Борбор калаада хоккей боюнча биринчи ирет Ак илбирстин кубогу мелдеши өттү

Бишкекте жаш хоккейчилер "Ак илбирстин кубогу" үчүн ат салышты. Сүрөттөр

69
Турнирдин ачылышына Хоккей федерациясынын, Айлана-чөйрөнү коргоо жана токой чарбасы агенттигинин, ПРООНдун жана Спорт агенттигинин өкүлдөрү катышкан.

БИШКЕК, 22-окт. — Sputnik. Борбор калаада хоккей боюнча биринчи ирет "Ак илбирстин кубогу" мелдеши өттү. Бул тууралуу ПРООНдун Кыргызстандагы байланыш боюнча бөлүмүнөн кабарлашты.

  • В Бишкеке состоялся турнир по хоккею под названием Кубок снежного барса
    Борбор калаада хоккей боюнча биринчи ирет "Ак илбирстин кубогу" мелдеши өттү
    © Фото / пресс-служба ПРООН в КР
  • В Бишкеке состоялся турнир по хоккею под названием Кубок снежного барса
    Турнир 21-22-октябрь күндөрү өттү. Шаардык муз аянтында "Алга-1", "Алга-2", "Алга-3", "Нарынские ястребы", "Кенешские пилоты" жана "КТЖ" командалары ат салышкан
    © Фото / пресс-служба ПРООН в КР
  • В Бишкеке состоялся турнир по хоккею под названием Кубок снежного барса
    Спорттук иш-чаранын ачылышына Хоккей федерациясынын, Айлана-чөйрөнү коргоо жана токой чарбасы агенттигинин, ПРООНдун жана Спорт агенттигинин өкүлдөрү катышкан
    © Фото / пресс-служба ПРООН в КР
  • В Бишкеке состоялся турнир по хоккею под названием Кубок снежного барса
    Мелдештин жыйынтыгында биринчи орунду "Алга-1" командасы, экинчини "Алга-2", ал эми үчүнчү орунду "Кенешские пилоты" командасы алган.
    © Фото / пресс-служба ПРООН в КР
1 / 4
© Фото / пресс-служба ПРООН в КР
Борбор калаада хоккей боюнча биринчи ирет "Ак илбирстин кубогу" мелдеши өттү

Турнир 21-22-октябрь күндөрү өттү. Шаардык муз аянтында "Алга-1", "Алга-2", "Алга-3", "Нарынские ястребы", "Кенешские пилоты" жана "КТЖ" командалары ат салышкан.

Спорттук иш-чаранын ачылышына Хоккей федерациясынын, Айлана-чөйрөнү коргоо жана токой чарбасы агенттигинин, ПРООНдун жана Спорт агенттигинин өкүлдөрү катышкан.

"Мелдештин максаты — ак илбирсти сактоого үндөө. Беттештерден тышкары көрүүчүлөр менен жаш спортчуларга викторина, аквагрим (бетке сүрөт тартуу — ред.) боюнча мастер-класс жана оюнчук ак илбирстер менен фотосессия уюштурулду", — деп айтылат маалыматта.

Мелдештин жыйынтыгында биринчи орунду "Алга-1" командасы, экинчини "Алга-2", ал эми үчүнчү орунду "Кенешские пилоты" командасы алган.

Маалыматта кыргызстандык хоккейчилер өлкөдөгү жана эл аралык чемпионаттарда "Ак илбирсти сактайлы" урааны менен катышып, аны коргоого үндөп келери айтылат.

Жыл сайын 23-октябрда Ак илбирстин эл аралык күнү белгиленип келет. 2013-жылы жаныбарды жана анын байырлаган жерин сактоо боюнча Бишкек декларациясы кабыл алынып, буга 12 мамлекет кол койгон.

69
Белгилер:
ак илбирс, турнир, хоккей, спорт, Бишкек
Тема боюнча
Тай казан чуусун жараткан Өзбекстандагы көк бөрү чемпионаты өтпөй калды
Кыргызстан-Өзбекстан футболчулары беттешет. Орду, убактысы
Дордой футбол клубунун оюнчулары

"Дордой" футбол клубу мөөнөтүнөн мурда өлкө чемпиону болду

99
(жаңыланган 13:42 01.10.2020)
"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

БИШКЕК, 1-окт. — Sputnik. Бишкектин "Дордой" клубу футбол боюнча Кыргызстандын Шоро премьер-лигасынын 2020-жылдагы чемпиону болду. Бул тууралуу Кыргызстандын футболдук союзу билдирди.

"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

Башкы машыктыруучу Александр Крестининдин шакирттери бүгүн, 1-октябрда, мелдештик жарышта экинчи сапта келе жаткан Бишкектин "Алга" клубун утуп алды.

Бишкекте тынчтыкты даңазалаган футбол майрамы өттү. Сүрөттөр

Беттеш Кант шаарындагы "Центральный" стадионунда өтүп, талаа ээси катары ойногон "Алганы" "Дордой" 1:5 эсебинде утту.

Муну менен "Дордой" үчүнчү ирет удаасы менен, ал эми тарыхында 12-ирет чемпион болду.

Кыргызстандын чемпиону быйыл коронавирус пандемиясына байланыштуу борборлоштурулган форматта Кант шаарында күйөрмансыз өттү.

99
Белгилер:
"Дордой" ФК, футбол
Тема боюнча
Гүлжигит Алыкулов "Кайраттын" УЕФА мелдешиндеги голуна жардам берди. Видео
Азербайджан аскери. Архивдик сүрөт

Карабах чыры. Азербайжандык MMA мушкери армияга чакырылды

361
(жаңыланган 17:33 30.09.2020)
Спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

БИШКЕК, 30-сен. — Sputnik. Азербайжандык эрежесиз эр уруш (ММА) мушкери Тофик Мусаев өз ыктыяры менен өлкөнүн армиясынын куралдуу күчтөрүнүн катарына чакырылды. Бул тууралуу Azerisport.com маалымат булагына таянып РИА Новости жазды.

Маалыматка ылайык, спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

Ингушетиядагы операцияда КРде легионер-спортчу болгон Евлоев жок кылынды

Мусаев ММА спортундагы карьерасында 21 беттештин 18ин жеңип, үч ирет утулган. 30 жаштагы мушкер учурда Rizin мушкерлер уюмунун жеңил салмактагы чемпиондук курунун ээси болуп саналат.

Посмотреть эту публикацию в Instagram

Публикация от Aslan Ismayılov 🇦🇿 (@aslan.ismayilov)

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

361
Белгилер:
Тоолуу Карабах, армия, мушкер, ММА
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
БУУнун Коопсуздук кеңеши Карабахтагы эрегиш боюнча билдирүү жасады
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны