Кыргызстан — Тажикстан футбол беттеши. Архивдик сүрөт

Акыркы эки оюндан кийин КР командасынын FIFA рейтинги кандай өзгөрөт

505
Кыргызстандын футбол боюнча курама командасы ноябрда эки оюн өткөрдү. Япониядан жеңилип калса, Тажикстан менен тең чыкты.

БИШКЕК, 23-ноя. — Sputnik. football-rankings.info сайтынын жазганына караганда, Кыргызстандын футбол боюнча курама командасы FIFA рейтингинде эки орунга артка жылат.

Бул айда КР футболчулары 2022-жылы өтө турган Дүйнө чемпионатынын тандоо турунун алкагында эки оюн өткөрүп, атаандаштарды өз талаасында кабыл алышкан.

Кыргызстандык команда Япониядан 0:2 эсебинде утулуп калса, Тажикстан менен 1:1 эсебинде тең чыккан

Божомолдору адатта туура чыгып келген сайттын аналитиктеринин айтымында, Кыргызстандын командасы FIFA рейтингинде эки орунга артка жылып, 96-сапты ээлейт. Упайларынын да саны 12ге төмөндөп, 1 240,08ди түзүп калат.

Жаңыланган рейтинг 28-ноябрда жарыяланмакчы.

Белгилей кетсек, КР командасынын рекорддук көрсөткүчү 2018-жылдын апрелинде жеткен 75-орун.

Атамекендик футболчулардын азыркы абалы тууралуу Sputnik Кыргызстан даярдаган материалдан окусаңыз болот.

505
Белгилер:
божомол, Тажикстан, Япония, Кыргызстан, рейтинг, FIFA, футбол
Тема боюнча
Кыргыз-тажик оюну: Крестинин КР футболчуларынын негизги катасын атады
КР футболчуларынын абалы оор. Тайпада 2-орунду алган командалардын таблицасы
Футболчулар жөөлөшүп, трибуна жаңырып. Кыргыз-тажик беттешинен кызыктуу видео