Россиялык Анна Щербакова, Алена Косторная жана Александра Трусова муз үстүндө көркөмдөп бийлөө боюнча Гран-приде алдыңкы орундарды жеңип алды

Россиялык муз бийчилер Италиядагы Гран-прини утуп алышты. Сүрөт

137
(жаңыланган 16:51 08.12.2019)
Муз үстүндө көркөмдөп бийлөө боюнча Гран-при турнирине катышкан алты кыздын төртөө россиялык болчу. Биринчи орунду алган спортчу дүйнөлүк рекорд койсо, дагы башка байге ээси секирип туруп абада төрт ирет чимирилгени менен тарыхка кирди.

БИШКЕК, 8-дек. — Sputnik. Россиялык Анна Щербакова, Алена Косторная жана Александра Трусова муз үстүндө көркөмдөп бийлөө боюнча Гран-приде алдыңкы орундарды жеңип алганын Р-Спорт жазды.

Чемпионат Италиянын Турин шаарында 5-8-декабрь күндөрү өттү. 

Призеры женского одиночного катания финала Гран-При по фигурному катанию в Турине (слева направо): Анна Щербакова (Россия) - серебряная медаль, Алена Косторная (Россия) - золотая медаль, Александра Трусова (Россия) - бронзовая медаль.
© Sputnik / Владимир Песня
Россиялык Анна Щербакова, Алена Косторная жана Александра Трусова муз үстүндө көркөмдөп бийлөө боюнча Гран-приде алдыңкы орундарды жеңип алды

Александра Трусова кыска программаларды көрсөтүүнүн жыйынтыгында бешинчи орунду алган. Бирок өзгөчөлөштүрүлгөн бийде флипти төрт жолу жасаганы үчүн, башкача айтканда, секирип барып абада бир нече ирет чимирилгенине карап кошумча упай алган. Натыйжада 233,18 упай топтоо менен үчүнчү орунга татыган.

Анна Щербакова программалардын жыйынтыгы менен үчүнчү орунду алса, өзгөчөлөнгөн бийде жогору делген 162,65 упай алып, Гран-принин финалында экинчи орунду ээлеген. Жалпысынан 240,92 упай алган. 

Ал эми Алена Косторная бардык тапшырмаларды ийгиликтүү аткаруу менен эң жогорку 247,59 упайды топтоп, дүйнөлүк рекорд койгон. Ага биринчи орун талашсыз берилген.

Бул ирет олимпиада чемпиону Алина Загитова бир нече каталарды кетирип алып, жалпысынан 205,23 упай алды. Натыйжада алты спортчунун ичинен акыркысы болуп калды.

Төрт россиялык спортчудан тышкары япониялык Рика Кихира менен америкалык Брэди Теннел да катышып, төртүнчү жана бешинчи орундарга илинди.

137
Белгилер:
жеңиш, муз, гран-при, Россия, Италия
Тема боюнча
Ажайып сулуу! Кыргызстандык гимнасттар дүйнө чемпионатына катышууда. Сүрөт
UFC чемпиону Валентина Шевченко жана бир тууган эжеси Антонина Шевченко. Архив

Дайыма жаныңдамын! Валентина Шевченко жеңилген эжесин колдоп пост чыгарды

68
(жаңыланган 16:18 16.05.2021)
Валентина эжесин жакшы көрөрүн айтып, андан күч-кубат аларын билдирген. Белгилей кетсек, Антонина Шевченко бүгүн америкалык каршылашынан жеңилип калды.

БИШКЕК, 16-май — Sputnik. UFC чемпиону Валентина Шевченко бүгүн атаандашынан жеңилип калган эжеси, бир тууганы Антонина Шевченкону колдогон билдирүүсүн соцтармакка жарыялады.

"Сен менин баатырымсың. Дайыма күч-кубат берген, үлгү ала турган адамымсың. Кымбаттуу эже, мен сени аябай жакшы көрөм! Дайыма жаныңда болом", — деп жазган Валентина.

Буга чейин соцтармактын колдонуучулары эжесинин атаандашын Валентина тапанча менен унаа токтотуучу жайда күтүп жатат деп тамашалашкан.

Кыргызстандык UFC мушкери Антонина Шевченко ("Пантера" каймана аты бар) UFC 262 турниринин алкагында америкалык атаандашы Андреа Лиге ("КГБ" каймана аты менен таанымал) утулуп калды.

Ушуну менен Антонина үчүнчү ирет жеңилүү ызасын тартып отурат. Буга чейин ал сегиз жолу жеңишке жеткен.

68
Белгилер:
спорт, билдирүү, колдоо, Антонина Шевченко, Валентина Шевченко
Тема боюнча
Антонина Шевченконун каршылашына жеңилген видеосу тарады
Өзү деле билчү... Рамзан Кадыров Хабибди UFC уюмунун долбоору деп атады
Антонина Шевченко менен америкалык Андреа Ли беттеш учурунда

Антонина Шевченконун каршылашына жеңилген видеосу тарады

138
(жаңыланган 14:08 16.05.2021)
Шевченко эки мүнөттөй Линин буту менен муунтуу ыкмасынан чыга албай кыйналган. Беттеш экинчи раундда жыйынтыкталды.

БИШКЕК, 16-май — Sputnik. Социалдык тармактарга Антонина Шевченконун америкалык Андреа Лиге жеңилип калган видеосу тарады.

Чолпон Рустамова аттуу колдонуучу беттештин видеосун Facebook баракчасына жарыялаган.

Спорттук мелдеш Хьюстондо (Техас штаты) 16-майга караган түнү болуп, америкалык мушкер каршылашын колун кайруу ыкмасы менен жеңип алды. Шевченко экинчи раунд бүтөрүнө сегиз секунд калганда утулду. Ал ага чейин эки мүнөттөй Линин буту менен муунтуу ыкмасынан чыга албай кыйналган.

Ушуну менен Антонина үчүнчү ирет жеңилүү ызасын тартып отурат. Буга чейин ал сегиз жолу уткан.

138
Белгилер:
Андреа Ли, жеңилүү, Техас, беттешүү, Антонина Шевченко
Тема боюнча
Чарльз Оливейра жеңил салмакта чемпион болуп, Хабибдин ордун ээледи. Видео
Антонина Шевченко UFC берген 50 миң доллар бонусту кайда коротконун айтты. Видео
Армениянын чек арасын жанындагы талкаланган шаар. Архив

Армениядагы чек ара жаңжалы: ЖККУ кийлигишер кезби?

0
(жаңыланган 23:29 16.05.2021)
Көз карандысыз мамлекеттер шериктештигинин аймагындагы улам чыгып калып жаткан чек ара жаңжалы – чоң согуштун тутанышына себеп эмес.

Бул өңдүү көйгөйлөр эки тараптуу сүйлөшүүлөрдү, дипломатиялык жөнгө салууну, Бириккен Улуттар Уюму (БУУ), Европа коопсуздук кызматташтык уюму (ЕККУ), Жамааттык коопсуздук кызматташтык уюму (ЖККУ) же Түндүк атлантикалык келишим уюмунун (НАТО) потенциалын пайдаланбастан кадыресе делимитация же демаркацияны талап кылат. Ушундай ойду карманган аскерий баяндамачы Александр Хроленко бул сапар Армениядагы абалга токтолгон.

Армения Республикасынын Сүник облусундагы ок атуусуз чек ара жаңжалы чындап технологиялык мүнөздө, ошондуктан саясий билдирүүлөр менен кырдаалды жасалма түрдө козутууга болбойт.

Армениянын Коргоо министрлигинин маалыматы боюнча, 12-майда таң эрте: "Азербайжандын Куралдуу күчтөрү "чек араны тактоо" шылтоосу менен чек ара тилкелеринин биринде иштерди жүргүзүүгө аракет кылышкан. Армениялык күч бөлүктөрү тарабынан көрүлгөн чаралардан соң азербайжандык аскерлер бул ишти токтотушкан". Ошондон кийин дароо жагдайды жөнгө салуу боюнча сүйлөшүүлөр башталган.

Армениянын премьер-министринин милдетин аткаруучу Никол Пашинян Сүник облусундагы абалга байланыштуу ЖККУга расмий кайрылуу жөнүндө чечим кабыл алганын маалымдады. Андан мурунку күнү эле ал Азербайжан аскердик күчтөрү 12-майда чек арадан өтүп, Кара көлдү курчоо аракетинде армениялык аймакка 3,5 чакырым аралык кирип келгендигин билдирген.

Бул боюнча Азербайжан тарап да үн катпай койгон жок. "2020-жылдын 10-ноябрында кол коюлган үч тараптуу билдирүүгө ылайык, аба ырайынын жакшырышы менен азербайжандык чек ара күчтөрү Армения менен чектешкен татаал тоолуу рельеф жана климаттык шарттары бар Лачин жана Көлбажар райондорунда Азербайжан позициясында жайгаштырылат. Процесс кадимки режимде жана системалуу жүргүзүлүүдө", — деп айтылган Азербайжан Республикасынын Тышкы иштер министрлигинин билдирүүсүндө.

Армениянын Коопсуздук кеңешинин катчысы Армен Григорян теледеги мурдагы күнкү маегинде: "Армениянын аймагынан азербайжандык аскерлерди али чыгарта албадык. Коопсуздук кеңешинин жыйынында биз ЖККУга кайрылууну чечип, бул процессти баштадык".

ЖККУдагылар Армениянын Сүник облусунун чек арага жакын райондорундагы абалдын өнүгүшүнө кылдат көз салууда. Ошону менен бирге эле: "Жагдайга жараша зарылдыгы чыкса Жамааттык коопсуздук боюнча келишимдин жана ЖККУнун Уставынын жоболорунда каралган чаралар көрүлөт".

Азербайжан Тышкы иштер министрлиги 13-майда аталган аймактагы жалпы көрүнүштү мындайча сүрөттөдү: "Көз карандысыздыкты калыптандыргандан бери эки мамлекет белгилүү себептер менен мамлекеттик чек араларга ээ болгон эмес. Биз ушул тапта тараптардын ортосундагы келишпестик менен коштолгон татаал техникалык процесс жөнүндө кеп кылып турабыз". Бул билдирүүлөрдө согуштан кийинки чек аралар агрессияга алдыруу (ок атуулар) же Азербайжандын Арменияга карата кандайдыр бир территориялык дооматтары байкалбайт.

Технологиялык келишпестиктер – маанисиз деңгээлге чейин жеткирилбесе эле кадыресе процесс. 1991-жылы КМШ өлкөлөрүндө чек ара боюнча талаш маселелер ар кыл даражадагы ийгилик менен чечилип келген. Ошентсе да "талаш" маселелер кескин геосаясий кыймылдар жана кан төгүүгө арзыбайт. Бүгүнкү күндө Баку же Ереванда көйгөйдүн булагын издөөнүн кереги жок. Кавказдагы бул көйгөйдүн түбү Россия империясын СССРге трансформациялоонун жүрүшүнө барып такалат. Процесс саясий болуп саналат, советтик республикалардын чийилген чек аралары көбүнесе шарттуу жана мурдатан эле талаштуу. Россиянын революцияга чейинки "монолиттик" картасында улуттук республикалар болгон эмес, өлкө административдик жактан губерния жана облустарга бөлүнгөн. Тургундардын баары россиялык букаралыкка гана ээ болушкан.

