Кыргызстандык хоккейчилери. Архивдик сүрөт

Кыргызстандык хоккейчилердин 2022-жылкы олимпиадага катышууга мүмкүнчүлүгү бар

172
(жаңыланган 10:54 11.11.2019)
Кыргызстандык хоккейчилер тандоо турунун биринчи этабындагы турнирине катышуу үчүн Люксембург шаарында жүрүшөт.

БИШКЕК, 10-ноя. — Sputnik. Хоккей боюнча Кыргызстандын курама командасы 2022-жылы өтө турчу Олимпиада оюндарынын тандоо турларынын биринчи этабында Люксембургдун командасын 5:3 эсебинде утуп алды. Бул тууралуу спорттун аталган түрү боюнча федерациясынын вице-президенти Мурат Жакыпов билдирди.

Кыргызстандын курамасы Босния, Герцеговина, Люксембург жана Бириккен Араб эмирлиги менен чогуу N тайпасына түшкөн.

Буга чейин КРдин курамасы Бириккен Араб эмирлигинин командасы менен ойноп, 9:4 эсебинде уткан.

"Босния жана Герцеговина менен бир оюн калды. Андан кийин тайпада ким биринчи болгону аныкталат. Буга чейинки беттештерде аларды утканбыз, бирок азырынча жыйынтык кандай болорун айтуу эрте", — деди Жакыпов.

Эң мыкты команда экинчи этапка өтүп, Нидерланддар, Испания жана Мексика командаларына кошулат. Андан кийин эң күчтүү команда Нур-Султанда боло турчу беттешке барат. Ал жактан Казакстандын, Польшанын жана Украинанын курамалары менен үчүнчү квалификациялык оюндар үчүн ат салышат. Жеңүүчү болгон команда 4-квалификациялык этапка өтүп, финалдык беттеште Латвия, Франция жана Италиянын оюнчулары менен кездешет.

Кышкы Олимпиада оюндары 2022-жылы 4-февралдан 20-февралга чейин Пекин шаарында өтөт.

172
Белгилер:
олимпиада, хоккей, Кыргызстан
Тема боюнча
Бишкекте жаш хоккейчилер "Ак илбирстин кубогу" үчүн ат салышты. Сүрөттөр
Кыргызстандык хоккейчилер арабдардын айласын кетирди
Кытайлык хоккейчилер музда жапырт мушташа кетишти. Видео

Бөрү карыса да бир койлук алы бар! Тайсон менен Жонстун беттешинин толук видеосу

64
Бүгүн бокс дүйнөсүндө чоң майрам болду. Спорттун дөө-шаалары Майк Тайсон менен Рой Жонс рингде көптөн күттүргөн кармашты тартуулады.

Атактуу спортчулардын беттешинин толук видеосу YouTube-каналга жарыяланды.

Кармашуу АКШнын Калифорния шаарында өттү. Ал сегиз раундга ылайыкташып, ар бир бөлүк эки мүнөткө белгиленген.

Беттеш мөөнөтүнөн мурда аяктабай, спортчулар аягына чейин кармашышты. Натыйжада калыстар алар тең чыкты деген тыянакка келишкен.

Кармаш күйөрмандар болжолдогондой эле болду. Тайсон дистанцияны жакындатып, Жонско ыңгайсыздык жаратканга аракет кылды. Атаандашы өз кезегинде күүлүү-күчтүү экенин тастыктап турду. Нокаут болгон жок.

Эки боксчу тең жыйынтыкка макул болбой, жеңгенин бир ооздон айтып, рингдеги артыкчылыктарын санашты.

Тайсон да, Жонс да рингге карьерасын жыйынтыктагандан кийин кайтып жатканын белгилей кетели. Майк Тайсон 2005-жылдан бери, ал эми Рой Жонс 2018-жылдан бери беттешке чыга элек болчу.

64
Белгилер:
видео, беттешүү, бокс, Рой Жонс, Майк Тайсон, АКШ
Тема боюнча
Майк Тайсон менен Рой Жонстун кыл чайнашы. Тексттик трансляция
Тайсон Жонсту тез утпаса иш чатак болот. КР боксчуларынын беттешке божомолу
Бокс боюнча өлкө чемпионаты

Кимдер мыкты болду? Бишкекте бокс боюнча КРдин чемпионаты аяктады. Сүрөт

48
Бокс боюнча өлкө биринчилиги COVID-19 пандемиясына байланыштуу көрүүчүлөрү жок өттү. Ага булуң-бурчтан 120 спортчу катышты.

