Лионель Месси алтынчы ирет Алтын топ алды

Абсолюттук рекорд! Лионель Месси алтынчы ирет "Алтын топ" алды. Видео

218
(жаңыланган 10:55 03.12.2019)
"Алтын топ" France Football уюму тарабынан 1956-жылы Европанын мыкты футболчусуна берилчү сыйлык катары негизделген. Белгилей кетсек, аны алуу боюнча абсолюттук рекорд Мессиге таандык.

БИШКЕК, 3-дек. — Sputnik. "Барселона" футбол клубунун чабуулчусу Лионель Месси алтынчы ирет "Алтын топ" сыйлыгына ээ болду. Бул тууралуу РИА Новости жазды.

Сыйлык тапшыруу салтанаты дүйшөмбү күнү Париж шаарында өттү.

​Европанын 2019-жылдагы мыкты футболчусу наамына 30 спортчу ат салышкан. Бирок лидерлик кылган үчилтикке Месси менен бирге "Ливерпуль" командасынын коргоочусу Вирджил ван Дейк жана "Алтын топтун" беш жолку ээси, айтылуу Криштиану Роналду кирген.

"Эң биринчи жолу бул сыйлыкты алганы бир туугандарым менен келгем. Бүгүн "Алтын топко" алтынчы ирет ээ болуп жатам. Албетте, мен курагым канчага келип калганын, футболдон кетчү убак жакындап келе жатканын түшүнүп турам. Бирок алдыда дагы ийгиликтер бар деп ишенем", — деди Мэсси.

"Алтын топ" France Football уюму тарабынан 1956-жылы Европанын мыкты футболчусуна берилчү сыйлык катары негизделген. Белгилей кетсек, аны алуу боюнча абсолюттук рекорд Мессиге таандык. Андан кийинки орунда беш "Алтын топ" алган "Ювентустун" чабуулчусу Криштиану Роналду турат.

218
Белгилер:
футбол, рекорд, сыйлык, "алтын топ", Лионель Месси, Франция
Тема боюнча
Кыргызстандын футбол курама командасынын баасы өсүп, рекорд койду
Биздикилерди таанып жүр! КРдин футбол командасы тууралуу кызыктуу фактылар
"Астананын" оюнчулары "Манчестер Юнайтед" командасын утуп алды
Футзал оюнчулары. Архив

Бүгүн футзал боюнча Кыргызстандын кубогунун жеңүүчүсү аныкталат

8
Мелдештин финалында "Ал Халал" менен "Мурас" командалары беттешет. Оюн Бишкектеги "Алай Мурдаш" спорттук жайында өтөт.

БИШКЕК, 1-дек. — Sputnik. Бүгүн, 1-декабрда, футзал боюнча "Кыргызстандын кубогу – 2020" мелдешинин жеңүүчүсү аныкталат. Бул тууралуу аталган спорттук ассоциациянын маалымат кызматы билдирди.

Мелдештин финалында Бишкектин "Ал Халал" менен Ысык-Көлдүн "Мурас" командалары беттешет. Оюн Бишкектеги "Алай Мурдаш" спорттук жайында саат 12:00дө башталат.

Жарым финалда болсо "Ал Халал" "Бакубат Талас" командасын 7:3 эсебинде утуп, "Мурас" Оштун "ЕРЕМ" клубун 2:1 эсебинде жеңген.

Бул мелдеште өткөн жылы Бишкектин "Алга Дордой" клубу алдыга чыккан. "Дордойлуктар" финалда Бишкектин "Строй-Мир" командасын 3:1 эсебинде жеңип алган.

8
Белгилер:
финал, футзал
Тема боюнча
АФК-2021 мелдешинин форматы жана өтө турган күнү бекиди
Спортчу Денис Петрашов. Архивдик сүрөт

11 медаль. КРдин сууда сүзүү боюнча улуттук командасы Өзбекстандан жемиштүү кайтты

86
(жаңыланган 14:46 30.11.2020)
Спортчулардын ичинен Елизавета Рогожникова менен Рамазан Омаров Кыргызстандын да рекордун жаңылаган.

БИШКЕК, 30-ноя. — Sputnik. Кыргызстандын сууда сүзүү боюнча улуттук курама командасы сууда сүзүү боюнча лицензиялык Өзбекстандын ачык кубогунан 11 медаль менен кайтты. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.

Төрт спортчу ошентип үч алтын, беш күмүш, үч коло медалга ээ болгон.

Мелдешке 300 адам катышса, алардын ичинен алтоо Кыргызстандан болгон. Алардан сырткары, чет өлкөлөрдүн ичинен Чехиядан келген жана жергиликтүү сууда сүзүүчүлөр катышкан.

Кыргызстандык спортчулардын көрсөткөн жыйынтыгы:

Денис Петрашов

  • Брасс түрүндө 50 метр — алтын медаль;
  • Брасс түрүндө 100 м — алтын медаль;
  • Брасс түрүндө 200 м — коло медаль;

Елизавета Рогожникова

  • Чалкасынан сүзүү 200 м — алтын медаль;
  • Чалкасынан сүзүү 100 м — күмүш медаль;
  • Чалкасынан сүзүү 50 м — күмүш медаль, Кыргызстандын рекорду;
  • Комплекстүү сүзүү 200 м — күмүш медаль.

Рамазан Омаров

Эркин стиль 1500 м — күмүш медаль;

Эркин стиль 800 м — күмүш медаль, Кыргызстандын рекорду.

Тенгиз Тюбеев

  • Эркин стиль 1500 м — коло медаль.

Белгилей кетсек, Кубок 2020-жылдын 24-ноябрында Ташкент шаарында (Өзбекстан) старт алып, 29-ноябрда аяктаган.

86
Белгилер:
ийгилик, медаль, сууда сүзүү, Өзбекстан, Кыргызстан
Тема боюнча
Энем кыргыз! Азиядан КРге алтын медаль алып келген Будажаповдун видеосу