Кыргызстандык балбан Чынарбек Изабеков. Архивдик сүрөт

Ардагер балбан Чынарбек Изабеков дүйнө чемпионатынан күмүш байге алды. Видео

662
(жаңыланган 13:50 13.10.2019)
Балбан эркин күрөш боюнча 100 килограмм салмак категориясында күч сынашты. Финалда ирандык спортчу Али Аббас Чехрехке 1:2 упай эсебинде утулуп калган.

БИШКЕК, 13-окт. — Sputnik. Кыргызстандык балбан Чынарбек Изабеков Тбилисиде (Грузия) өткөн ардагерлер арасындагы күрөш боюнча дүйнө чемпионатында күмүш медалга ээ болду. Бул туурасында Бириккен күрөш уюмунун (UWW) расмий сайтында жазылган.

Беттештин видеосун Instagram колдонуучулары жүктөдү.

Посмотреть эту публикацию в Instagram

Публикация от Тахир Гафуров (@tahir__gafurov)

Балбан эркин күрөш боюнча 100 килограмм салмак категориясында күч сынашты. Белгилей кетсек, 8/1 финалда казакстандык атаандашы Куаныш Мырза беттешке чыкпай койгондугу үчүн Изабеков автоматтык түрдө чейрек финалга чыгып, Сауд Аравиядан келген Фредерик Ду Призди 11:0 эсеби менен уткан. Жарым финалда 2:2 эсеби менен ирандык Сохраб Рахматабадини жеңген (спортчунун акыркы аракети менен жеңиш ыйгарылган. — ред). Ал эми финалда дагы бир ирандык балбан Али Аббас Чехрехке 1:2 упай эсебинде утулуп калган.

Изабеков 2017-жылы Болгариянын Пловдив шаарындагы дүйнө биринчилигинде күмүш медаль утуп келген. Андан бир жыл мурда, 2016-жылы октябрда, Валбжихе (Польша) шаарында өткөн дүйнө чемпионатында чемпион болгон.

Изабековдон тышкары, Грузиядагы чемпионатта кыргызстандык төрт ардагер балбан байгеге ээ болду. Эркин күрөш боюнча Жаза аткаруу мамлекеттик кызматынын жетекчиси Мелис Турганбаев алтын медаль, Бердикул Караев менен Билимбек Капарбек уулу күмүш медаль алган, ал эми грек-рим күрөшүнөн Жогорку Кеңештин депутаты Тазабек Икрамов коло медаль тагынган.

662
Белгилер:
байге, күмүш, балбан, ардагер, Чынарбек Изабеков, Тбилиси
Тема боюнча
60ка чукулдап калган кыргызстандык балбан дүйнө чемпионатынан күмүш байге алды
Мелис Турганбаев күрөш боюнча дүйнө чемпиону болду
Беш түр салмак категорияда чемпион болгон Флойд Мейвезер. Архивдик сүрөт

Мейвезер полициянын колунан каза тапкан Флойддун зыйнатын көтөрөт

67
Атактуу боксчунун өкүлүнүн айтымында, Мейвезер Жордж Флойддун үй-бүлөсү менен сүйлөшүп, зыйнатына кетчү каражатты төлөп бермей болгон.

БИШКЕК, 3-июн. — Sputnik. Беш түр салмак категорияда чемпион болгон Флойд Мейвезер Миннеаполисте полициянын одоно аракетинен каза тапкан Жордж Флойдду акыркы сапарга узатуу зыйнатына кеткен каражатты көтөрүп берет. Бул тууралуу ESPN телеканалы боксчунун өкүлү Леонард Эллербеге шилтеме берип жазды.

"Ал (Мейвезер) сөөк коюу иш-чарасынын каражатын төлөп берет. Флойддун үй-бүлөсү менен бул тууралуу сүйлөшкөн, алар сунушту кабыл алган. Мунун баарын айтып жатканым үчүн кыжырданышы мүмкүн. Бирок ал мындай иштерди 20 жылдан бери кылып келет", — деп билдирген спортчунун өкүлү.

Эллербе бул иштерди жасоо менен боксчу өзүнө упай топтоону көздөбөй турганын белгилеген.

Мейвезер буга чейин, 2011-жылы, 45 жашында рактан каза болгон боксчу Генаро Эрнандестин акыркы сапарга узатуу чыгымын төлөп бергени айтылат. Мейвезер биринчи чемпиондук наамын 1998-жылы Эрнандести жеңип алгандан кийин тагынган.