БИШКЕК, 24-ноя. — Sputnik. Бишкекте бокс боюнча өлкө чемпионаты аяктаганын Жаштар иши, дене тарбия жана спорт агенттиги кабарлады.

  • Бишкекте бокс боюнча өлкө чемпионаты аяктаганын Жаштар иши, дене тарбия жана спорт агенттиги кабарлады
    Бишкекте бокс боюнча өлкө чемпионаты аяктаганын Жаштар иши, дене тарбия жана спорт агенттиги кабарлады
    © Фото / пресс-служба ГАМФКиС
  • Мелдеш 23-ноябрдан 28-ноябрга чейин Каба уулу Кожомкул атындагы спорт ордосунда өттү
    Мелдеш 23-ноябрдан 28-ноябрга чейин Каба уулу Кожомкул атындагы спорт ордосунда өттү
    © Фото / пресс-служба ГАМФКиС
  • Турнир Эл аралык бокс ассоциациясынын (АИБА) эрежеси менен эркектер арасында 10 салмактык категорияда жана аялдар арасында 5 салмактык категорияда уюштурулган
    Турнир Эл аралык бокс ассоциациясынын (АИБА) эрежеси менен эркектер арасында 10 салмактык категорияда жана аялдар арасында 5 салмактык категорияда уюштурулган
    © Фото / пресс-служба ГАМФКиС
  • COVID-19 пандемиясына байланыштуу мелдеш көрүүчүлөрү жок өттү
    COVID-19 пандемиясына байланыштуу мелдеш көрүүчүлөрү жок өттү
    © Фото / пресс-служба ГАМФКиС
  • Кыргызстандын чемпионатына Бишкек менен Ош шаарларынан жана жети облустан 120 спортчу катышты
    Кыргызстандын чемпионатына Бишкек менен Ош шаарларынан жана жети облустан 120 спортчу катышты
    © Фото / пресс-служба ГАМФКиС
1 / 5
© Фото / пресс-служба ГАМФКиС
Бишкекте бокс боюнча өлкө чемпионаты аяктаганын Жаштар иши, дене тарбия жана спорт агенттиги кабарлады

Мелдеш 23-ноябрдан 28-ноябрга чейин Каба уулу Кожомкул атындагы спорт ордосунда өттү.

Турнир Эл аралык бокс ассоциациясынын (АИБА) эрежеси менен эркектер арасында 10 салмактык категорияда жана аялдар арасында 5 салмактык категорияда уюштурулган.

COVID-19 пандемиясына байланыштуу мелдеш көрүүчүлөрү жок өттү.

Кыргызстандын чемпионатына Бишкек менен Ош шаарларынан жана жети облустан 120 спортчу катышты.

Жеңүүчүлөр жана байге ээлери:

Кыздар

57 килограмм

  • 1-орун — Шахриза Халилова;
  • 2-орун — Зухра Курманаева;
  • 3-орун —Айгүл Абдувахид кызы менен Нуржамал Гапарова.

60 килограмм

  • 1-орун — Бегайым Акбалаева;
  • 2-орун — Айдай Аскерова.

Эркектер

49 килограмм

  • 1-орун — Мирлан Түркбай уулу;
  • 2-орун — Асылбек Аманкул уулу;
  • 3-орун — Бактыбек Садырбек уулу менен Анвар Ходжиев;

52 килограмм

  • 1-орун — Азат Үсөналиев;
  • 2-орун — Нуржигит Дүйшөбаев;
  • 3-орун — Ислам Маров менен Жакшылык Тилек уулу.

57 килограмм

  • 1-орун — Акылбек Эсенбек уулу;
  • 2-орун — Мунарбек Сейитбек уулу;
  • 3-орун — Санжар Сейдакматов менен Жеңишбек Белашаров.

60 килограмм

  • 1-орун — Мирзохид Имамназаров;
  • 2-орун — Хусниддин Пратов;
  • 3-орун — Темирлан Нурлан уулу менен Камчыбек Зундунов.

63 килограмм

  • 1-орун — Дмитрий Пучнин;
  • 2-орун — Султан Асанкул уулу;
  • 3-орун —Нурсади Иминджанов менен Рыспек Бектенов.

69 килограмм

  • 1-орун — Сыргак Абдижапар уулу;
  • 2-орун — Өмүрбек Маманов;
  • 3-орун — Нурадин Рустамбек уулу жана Жакшылык Таалайбеков.

75 килограмм

  • 1-орун — Өмүрбек Бекжигит уулу;
  • 2-орун —Жаркынбек Туратов;
  • 3-орун — Данияр Дамирдин уулу менен Адилет Батыралиев.

