катышкан ар бир адамдын төлөгөн акчасынын 100 сому жүрөк оорусу менен жабыркаган балдарды дарылоого берилмекчи.

БИШКЕК, 6-окт. — Sputnik. Борбор калаада бүгүн "Мол булак Күз деми" эл аралык марафону болуп өттү. Ага катышкан 3000дей жөө күлүктүн ичинен 42 чакырым аралыкка чуркоодо биринчи болуп Бердигул Айтпай уулу финишке жетти. Бул тууралуу "Тонус" коомдук фондусунан билдиришти.

  • Участники бишкекского Международного марафона Мол Кулак Куз Деми
    Борбор калаада бүгүн "Мол булак Күз деми" эл аралык марафону өтүп, ага 3000дей жөө күлүк чуркады
    © Фото / пресс-служба фонда "Тонус"
  • Участники бишкекского Международного марафона Мол Кулак Куз Деми
    Маалыматка ылайык, жарышка профессионалдар жана спорт ышкыбоздору катышты
    © Фото / пресс-служба фонда "Тонус"
  • Участники бишкекского Международного марафона Мол Кулак Куз Деми
    Ошондой эле Казакстан, Россия, АКШ, Франция, Эстония, Германия, Италия, Кытай, Түркия, Катар, Индия, Аргентина, Улуу Британия жана башка 20дан ашуун өлкөдөн жөө күлүктөр келди.
    © Фото / пресс-служба фонда "Тонус"
1 / 3
© Фото / пресс-служба фонда "Тонус"
Борбор калаада бүгүн "Мол булак Күз деми" эл аралык марафону өтүп, ага 3000дей жөө күлүк чуркады

Маалыматка ылайык, жарышка профессионалдар жана спорт ышкыбоздору катышты. Ошондой эле Казакстан, Россия, АКШ, Франция, Эстония, Германия, Италия, Кытай, Түркия, Катар, Индия, Аргентина, Улуу Британия жана башка 20дан ашуун өлкөдөн жөө күлүктөр келди. Анда Sputnik Кыргызстан агенттигинин журналисти Эламан Карымшаков да катышып, 21 чакырымга чуркады.

Бул жарыш кайрымдуулук негизде өтүп, ар бир катышуучунун төлөгөн каражатынын 100 сому жүрөгү ооруган балдарды дарылоого берилмекчи.

Жалпы жонунан чуркоого 3000дин тегерегиндеги адам катышып, "Бишкек — "Манас" аэропорту" унаа жолунда 3, 10, 21 жана 42 чакырым аралыкка чуркап күчүн сынашты. Анын ичинен чоңдордун саны 2711, жаш балдардын саны 300дү түздү. Баары биригип 27 642 чакырым жолду басып өттү. Баш байгеге 42 195 сом коюлган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
116
Белгилер:
чуркоо, жөө күлүк, марафон, Бишкек
Тема боюнча
Миңдеген адамдар чуркап. Ак илбирсти сактоого арналган чуркоо видеодо