Бишкекте жүргөн япониялык журналисттер менен күйөрмандар. Сүрөт
(жаңыланган 16:44 14.11.2019)
Кыргызстандыктар менен Күн чыгыш өлкөсүнүн спортчуларынын таймашы бүгүн саат 17:15те Дөлөн Өмүрзаков атындагы стадиондо башталат.БИШКЕК, 14-ноя. — Sputnik. Борбор калаада боло турган Кыргызстан — Япония курама командаларынын 2022-жылдагы Дүйнөлүк чемпионаттын катышуучуларын тандоо турунун алкагындагы беттешине Күн чыгыш өлкөсүнөн да күйөрмандар келишкен.
Эске салсак, футбол беттеши бүгүн саат 17:15те Дөлөн Өмүрзаков атындагы стадиондо башталат. Стадион толуп, күйөрмандар көп болорун сатылган билеттердин калбай калгандыгынан баамдоого болот.
Борбор калаада боло турган Кыргызстан — Япония курама командаларынын 2022-жылдагы Дүйнөлүк чемпионаттын катышуучуларын тандоо турунун алкагындагы беттешине Күн Чыгыш өлкөсүнөн да күйөрмандар келишкен.© Sputnik / Эркин Садыков
Эске салсак, футбол беттеши бүгүн саат 17:15те Дөлөн Өмүрзаков атындагы стадиондо башталат. Стадион толуп, күйөрмандар көп болорун сатылган билеттердин калбай калгандыгынан баамдоого болот.© Sputnik / Эркин Садыков
©
Sputnik / Эркин Садыков
Япониянын командасы F группасынын лидери. Ал эми Кыргызстан менен Тажикстан экинчи орунда. Япониянын курама командасы дүйнөлүк рейтингде 28-орунда турса, Кыргызстан 94-сапта.
Көк бөрү: Нооруздагы мелдешке Казакстандын командасы келбей турган болду
(жаңыланган 13:56 08.03.2021)
Нооруз мелдешине карата чет жактардан команда чакыруу чечими Көк бөрү федерациясынын 2021-жылдагы календарлык планында кабыл алынган.БИШКЕК, 8-мар. — Sputnik. 21-мартта Нооруз майрамына карата жана Болот Шамшиев, Темир Дүйшөкеев, Болот Шерниязовдун элесине арналган көк бөрү боюнча эл аралык мелдешке Казакстан, Афганистандан чакырылган командалар келбей турган болду. Бул тууралуу аталган спорттун Улуттук федерациясынын башкы катчысы Куватбек Аскарбеков Sputnik Кыргызстан агенттигине билдирди.
Анын айтымында, буга эпидемиологиялык абал жана чек арадагы чектөөлөр себеп болгон.
"Казакстан менен Афганистандан чакырылган командалар эпидемиологиялык абалга байланыштуу оюнга даярданып жетише албай калышты. Ошондуктан келбей турганын билдиришти. Биз аларды өзүнчө мелдеш уюштуруп чакырабыз. Чектөөлөргө байланыштуу чек аралардагы маселелер да буга себеп болду. Чек ара качан ачылары белгисиз болчу. Кыргызстандын президентинин Казакстанга жасаган мамлекеттик сапарынан улам гана чек арада чектөө бир аз жеңилдеди", — деди ал.
Өлкөнүн Көк бөрү боюнча улуттук федерациясы аталган турнирге Казакстан жана Афганистандан командаларды чакырган болчу. Нооруз мелдешине карата чет жактардан команда чакыруу чечими федерациянын 2021-жылга карата каралган календарлык планында кабыл алынган.
Ноорузда көк бөрү легендаларынын жаркын элесине арналган өлкө чемпионаты өтөт
(жаңыланган 12:38 08.03.2021)
Ат оюндары 13-21-март күндөрү Ысык-Көлдүн Чолпон-Ата шаарындагы ат майданында өтмөкчү. 12-мартта чүчү кулак тартылат.БИШКЕК, 8-мар. — Sputnik. Нооруз майрамына карата жыл сайын өтүүчү көк бөрү боюнча мелдеш быйыл көк бөрү легендалары Болот Шерниязов, Болот Шамшиев, Темир Дүйшекеевдин жаркын элесине арналган “Ачык чемпионат" деген аталыш менен уюштурулат. Бул тууралуу аталган спорттун Улуттук федерациясы билдирди.
Посмотреть эту публикацию в Instagram
Ат оюндары 13-21-март күндөрү Ысык-Көлдүн Чолпон-Ата шаарындагы ат майданында өтмөкчү. 12-мартта чүчү кулак тартылат.
"Нооруз - 2021 турнири аталган улуттук оюндун легендалары Болот Шерниязов, Болот Шамшиев, Темир Дүйшекеевдин жаркын элесине арналган ачык чемпионат катары өткөрүлөт. Бул Көк бөрү федерациясынын башкармалыгында чечилген", — деп айтылат маалыматта.
©
Sputnik / Табылды Кадырбеков
Быйылкы мелдешке 26 команда катышары күтүлүүдө, оюндар тайпалык этаптан башталат.
Кыргызстандын Көк бөрү боюнча улуттук федерациясынын башкы катчысы Куватбек Аскарбеков буга чейин Sputnik Кыргызстан агенттигине аталган мелдешке Казакстандан команда чакырылганын билдирген.
Шейшембиге карата аба ырайы
БИШКЕК, 8-мар. — Sputnik. Шейшемби, 9-март күнү, өлкө аймагында жаан-чачын күтүлбөйт. Бул тууралуу Кыргызгидромет кабарлады.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Талас өрөөндөрүндө +12...+17, Ош, Жалал-Абад, Баткен облустарында +14...+19, Ысык-Көл жергесинде +6...+11, ал эми Нарын аймагында +4...+9 градус болору айтылды.
Күндүн табы Бишкек шаарында +15...+17 жана Ош калаасында +16...+18 градуска чейин көтөрүлөт.
Белгилер: