Пирожное. Архивдик сүрөт

Бишкекте өткөн футбол кечесине Райым Матраимов да барды. Сүрөт

835
(жаңыланган 14:26 08.10.2019)
Буга чейин Матраимовдун чет өлкөдө экени айтылган. Бир тууганы ага Түркиядагы холдингдердин бирин жетектөө боюнча сунуш түшкөнүн билдирген болчу.

БИШКЕК, 8-окт. — Sputnik. Бишкекте Футбол федерациясы тарабынан уюштурулган футбол кечеси өттү.

Иш-чарада Кыргызстан менен Мьянма курама командаларынын беттешине даярдана турган футболчуларга сый көрсөтүлдү. Бул 2022-жылы өтө турган Дүйнө чемпионаты менен 2023-жылы боло турган Азия кубогунун тандоо турунун алкагындагы тайпалык этаптын экинчи оюну болмокчу.

Биринчи беттеш тажикстандыктар менен өтүп, тилекке каршы, КР футблочулары утулуп калган.

Кеченин конокторунун катарында федерациянын, Жаштар иши, дене тарбия жана спорт агенттигинин, өкмөттүн, президенттик аппараттын өкүлдөрү, коомдук ишмерлер жана журналисттер болду.

Социалдык тармакта меймандардын арасында эл ичинде катуу талкууга алынган Мамлекеттик бажы кызматынын төрагасынын мурунку орун басары Райым Матраимовдун жүргөнү да айтылууда. Буга чейин Матраимов чет өлкөдө деген кептер жүргөн

Матраимовдун айланасындагы чыр

Ээлеген кызматынан Матраимовду ошол кездеги премьер-министр Сапар Исаков ишеничтен кетти деген жүйө менен алган. Эл ичинде Райым Миллион деген каймана аты бар аткаминер сотко кайрылып, кызматына кайра туруу боюнча ишти үч инстанцияда тең утуп алган.

Мындан тышкары, Матраимовдун мүлкү ачыкка чыккандан кийин ал мыйзамсыз баюу беренеси боюнча иште фигурант болгон. 2019-жылдын январында Экономикалык кылмыштуулукка каршы мамлекеттик кызмат текшерүүнү баштап, жарым жылдан кийин алгачкы жыйынтыктарын жарыялаган.

835
Белгилер:
сот, мүлк, бажы, Райымбек Матраимов, кече, Футбол федерациясы
Тема боюнча
Искендер Матраимов: Райымды жаңы кызматка чакырышты
Финпол Матраимовдун Кыргызстандагы мүлкүн тизмектеди. Текшерүүнүн жыйынтыгы
Россиялык мушкер Петр Ян бразилиялык Жозе Алдону жеңди

Россиялык дагы бир мушкер UFC чемпиону аталды. Видео

196
(жаңыланган 12:54 12.07.2020)
Спортчу бешинчи раундда атаандашын техникалык нокаут менен утуп алды. Анын каршылашы жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону.

БИШКЕК, 12-июл. — Sputnik. Россиялык мушкер Петр Ян бразилиялык Жозе Алдону жеңип, жеңил салмактагылар арасындагы UFC уюмунун чемпиондук курун тагынды.

Беттеш бүгүн, 12-июлда, UFC 251 "Мушкерлердин аралында" турниринин алкагында өттү. Чемпиондук кур экс-чемпион Генри Сехудонун спорттук ишмердүүлүгүн жыйынтыкташы менен ээсиз турган.

27 жаштагы россиялык спортчу бешинчи раундда атаандашын техникалык нокаут менен утуп алды.

​"Мен беттеш оор болорун билгем. Ошол үчүн анча шашкан жокмун. Биздин максат аны чарчатып, үчүнчү раундда жигердүү чабуулга өтүү болгон", — деди жеңишке ээ болгон Петр Ян.

Посмотреть эту публикацию в Instagram

Публикация от UFC Russia (@ufcrussia)

Муну менен 27 жаштагы Ян өзүнүн карьерасында 15 жолу жеңүүчү аталып, буга чейин бир жолу утулган. Ал Хабиб Нурмагомедовдон кийин эле россиялык экинчи UFC чемпиону боло алды.

