Футбол күйөрмандары. Архив

Футбол: Япония жана Тажикстан менен болчу беттештер күйөрмансыз өтүшү мүмкүн

264
Кыргызстан — Мьянма оюну учурунда фанаттардын бири талаага чуркап чыккан. Мындай эреже бузуудан улам улуттук федерация айып тартары айтылган.

БИШКЕК, 27-окт. — Sputnik. Бишкекте боло турган Кыргызстан — Япония жана Кыргызстан — Тажикстан оюндары күйөрмансыз өтүшү мүмкүн экенин Футбол федерациясы билдирди.

2022-жылы өтө турган дүйнө чемпионатынын экинчи тандоо турунун беттештери Дөлөн Өмүрзаков атындагы стадиондо болот. 14-ноябрда кыргызстандык футболчулар япониялык, ал эми 19-ноябрда тажикстандык атаандаштары менен кез келет.

"Ушу тапта өткөн оюндагы эреже бузуу боюнча FIFA комитетинин чечимин күтүп жатабыз. Кыргызстан — Мьянма беттешинде фанаттардын бири оюн талаасына чуркап чыккан, анын айынан биздин федерацияга айып салынышы күтүлүүдө. Комитет стадиондо болчу оюндарды күйөрмансыз өткөрүү талабын да коюшу мүмкүн", — деп айтылат маалыматта.

Федерациянын билдирүүсүндө FIFA комитетинин жыйыны 4-ноябрда өтөрү айтылды. Кийинки оюндарга билет тууралуу маалымат ошондон кийин гана белгилүү болот.

Күйөрман оюн талаасына чуркап чыккан оюн 10-октябрда Кыргызстан менен Мьянма футболчуларынын ортосунда болгон. Беттеш улуттук команданын пайдасына 7:0 эсеби менен аяктаган.

Үч оюндан кийин Кыргызстандын командасы F тайпасында экинчи орунду ээлеп турат.

Бул эл аралык федерациянын каарына калган биринчи учур эмес. 2015-жылы трибунага эл батпай, күйөрмандар от жагып, талаага чуркап чыккандан кийин улуттук федерация 28 миң долларлык айыпка жыгылган. Ал аз келгенсип, оюнду көрүү үчүн стадионго кире албай калгандар айланасындагы бак-даракка да чыгып алышканы маалым.

264
Белгилер:
күйөрман, талаа, айып, FIFA, федерация, футбол
Тема:
Кыргызстан — Тажикстан командаларынын 2019-жылдагы беттеши (19)
Тема боюнча
Кыргызстан командасынын 2 жеңиши FIFA рейтингине таасир этеби. Божомол
Кыргызстан-Өзбекстан футболчулары беттешет. Орду, убактысы
UFC мушкери Хабиб Нурмагомедов. Архив

UFC: Хабиб Нурмагомедов мыктылардын мыктысы болуп алдыңкы сапка чыкты

18
(жаңыланган 10:36 28.10.2020)
Көп убакытка чейин бул рейтингди америкалык Жон Жонс ээлеп келген. Хабиб Нурмагомедов Жастин Гэтжини утуп, 29 беттештен кийин 29:0 көрсөткүчүн камсыздагандан кийин Жонстон ашып өттү.

БИШКЕК, 28-окт. — Sputnik. Хабиб Нурмагомедов UFC уюмунун мыкты мушкерлер рейтингинде (салмак даражасына карабастан) эң алдыңкы сапка чыкты. Бул тууралуу "Евроспорт" басылмасы жазды.

25-октябрда Нурмагомедов атаандашы Жастин Гэтжини экинчи раундда утуп, UFC чемпиону наамын үчүнчү ирет коргоп калды. Беттештен кийин россиялык мушкер спорттон кетерин жар салган. Ал ММА мушкерлер мелдешинде жалпысынан 29 беттеш өткөрүп, баарын жеңген спопртчу болуп калды.

Хабиб Нурмагомедов Жастин Гэтжини утуп алды. Видео

"Нурмагомедов Гэтжи менен болгон кармашы карьерасында акыркы беттеши экенин айтты. Анын башкы ниеттеринин бири аталган промоушенде салмагына карабай рейтингде биринчи орунга чыгуу болгон. UFC уюмунун президенти Дана Уайт иш-чарадан кийинки маалымат жыйында Хабиб бул орунга татыктуу экенин белгилеп, жаңыланган топ-рейтингде аны тизменин эң башына чыгарган", — деп жазды "Евроспорт".

