Футболист Тоттенхэм Хотспур Сон Хын Мин утешает менеджера Маурисио Почеттино в рамках Английской премьер-лиги.  3 ноября 2019 года

Каршылашын буттан чалып жиберген футболчу анын жаракатын көрүп ыйлап жиберди

847
(жаңыланган 15:45 04.11.2019)
Гомиш оюндун 78-мүнөтүндө талаанын чети менен чуркап жөнөгөн. Бирок Сон аны буттан чалып жибергенде Серж Орье менен кагышып, анысы Гомиштин бутун тебелеп кеткен.

БИШКЕК, 4-ноя. — Sputnik. Англиянын "Тоттенхэм" клубунун футболчусу Сон Хын Мин "Эвертондун" оюнчусу Андре Гомишти буттан чалган. Бирок жанына келип жаракатын көргөндөн кийин чыдабай ыйлап жиберди. Бул тууралуу Eurosport жазды.

Англиянын премьер-лигасынын 70-мүнөтүндө "Эвертон" "Тоттенхемге" 1:0 эсебинде жеңилип жаткандыктан, чабуул жасоого аракет кылып жатышкан. Гомиш оюндун 78-мүнөтүндө талаанын чети менен чуркап жөнөгөн. Бирок Сон аны буттан чалып жибергенде Серж Орье менен кагышып, анысы Гомиштин бутун тебелеп кеткен.

"Эвертондун" оюнчусунун буту кайрылып калган. Аны дарыгерлер талаадан алып чыгып кетишкен.

​Сон футболчунун жанына келип жаракатын көргөндөн кийин эмне кылганын түшүнүп, чыдабай ыйлап жиберген.

Ал эми арбитр Мартин Аткинсон кореялык футболчуну оюндан чыгарып салган. Сондун клубдагы кесиптеши Деле Алли репортерлорго бул боюнча маек берген.

"Сон абдан кайгырып ыйлап жатат. Ал абдан жакшы адам. Азыр ал керек болсо башын дагы көтөрө албай жатат", — деди Алли.

Окуядан улам Аткинсон оюнга 12 мүнөт кошуп берген. Натыйжада "Эвертон" бир гол киргизүүгө жетишип эсепти 1:1 кылып теңеди.

847
Белгилер:
футболчу, Англия
Тема боюнча
"Дордой" клубу мөөнөтүнөн мурда Кыргызстандын чемпиону болду
Хиджабы шыпырылган футболчу кызды атаандаштар калкалап калды. Видео
Немис футболчусу акылга сыйбас гол киргизген видео
UFC мушкери Хабиб Нурмагомедов. Архив

UFC: Хабиб Нурмагомедов мыктылардын мыктысы болуп алдыңкы сапка чыкты

122
(жаңыланган 10:36 28.10.2020)
Көп убакытка чейин бул рейтингди америкалык Жон Жонс ээлеп келген. Хабиб Нурмагомедов Жастин Гэтжини утуп, 29 беттештен кийин 29:0 көрсөткүчүн камсыздагандан кийин Жонстон ашып өттү.

БИШКЕК, 28-окт. — Sputnik. Хабиб Нурмагомедов UFC уюмунун мыкты мушкерлер рейтингинде (салмак даражасына карабастан) эң алдыңкы сапка чыкты. Бул тууралуу "Евроспорт" басылмасы жазды.

25-октябрда Нурмагомедов атаандашы Жастин Гэтжини экинчи раундда утуп, UFC чемпиону наамын үчүнчү ирет коргоп калды. Беттештен кийин россиялык мушкер спорттон кетерин жар салган. Ал ММА мушкерлер мелдешинде жалпысынан 29 беттеш өткөрүп, баарын жеңген спопртчу болуп калды.

Хабиб Нурмагомедов Жастин Гэтжини утуп алды. Видео

"Нурмагомедов Гэтжи менен болгон кармашы карьерасында акыркы беттеши экенин айтты. Анын башкы ниеттеринин бири аталган промоушенде салмагына карабай рейтингде биринчи орунга чыгуу болгон. UFC уюмунун президенти Дана Уайт иш-чарадан кийинки маалымат жыйында Хабиб бул орунга татыктуу экенин белгилеп, жаңыланган топ-рейтингде аны тизменин эң башына чыгарган", — деп жазды "Евроспорт".

Эске сала кетсек, бул орунду көп жыл бою промоушендин жарым оор салмактагы чемпиону америкалык Жон Жонс ээлеп келген.