UFC: бирин-бири аябай... Жарым жеңил салмактагы дивизиончулар беттешкен видео

33 жаштагы Жозе Алдо болсо жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону болчу. Спортчу 24 беттеш өткөрүп, алты каршылашынан утулуп калган.

196
Белгилер:
Петр Ян, чемпион, UFC, Россия
Тема боюнча
Башка, бетке, чыкыйга тээп... UFC беттешиндеги эсте калчу учурлардын видеосу
UFC: бирин-бири аябай... Жарым жеңил салмактагы дивизиончулар беттешкен видео

Хабибдин атасы Абдулманап Нурмагомедов тууралуу тасма тартылды

118
(жаңыланган 11:45 09.07.2020)
Тасмада Dagestan: Land of Warriors аттуу даректүү сериал үчүн тартылган кадрлар пайдаланылган.

Russia Today телеканалы UFC уюмунун чемпиону Хабиб Нурмагомедовдун атасы жана машыктыруучусу Абдулманап Нурмагомедовдун элесине арнап тасма тартуулады.

Фильм RT Sport каналдын YouTube каналына жарыяланды.

Тасмада көрсөтүлгөн кадрлар 2019-жылы Dagestan: Land of Warriors аттуу даректүү сериалдын бешинчи эпизоду үчүн тартылганы, бирок машыктыруучунун каза болгондугуна байланыштуу тасма номери жок эле чыгарылганы белгиленет.

Хабибдин атасы Абдулманап Нурмагомедовдун сөөгү Дагестанда жерге берилди

Абдулманап Нурмагомедов 3-июлда 57 жаш курагында каза болгон. Коронавирус илдетине чалдыгып, ден соолугу катуу жабыркаган. Ага Москванын ооруканасында операция жасалган болчу. Сөөгү Дагестандагы өзүнүн Кироваул айылына коюлган.

Абдулманап Нурмагомедов машыктыруучу катары спорттун бир канча түрүнөн жалпысынан 18 дүйнө чемпионун тарбиялап чыккан.

118
Белгилер:
UFC, тасма, Абдулманап Нурмагомедов
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео
Киши жер титирөөнүн графигин көргөзүп жатат. Архив

Кыргызстандын үч жеринде жер титиреди

32
(жаңыланган 10:42 13.07.2020)
Жабыркагандар жана кыйроолор катталган эмес. Ал айрым жактарда 4,5 баллдан 2,5 баллга чейин сезилген.

БИШКЕК, 13-июл. — Sputnik. Кечээ жана бүгүн таңда өлкөнүн үч облусунда жер титирөө катталганын Өзгөчө кырдаалдар министрлиги Сейсмология институтунун маалыматына таянып кабарлады.

Ага ылайык, кечээ, 12-июль күнү, саат 06:28де Нарын облусунун аймагында очогунда күчү 4,5 баллга жеткен жер титирөө болгон. Ал Нарын районунун Кара-Булак айылында, Ак-Талаа районунун Орто-Сырт айылында 4 балл, Ат-Башы районунун Ак-Бейит, Казыбек, Кызыл-Туу айылдарында 3,5 балл, Ак-Талаа районунун Баетов жана Кара-Суу айылдарында 2,5 баллга чейин сезилген.

Сейсмолог Жумабаев: жер титирээрин алдын ала айтууга болот, бирок бир шарт менен

Ошол эле күнү саат 23:46да Ысык-Көл облусунун аймагында очогунда күчү 3,5 баллга жеткен жер титирөө катталган. Силкинүү Жети-Өгүз районунун Оргочор, Подгорное, Кызыл-Суу айылдарында 3,5 балл, Жети-Өгүз, Саруу, Мундуз айылдарында 3 балл, Жети-Өгүз районунун Дархан айылында жана Каракол шаарында 2,5 баллга чейин сезилген.

Ал эми бүгүн түнү саат 01:05те Кыргызстан менен Тажикстандын чегинде очогунда күчү 3 баллга жеткен жер титирөө болуп, Лейлек районунун Алга, Жеңиш жана Ак-Суу айылдарында 2 баллга чейин сезилген.

Бардык жер титирөөдөн жабыркагандар жана кыйроолор болгон эмес.

32
Белгилер:
жер титирөө, Лейлек, Ысык-Көл, Нарын, ӨКМ
Тема боюнча
Апкаарыган жок. Жаңы Зеландия премьери маек берген учурда жер титиреди. Видео