Эске сала кетсек, бул орунду көп жыл бою промоушендин жарым оор салмактагы чемпиону америкалык Жон Жонс ээлеп келген.

Нурмагомедов өзүнүн Instagram баракчасына рейтингдин фонунда турган сүрөтүн коюп, биринчи орунга көтөрүлгөнүнө пикирин билдирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

"Бул менин бүтүндөй жашоомдогу талыкпас аракетим болду. Мындай ийгиликке жетүү мен үчүн оңойго турган жок. Күжүрмөн эмгек, Жараткандан үмүт кылуу жана сабырдуулук — мына ушул үч сапат бийиктикке чыгуума зор жардам берди. Мындан сырткары, атамдын ар дайымкы көзөмөлү жана кеңеши алга сүрөдү, мен үчүн ал көп аракетин жана убактысын сарптаган", — деген ал.

Маалымат каражаттарында жазылгандай, Хабиб Нурмагомедов бул рейтингде биринчи жолу алдыңкы сапка чыккан.

18
Белгилер:
рейтинг, UFC, Хабиб Нурмагомедов
Тема боюнча
Хабиб мыкты беттеш тартуулаганы үчүн кошумча 50 миң доллар алат
Миллиондор... Хабиб Гэтжини жеңгени үчүн канча акча алганы айтылды
Көк бөрү спортунун чебери Манас Ниязов. Архив

Көк бөрү: Манас Ниязов “Достуктан” кетип, башка командага кошулду

1098
(жаңыланган 17:39 26.10.2020)
Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын Sputnik агенттигине билдирген болчу.

БИШКЕК, 26-окт. — Sputnik. Көк бөрү спортунун чебери Манас Ниязов жаңы келишим менен Кыргызстандын биринчи лигасындагы “Ала-Тоо” командасына өттү. Бул маалыматты өлкөнүн Улуттук көк бөрү федерациясынын башкы катчысы Кубат Аскарбеков Sputnik Кыргызстан агенттигине тастыктады.

Спортчу 3-ноябрда Ысык-Көлдүн Чолпон-Ата шаарындагы ат майданда өтө турган “Кыргыз Республикасынын Президентинин Кубогу — 2020” мелдешине “Ала-Тоо” командасынын курамындагы оюнчу катары кирген.

Посмотреть эту публикацию в Instagram

Публикация от Манас Ниязов (@niyazov_manas)

Федерациянын башкы катчысы “Достуктун” капитаны Таши Майлибашев да “Ала-Тоо” командасына өткөнүн кошумчалады.

Ноябрда Чолпон-Атада президенттин кубогу үчүн көк бөрү оюну өтөт. Программасы

Команда менен Манас Ниязовдун ортосундагы келишимдин мөөнөтү, төлөнүүчү каражат тууралуу маалыматтар азырынча айтыла элек.

Посмотреть эту публикацию в Instagram

Публикация от Манас Ниязов (@manas.niyazov.fan.club)

Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын айткан болчу.

Манас Ниязов көп жыл бою Оштун “Достук” командасында ойноп, бир нече жолу Президенттин кубогу мелдешин уткан.

1098
Белгилер:
Көк бөрү, Манас Ниязов
Тема боюнча
Көк бөрү: президенттин кубогу үчүн мелдеш ноябрда өтмөй болду
Жогорку Кеңештин экс-депутаты Эльвира Сурабалидева. Архив

Жогорку Кеңеш Эльвира Сурабалдиеваны вице-премьер кылып бекитти

0
(жаңыланган 11:08 28.10.2020)
Сурабалдиеванын талапкерлигин биринчи вице-премьер Артем Новиков сунуштап, таржымалы менен тааныштырды.

БИШКЕК, 28-окт. — Sputnik. Жогорку Кеңештин депутаттары Эльвира Сурабалидеваны вице-премьерлик кызматка бекитти.

Анын талапкерлигин парламентке биринчи вице-премьер Артем Новиков сунуштап, таржымалын тааныштырды.

Андан соң эл өкүлдөрү талапкерге бир да суроо бербей, бир добуштан колдоп берди.

Эльвира Сурабалдиева 2015-жылкы парламенттик шайлоодо КСДПнын тизмеси менен Жогорку Кеңешке депутат болуп шайланган. Ал эми быйылкы шайлоого "Ата Мекен" партиясы менен катышкан.

0
Белгилер:
вице-премьер-министр, Эльвира Сурабалдиева
Тема боюнча
Элвира Сурабалдиеванын ордуна Жогорку Кеңешке жаңы депутат келди
Эльвира Сурабалдиеванын вице-премьерликке талапкерлигин комитет колдоду