ыргызстандын курама командасынын чабуулчусу Виталий Люкс. Архив

Футболчу Виталий Люкс үйлөнгөндөн кийин Кыргызстанда калышы мүмкүн

350
(жаңыланган 17:17 07.10.2019)
Спортчу учурда Бишкекте. Ал 2022-жылы боло турчу дүйнө чемпионатынын тайпалык тандоо турунун алкагында Мьянма командасы менен болчу беттешке даярдык көрүүдө.

БИШКЕК, 7-окт. — Sputnik. Кыргызстандын курама командасынын чабуулчусу Виталий Люкс Кыргызстандан сүйүктүүсүн тапса бул жакта калуу ниети бар экенин айтты.

Мындай пикирин 30 жаштагы футболчу "Немистердин элдик кеңеши" коомдук бирикмеси тарабынан Бишкекте уюштурулган жолугушууда билдирди. Ага курама команданын жарым коргоочусу Эдгар Бернхардт дагы катышкан. Футболчулар учурда Бишкекте, алар 2022-жылы боло турчу дүйнө чемпионатынын тайпалык тандоо турунун алкагында Мьянма менен боло турчу беттешке даярдык көрүүдө.

Жыйынга келгендер Люкстан Кыргызстандын курама командасы менен иштешүү аяктагандан кийин эмне кыларына, карьерасына жана Кыргызстанда калар-калбасына кызыгышкан.

"Азырынча Германияга кетем. Бул жактан кыз таап үйлөнүп калышым деле мүмкүн", — деди Люкс.

Андан сырткары, Азия кубогунда Филиппиндер менен болгон беттеште хет-трикти (үч гол киргизүү) кантип жасаганын сурашты.

Люкс өз кезегинде ал күн жакшы болгондуктан бардыгы жөнөкөй эле ишке ашканын айтты.

350
Белгилер:
футбол, Виталий Люкс, Кыргызстан
Тема боюнча
Футболчу Виталий Люкс дарбазачынын айласын кетирген видео
Хет-трик жасаган Виталий Люкс тууралуу эмне белгилүү
Россиялык мушкер Петр Ян бразилиялык Жозе Алдону жеңди

Россиялык дагы бир мушкер UFC чемпиону аталды. Видео

209
(жаңыланган 12:54 12.07.2020)
Спортчу бешинчи раундда атаандашын техникалык нокаут менен утуп алды. Анын каршылашы жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону.

БИШКЕК, 12-июл. — Sputnik. Россиялык мушкер Петр Ян бразилиялык Жозе Алдону жеңип, жеңил салмактагылар арасындагы UFC уюмунун чемпиондук курун тагынды.

Беттеш бүгүн, 12-июлда, UFC 251 "Мушкерлердин аралында" турниринин алкагында өттү. Чемпиондук кур экс-чемпион Генри Сехудонун спорттук ишмердүүлүгүн жыйынтыкташы менен ээсиз турган.

27 жаштагы россиялык спортчу бешинчи раундда атаандашын техникалык нокаут менен утуп алды.

​"Мен беттеш оор болорун билгем. Ошол үчүн анча шашкан жокмун. Биздин максат аны чарчатып, үчүнчү раундда жигердүү чабуулга өтүү болгон", — деди жеңишке ээ болгон Петр Ян.

Посмотреть эту публикацию в Instagram

Публикация от UFC Russia (@ufcrussia)

Муну менен 27 жаштагы Ян өзүнүн карьерасында 15 жолу жеңүүчү аталып, буга чейин бир жолу утулган. Ал Хабиб Нурмагомедовдон кийин эле россиялык экинчи UFC чемпиону боло алды.

UFC: бирин-бири аябай... Жарым жеңил салмактагы дивизиончулар беттешкен видео

33 жаштагы Жозе Алдо болсо жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону болчу. Спортчу 24 беттеш өткөрүп, алты каршылашынан утулуп калган.

209
Белгилер:
Петр Ян, чемпион, UFC, Россия
Тема боюнча
Башка, бетке, чыкыйга тээп... UFC беттешиндеги эсте калчу учурлардын видеосу
UFC: бирин-бири аябай... Жарым жеңил салмактагы дивизиончулар беттешкен видео

Хабибдин атасы Абдулманап Нурмагомедов тууралуу тасма тартылды

119
(жаңыланган 11:45 09.07.2020)
Тасмада Dagestan: Land of Warriors аттуу даректүү сериал үчүн тартылган кадрлар пайдаланылган.