Америкалык кара түстүү жаран Жордж Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойддун бир нече жолу "дем ала албай жатам" деп айтып, андан кийин тынчып калганын көрүүгө болот.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародерлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

46 жаштагы Жордж Флойдду акыркы сапарга узатуу зыйнаты 9-июнда өзү туулуп-өскөн Хьюстон шаарында болот.

67
Белгилер:
каражат, зыйнат, өлүм, Жорж Флойд, Флойд Мейвезер, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
АКШ полициясы ЖМК өкүлү экенин билип туруп Sputnik продюсерине ок чыгарды
АКШ: полиция кызматкерлери нааразылыкка чыккандардын алдында тизелеген видео
Кыргызстандык UFC мушкери Антонина Шевченко. Архив

Антонина Шевченконун соңку беттешинде алган гонорары айтылды

425
Узаган жумадагы UFC турниринде кыргызстандык мушкер Антонина Шевченко америкалык Кэтлин Чукагян менен кармашып, утулуп калган.

БИШКЕК, 2-июн. — Sputnik. Невада штатынын Атлетикалык комиссиясы UFC on ESPN 9 турнирине катышкан спортчулардын гонорары тууралуу маалымат таратканын MMA Fighting басылмасы жазды.

Спорттук иш-чара узаган аптада Лас-Вегастагы UFC Apex аренасында болду.

Беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калган. Каршылашы беттештин жүрүшүндө көбүрөөк үстөмдүк кылды.

Турнирдин башкы беттешинде 77 килограмм салмактагылар арасында мурдагы чемпион Тайрон Вудли менен Гилберт Бернс беттешип, үч раунддун жыйынтыгы менен жеңиш Бернске буюрду.

Жарыяланган маалыматтар боюнча, Шевченко акыркы кармашы үчүн 35 миң доллар алган. Анын атаандашы бул турнирде эң көп гонорар алгандардын бири болгон. Сый акысынын көлөмү 120 миң долларды (беттешкени үчүн 60 миң доллар, ушунча эле каражат жеңиш үчүн) түзөт.

Турнирде эң көп акча алган мушкер Гилберт Бернс болуп, 218 миң долларга ээ болду. Ушул сумманын 84 миң доллары беттешкени менен жеңишке жеткени үчүн, 50 миңи болсо мыкты кармаш тартуулаганы үчүн берилген.

Мурдагы чемпион Тайрон Вудли 200 миң доллар тапкан. Эгер ал жеңишке жетсе, 350 миң доллар алмак.

425
Белгилер:
сый акы, гонорар, беттешүү, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: күндүн, суунун же шамалдын кубатынан энергия алуу керек

0
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова атмосферага бөлүнүп чыккан уулуу заттарды азайтса болорун айтты.
Абдырасулова: күндүн, суунун же шамалдын кубатынан энергия алуу керек

Электр энергиясын үнөмдөө менен экологияга пайда келтире алабыз. Бул тууралуу Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Париж келишиминде дагы ар бир өлкө өз мүмкүнчүлүгүнүн жетишинче экологиялык көйгөйлөр менен күрөшүүсү зарыл экендиги көрсөтүлгөн.

"Өлкөдө экологиялык маселелер менен улуттук деңгээлде иш алып баруу боюнча атайын документтер кабыл алынган. Анда айлана-чөйрөгө уулуу заттардын таасирин минималдаштыруу каралган. Ошол эле көмүр жагууну, автоунаалардан бөлүнүп чыккан уулуу газдарды атмосферага таркашын азайтуу зарыл. Мүмкүнчүлүккө жараша электр кубаты менен иштеген автоунааларга өтүп, күндүн, суунун же шамалдан алынган энергиянын түрлөрүн көбөйтүү керек. Бул технологиялар дүйнөдө жакшы өнүгүп, баасы арзан болуп калды. Өкмөт тарабынан жакшылап көңүл бурулуп, туура саясат жүргүзүлүшү шарт. Эң негизгиси, энергияны үнөмдөп колдонуу зарылчылыгы келип чыгууда. Эгер сарамжалдуу колдоно турган болсок, коңшу өлкөлөрдөн сатып албайбыз. Ошондой эле экологияга тийген терс таасирди азайтууга мүмкүнчүлүк түзүлөт", — деди Абдырасулова.

Ошондой эле ал учурда туруктуу энергияны каржылоо программасынын алкагында бир катар долбоорлор ишке ашырылганын кошумчалады.

0
Белгилер:
Кыргызстан, экология, электр энергиясы
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү