Тажикстандын футбол командасы. Архивдик сүрөт

Кыргызстан менен беттеше турчу тажик футболчуларынын баасы

2427
(жаңыланган 12:53 16.11.2019)
Курама команданын Тажикстан менен беттешүүсү маанилүү оюн болуп саналат. Коңшу мамлекеттин командасы тайпадагы экинчи орун үчүн негизги атаандаштар экендиги маалым.

БИШКЕК, 16-ноя. — Sputnik. Кыргызстандын оюнчулары менен беттеше турган Тажикстандын футбол командасынын курамына 23 футболчу кирет. Бул туурасында аталган өлкөнүн Футбол федерациясынын сайтында айтылат.

2022-жылдагы дүйнө чемпионатынын экинчи тандоо турунун алкагындагы беттеш 19-ноябрда борбор калаадагы Дөлөн Өмүрзаков атындагы стадиондо өтөт.

Учурда F тайпасында 12 упай топтогон Япония лидер болуп турат. Андан кийинки орундарда алтыдан упай алган Кыргызстан менен Тажикстандын командалары бар. Кошумча көрсөткүчтөрдүн жардамы менен КР экинчи, ТР үчүнчү сапка илинген.

Тажикстандын командасындагы жети футболчу чет мамлекеттеги клубдарда, экөө Өзбекстандагы, ал эми калгандары Россия, Болгария, Оман, Бангладеш жана Малайзиядагы клубдарда ойноп келет. Учурда бир спортчусу эч кандай клубга мүчө эмес. Калган 15 футболчусу улуттук чемпионаттарда ойноп жүргөндөр.

Германиянын белгилүү Transfermarkt.de порталынын маалыматы боюнча, Тажикстандын курама командасынын баасы 2 миллион 650 миң еврону түзөт.

Эң кымбат оюнчу — жарым коргоочу Парвизджон Умарбоев 500 миң еврого бааланган. Дагы бир кымбат спортчу Манучехр Жалилов — 350 миң евро.

Мындан тышкары, коңшу өлкөнүн коргоочулары 200-300 миң евродон,  жарым коргоочулары 50 миңден 500 миң еврого чейин, ал эми чабуулчулары 50 миңден 350 миң еврого чейин бааланат.

Ал эми Кыргызстандын курамасындагы 12 оюнчунун баасы 2 миллион 525 миң еврону түзөт. Алардын ичинен эң кымбаты (1,2 миллион евро) команданын капитаны Валерий Кичин.

2427
Белгилер:
клуб, баа, команда, оюн, футбол, Тажикстан, Кыргызстан
Тема:
Кыргызстан — Тажикстан командаларынын 2019-жылдагы беттеши (19)
Тема боюнча
Кайгырган кыздар, ызырынган жигиттер. Футбол күйөрмандарынын эмоциясы видеодо
"Ак шумкарлар" менен "Самурайлардын" кармашы. Бишкек стадионунан 20 сүрөт
Фотофакт: стадионго жык толгон футбол күйөрмандарынын сүрөтү
Кыргызстандык футболчу Гүлжигит Алыкулов. Архив

Кыргызстандык футболчу Гүлжигит Алыкулов УЕФАнын мелдешинде ойнойт

337
(жаңыланган 21:57 11.08.2020)
Гүлжигит Алыкулов өзүнүн "Кайрат" клубу менен Европа лигасы мелдешинин тандоо турунда армениялык "Ноа" командасына каршы беттешке чыгат.

БИШКЕК, 11-авг. — Sputnik. Кыргызстандын мыкты футболчусу Гүлжигит Алыкуловдун "Кайрат Алматы" (Казакстан) командасы УЕФАнын Европа лигасы мелдешинде Армениянын "Ноа" клубу менен ойнойт. Бул тууралуу казакстандык команданын расмий сайтында айтылат.

Командалар УЕФАнын Европа 2020-2021-жылдагы лигасы мелдешинин квалификациялык баскычынын алкагында кез келет. Беттеш көрүүчүлөрсүз өтөт.

УЕФА футболдук беттештери COVID-19 курмандыктарына аза күтүү менен башталат.

Оюн 27-августка белгиленип, өтүүчү орду азырынча аныктала элек.

Эскерте кетсек, Европа лигасы мелдешинин квалификациялык оюндары бир эле беттеш менен жыйынтыкталат.

"Дордой" клубунун тарбиялануучусу Гүлжигит Алыкулов ушул жылдын башында эки жылдык келишим менен Казакстандын "Кайрат" клубуна өткөн. Буга чейин Түркиянын "Анталья спор" командасында ойноп келген.

Ал өткөн жылы Кыргызстандын "Мыкты футболчусу" деп табылган.

337
Белгилер:
Европа лигасы, футбол
Тема боюнча
Түркияда ойногон кыргызстандык жаш футболчу эл аралык сыйлыкка татыды
Шоро премьер-лигасынын беттештеринде тең чыгышты. Күйөрмансыз оюндар
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

87
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

87
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Эртең мененки тамак. Архивдик сүрөт

Эртең мененки тамактын курамында эмне болушу зарыл. Адистин кеңеши

0
(жаңыланган 09:22 13.08.2020)
Адистин айтымында, эгер белок жетиштүү көлөмдө болбосо углевод менен майдын нормасы ашып кетип, организмди ашкере зыянга учуратат.

БИШКЕК, 13-авг. — Sputnik. Эртең мененки тамактын курамында белок да, углевод да болгону жакшы. Бул тууралуу диетолог Юлия Чехонинанын айтканына таянуу менен РИА Новости жазды. 

Адистин пикирине караганда, нанүштө көндүм болгон бир эле эмес, ар кыл даамдан турганы оң.

Эт жегендер менен андан баш тарткандардын кимиси узак жашайт. Адистин аныктамасы

"Углеводдон адам күч-кубат алат, бирок белок да сөзсүз болушу керек. Белок жетишпесе организм углевод менен майга толот", — деди Чехонина.

Диетолог мындай көрүнүш адамдын семирип кетүүсүн шарттай турганын кошумчалады.

0
Белгилер:
диетолог, организм, белок, тамак
Тема боюнча
Окумуштуулар диабет илдетине чалдыккандарга пайдалуу тамактарды сунуштады
Окумуштуулар кеч тамактануунун зыян жактарын айтып беришти
Майлуу тамакты "жек көргөзгөн" азыктар. Окумуштуулардын аныктамасы