Russia Today телеканалы UFC уюмунун чемпиону Хабиб Нурмагомедовдун атасы жана машыктыруучусу Абдулманап Нурмагомедовдун элесине арнап тасма тартуулады.

Фильм RT Sport каналдын YouTube каналына жарыяланды.

Тасмада көрсөтүлгөн кадрлар 2019-жылы Dagestan: Land of Warriors аттуу даректүү сериалдын бешинчи эпизоду үчүн тартылганы, бирок машыктыруучунун каза болгондугуна байланыштуу тасма номери жок эле чыгарылганы белгиленет.

Хабибдин атасы Абдулманап Нурмагомедовдун сөөгү Дагестанда жерге берилди

Абдулманап Нурмагомедов 3-июлда 57 жаш курагында каза болгон. Коронавирус илдетине чалдыгып, ден соолугу катуу жабыркаган. Ага Москванын ооруканасында операция жасалган болчу. Сөөгү Дагестандагы өзүнүн Кироваул айылына коюлган.

Абдулманап Нурмагомедов машыктыруучу катары спорттун бир канча түрүнөн жалпысынан 18 дүйнө чемпионун тарбиялап чыккан.

119
Белгилер:
UFC, тасма, Абдулманап Нурмагомедов
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео
Эл аралык аэропортундагы учак. Архив

Аэропорт аткаминерлер санавиация менен учуп кетүүдө деген сөзгө жооп берди

0
(жаңыланган 12:58 13.07.2020)
"Манас" эл аралык аэропортунун маалымат кызматы коомчулуктан такталбаган кабарларды таратпоону суранган.

БИШКЕК, 13-июл. — Sputnik. Социалдык тармакка тараган маалыматта айтылгандай, кыргызстандык аткаминерлер жакында "Манас" эл аралык аэропортунан эл аралык чартердик каттамдар менен учкан эмес. Бул туурасында аталган аба майдандын маалымат кызматынан кабарлашты.

Эске салсак, эл арасында атайын борт менен cаламаттык сактоо министри Сабиржан Абдикаримов пневмония, орун басары Нурболот Үсөнбаев коронавируска https://sputnik.kg/society/20200710/1048965341/esalamattyk-saktoo-ministrinen-pnevmoniya.html кабылып, Германияга дарыланууга учуп кетти деген маалымат тараган.

COVID-19дан беш медик каза болду. Сандардын өсүп жатышынын себеби

"Дүйнө жүзүндө эпидемиологиялык кырдаалдын начарлашынан улам жана башка өлкөлөр менен аба байланышына тийиштүү чектөөлөрдү киргизүү мөөнөтүндө "Манас" аэропортуна мезгил-мезгили менен буюртмалык чартердик санитардык каттамдар аткарылууда. Аталган каттамдар менен чет элдик дипломатиялык кызматтардын өкүлдөрү жана алардын үй-бүлө мүчөлөрү, эл аралык уюмдардын кызматкерлери, чет элдик жарандар пайдаланат. Ал эми Кыргызстандын жарандары мындай каттамдар менен учкан эмес", — деп айтылган маалыматта.

Аэропорттун маалымат кызматы коомчулуктан мындай такталбаган кабарларды таратпоону суранган.

"Эл аралык "Манас" аэропорту жалган маалымат таратпоону суранат. Учурдагы эпидемиологиялык абалда "Манас" аэропорту кызматкерлердин жана жүргүнчүлөрдүн коопсуздугун камсыздоо үчүн күнү-түнү иштеп жатат", — деп кошумчалаган алар.

Ал эми министрлик Сабиржан Абдикаримов менен анын орун басары Нурболот Үсөнбаев дарылануу үчүн чет мамлекетке учуп кеткен эмес деген билдирүү тараткан.

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
Нурболот Үсөнбаев, Сабыржан Абдикаримов, Германия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Коронавирус: бир суткада 125 ак халатчан оору жуктуруп, сегизи айыгып чыкты