Ырбаган учурларды мисал келтирүү үчүн өткөнгө терең үңүлүүнүн деле кереги жок. Жакындагы эле Тажикстан менен чек ара жаңжалынан улам Кыргызстандын Жогорку Кеңешинин Эл аралык иштер, коргоо жана коопсуздук комитетинин мүчөлөрү 11-майда өз өлкөсүн ЖККУга катышууну кайра карап чыгууну сунуштаганы маалым. Дүйнөдө ушул жааттагы тажрыйбаларды карап көрсөк, НАТОдо Греция менен Түркиянын чек ара маселелери улам көтөрүлөт, бирок атлантикалык альянс тигил же бул тарапты бомбалоого белсенбейт. Эч кимиси НАТОдон чыгып кетүүгө кам урбайт.

Кавказда жагдай жеңил эмес. Армения – ЖККУга мүчө, Азербайжан бул уюмга кирбейт. Ошентсе да Баку менен Еревандын чек ара боюнча бул (бир да ок атылбаган) талаш кырдаалында жаңжалдашкан тараптардын сүйлөшүүлөрүнөн улам (Россиянын катышуусундагы) агрессия, аннексия тууралуу катуу кыйкырып, анан да ЖККУ боюнча союздаштарына дээрлик шантаж кылуу натуура.

Азыр Арменияны эч ким аскердик кол салуу менен коркуткан жери жок. Россиялык чек арачылар макулдашууларга ылайык Сүник облусундагы автожолдун көйгөйлүү тилкелериндеги (Горис – Давид Бек жана Горис – Капан) кыймылдын коопсуздугун жана үзгүлтүксүздүгүн камсыздоодо. Азербайжандык күчтөрдүн бул багытта кандайдыр бир өтүп кетишин элестетүү да дээрлик мүмкүн эмес.

Мурдараак Армения ТИМи Ереван менен Баку россиялык чек арачылар жайгашканга чейин мурда таанылбаган Тоолуу Карабах республикасына кирген жана Армения менен чектешкен бир катар аймактардын Азербайжандын карамагына өткөндөн кийинки чек ара тилкелерин демаркациялоо үчүн убактылуу аскердик позицияларды жайгаштырууну такташышкан.

Демаркациялоо жүрүп жатат. Чиеленишкен чек ара маселелери оор чечилет, уй мүйүз тарта отуруп сүйлөшүү менен кылдат жөнгө салууну, кыйла интеллектуалдык аракеттерди талап кылат. Кара көлдөгү абалды жөнгө салуу үчүн дүрбөлөңгө салган билдирүүлөрдүн да, ЖККУнун күчтөрүн жана каражаттарын тартуу менен күч операцияларынын да түк  кереги жок.

Жамааттык коопсуздук келишимдин 2-беренесине ылайык: "Мамлекет-катышуучулар алардын кызыкчылыгына тиешелүү эл аралык коопсуздуктун бардык маанилүү маселелери боюнча бири-бири менен кеңешип, позицияларын макулдашышат.

Катышуучу мамлекеттердин биринин же бир нечесинин коопсуздугуна, территориялык бүтүндүгүнө жана суверенитетине коркунуч туулса же эл аралык тынчтыкка кооптуулук жаралса, мамлекет-катышуучулар өз позицияларын координациялоо жана коркунучту жоюуга чара көрүү максатында биргелешкен консультациялар механизмин кечиктирбестен кыймылга келтирет".

Чек араны демаркациялоо жагдайында эл аралык же Армениянын тынчтыгына реалдуу кооптуулук туулган жок. Андай эмес деп далилдөө (ЖККУнун консультацияларында жана бөлөк сүйлөшүү аянтчаларында) кыйын болот.

БУУнун аныктамасына ылайык, "бир мамлекет тарабынан башка бир өлкөнүн суверенитетине, территориялык кол тийбестигине же саясий көз карандысыздыгына каршы куралдуу күч колдонуу" агрессия болуп саналат. БУУнун Коопсуздук кеңеши да Сүник облусундагы Азербайжан агрессиясын байкаганы жок.

0
Белгилер:
ЖККУ, Жаңжал, чек ара, Армения
Тема боюнча
Америкалыктар Россияга "афган бомбасын" таштаганы турабы?