81 килограмм

  • 1-орун — Эркин Адылбек уулу;
  • 2-орун — Бакыт Токтосун уулу;
  • 3-орун — Айдар Азамат уулу жана Керимбай Эркинов.

91 килограмм

  • 1-орун — Рустам Ырысбек уулу;
  • 2-орун — Ильяр Ахметов;
  • 3-орун — Самат Жумалиев менен Баяман Ильясов.

91 килограммдан өйдө

  • 1-орун — Бекболсун Токтосун уулу;
  • 2-орун — Сергей Паренко;
  • 3-орун — Али Бабаев.

Мындан сырткары, "Мыкты боксчу" наамын Дмитрий Пучнин, "Мыкты калыс" наамын Мукаш Ырсалиев жана "Мыкты машыктыруучу" наамын Кенжебек Акелбаев алган.

48
Белгилер:
жеңүүчү, мелдеш, чемпионат, бокс, Бишкек
Тема боюнча
Кыргызстандык сууда сүзүүчүлөр эл аралык мелдеште алтын медалдарга татыды
Бишкекте дзюдо боюнча Азиянын жана Океаниянын чемпионаты өтөт
Кыш мезгили. Архив

Дагы кар жаайбы? Бир жумага карата аба ырайы

0
Бул жумада көпчүлүк аймактарда кар жаап, бирок мурунку аптадагыдай катуу суук болбой турганы айтылды.

БИШКЕК, 29-ноя. – Sputnik. Кыргызгидромет агенттиги алдыдагы аптага карата аба ырайынын божомолун жарыялады.

Ага ылайык, борбор калаада дүйшөмбүдөн бейшембиге чейин күн ачык болот. Ал эми жума күнү мезгил-мезгили менен кар жаашы ыктымал. Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

30-ноябрда жана 1-декабрда жаан-чачын жаабайт. 2-3-декабрда Талас облусунун кээ бир райондорунда жана Чүйдүн тоолорунда кар жаайт. Ал эми дыйканчылык аймактарында күн ачык болот. 4-декабрда көпчүлүк жерлерде мезгил-мезгили менен кар жаайт. Жолдорго муз тоңуп, тайгак болот.

Ош, Жалал-Абад, Баткен облустары

30-ноябрда жаан-чачын күтүлбөйт. 1-2-декабрда Ош, Жалал-Абад облустарынын кээ бир райондорунда кар жааса, Баткен облусунда күн ачык болот. Ошондой эле Ош облусунун дыйканчылык аймактарында дагы жаан жаабайт.

3-декабрда түнкүсүн кээ бир райондордо кар жаашы мүмкүн. Эртең менен жана күндүз Жалал-Абад облусунун айрым аймактарында, Ош, Баткен облустарынын тоо этектеринде жана тоолуу жерлеринде кар жаайт. Бирок Ош, Баткен облустарынын өрөөндөрүндө күн ачык болот.

4-декабрда көпчүлүк аймактарда мезгил-мезгили менен кар жаашы ыктымал.

Ысык-Көл облусу

30-ноябрда түнкүсүн кээ бир райондордо кар жаап, күндүзү күн ачык болот. 1-2-декабрда түнкүсүн жаан-чачын болбойт, 2-декабрда күндүз кээ бир райондордо кар жаайт. 3-4-декабрда кээ бир райондордо кар жаашы болжолдонууда.

Ал эми 30-ноябрда түнкүсүн Каракол шаарында кар жаайт, Чолпон-Атада күн ачык болот. 30-ноябрда күндүз жана 1-4-декабрда жаан-чачын күтүлбөйт.

Нарын облусу

30-ноябрда жана 1-декабрда жаан жаабайт, ал эми 2-3-декабрда күндүз кээ бир райондордо кар жаайт. 4-декабрда көпчүлүк аймактарда мезгил-мезгили менен кар жаашы күтүлөт.

5-6-декабрга карата Кыргызстандагы аба ырайынын жакындатылган божомолу

5-декабрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда мезгил-мезгили менен кар жаайт. Күндүз кээ бир райондордо кар жаашы мүмкүн.

6-декабрда тоолуу жерлерге кар түшүп, дыйканчылык аймактарда күн ачык болот. Абанын температурасы бир аз төмөндөйт.

0
Белгилер:
аймак, тоо, күн, жаан, кар, аба ырайы, Кыргызстан
Тема боюнча
Кышында унаадагы күйүүчү майды үнөмдөөнүн жолу айтылды
Декабрга карата аба ырайы. Тоолуу жерлерде суук 34 градуска жетет