Нурмагомедов өзүнүн Instagram баракчасына рейтингдин фонунда турган сүрөтүн коюп, биринчи орунга көтөрүлгөнүнө пикирин билдирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

"Бул менин бүтүндөй жашоомдогу талыкпас аракетим болду. Мындай ийгиликке жетүү мен үчүн оңойго турган жок. Күжүрмөн эмгек, Жараткандан үмүт кылуу жана сабырдуулук — мына ушул үч сапат бийиктикке чыгуума зор жардам берди. Мындан сырткары, атамдын ар дайымкы көзөмөлү жана кеңеши алга сүрөдү, мен үчүн ал көп аракетин жана убактысын сарптаган", — деген ал.

Маалымат каражаттарында жазылгандай, Хабиб Нурмагомедов бул рейтингде биринчи жолу алдыңкы сапка чыккан.

122
Белгилер:
рейтинг, UFC, Хабиб Нурмагомедов
Тема боюнча
Хабиб мыкты беттеш тартуулаганы үчүн кошумча 50 миң доллар алат
Миллиондор... Хабиб Гэтжини жеңгени үчүн канча акча алганы айтылды
Көк бөрү спортунун чебери Манас Ниязов. Архив

Көк бөрү: Манас Ниязов “Достуктан” кетип, башка командага кошулду

1240
(жаңыланган 17:39 26.10.2020)
Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын Sputnik агенттигине билдирген болчу.

БИШКЕК, 26-окт. — Sputnik. Көк бөрү спортунун чебери Манас Ниязов жаңы келишим менен Кыргызстандын биринчи лигасындагы “Ала-Тоо” командасына өттү. Бул маалыматты өлкөнүн Улуттук көк бөрү федерациясынын башкы катчысы Кубат Аскарбеков Sputnik Кыргызстан агенттигине тастыктады.

Спортчу 3-ноябрда Ысык-Көлдүн Чолпон-Ата шаарындагы ат майданда өтө турган “Кыргыз Республикасынын Президентинин Кубогу — 2020” мелдешине “Ала-Тоо” командасынын курамындагы оюнчу катары кирген.

Посмотреть эту публикацию в Instagram

Публикация от Манас Ниязов (@niyazov_manas)

Федерациянын башкы катчысы “Достуктун” капитаны Таши Майлибашев да “Ала-Тоо” командасына өткөнүн кошумчалады.

Ноябрда Чолпон-Атада президенттин кубогу үчүн көк бөрү оюну өтөт. Программасы

Команда менен Манас Ниязовдун ортосундагы келишимдин мөөнөтү, төлөнүүчү каражат тууралуу маалыматтар азырынча айтыла элек.

Посмотреть эту публикацию в Instagram

Публикация от Манас Ниязов (@manas.niyazov.fan.club)

Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын айткан болчу.

Манас Ниязов көп жыл бою Оштун “Достук” командасында ойноп, бир нече жолу Президенттин кубогу мелдешин уткан.

1240
Белгилер:
Көк бөрү, Манас Ниязов
Тема боюнча
Көк бөрү: президенттин кубогу үчүн мелдеш ноябрда өтмөй болду
Мектептеги коопсуз бет капчан окуучу. Архив

Билим берүү министрлиги экинчи чейректе мектептерди ачуу сунушун берди

0
(жаңыланган 17:25 29.10.2020)
Вице-премьер Эльвира Сурабалдиева окуучулардын ысык тамагынан үнөмдөлгөн каражат 180 миллион сом экенин билдирди.

БИШКЕК, 29-окт. — Sputnik. Билим берүү жана илим министрлиги экинчи чейректен тарта мектептерди кадимки режимде ачууну сунуштаганын министр Алмазбек Бейшеналиев өкмөттүн жыйынында билдирди.

Ал ведомствонун мындай сунушу Республикалык штабга жана Саламаттык сактоо министрлигине жиберилгенин белгиледи.

Ал эми окуучуларга ысык тамак берүүдөн үнөмдөлгөн акчаны дезинфекциялык каражаттарды алууга жана санитардык нормаларды уюштурууга берүү өтүнүчү менен Финансы министрлигине кат жиберилгенин айтты.

Министр Нуржигит Кадырбеков өкмөткө кинотеатрларды ачууну сунуштады

Аны менен катар вице-премьер Эльвира Сурабалдиева ысык тамактан үнөмдөлгөн каражаттын суммасы 180 миллион сом экенин билдирди.

Белгилей кетсек, быйыл март айында коронавирус кооптуулугунан улам мектептер жабылып, окуучулар үйдөн окугандыктан ысык тамак берилген эмес.

0
Белгилер:
сунуш, Билим берүү министрлиги, окуучу, мектеп, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Өкмөт мектеп, бала бакчаларды ачуу маселесин карады
Ооруган балдар көбөйүүдө. Бишкекте окуучулар I чейректи онлайн окуп бүтүрөт