Шайбы и клюшки на раскатке перед началом матча регулярного чемпионата Континентальной хоккейной лиги между ПХК ЦСКА (Москва) и ХК Витязь (Московская область).

КР хоккейчилери Босния жана Герцеговинаны да 15:3 эсеби менен утуп алды

87
(жаңыланган 11:00 11.11.2019)
Экинчи тандоо турунун алкагында Кыргызстандын курама командасы декабрь айында Румыния, Израиль жана Исландия менен муз үстүндө кездешмекчи.

БИШКЕК, 11-ноя. — Sputnik. Кыргызстандын хоккей боюнча курама командасы Олимпиада оюндарынын тандоо турунун алкагындагы оюндарда Босния жана Герцеговинаны да утту. Бул тууралуу аталган спорттун түрү боюнча федерациядан билдиришти.

Маалыматка ылайык, 10-ноябрь күнү Люксембург шаарында болгон беттеште атамекендик спортчулар босниялыктарды 15:3 эсебинде утуп, экинчи тандоо туруна өттү.

Буга чейин КРдин курама командасы өзүнүн тобундагы Бириккен Араб Эмирлигин 9:4, Люксембургду 5:3 эсебинде жеңген.

Эми экинчи тандоо турунун алкагында Кыргызстандын курама командасы декабрь айында Румыния, Израиль жана Исландия менен муз үстүндө кездешет.

Кошумчалай кетсек, кышкы Олимпиада оюндары 2022-жылы 4-февралдан 20-февралга чейин Пекин шаарында өтөт.

87
Белгилер:
тандоо, олимпиада, хоккей, Кыргызстан
Тема боюнча
Өзбекстан менен беттешке Кыргызстандан капитан баш болуп мыкты 3 футболчу катышпайт