ММА мушкерлери. Архивдик сүрөт

Атаандашын 18 секундда көтөрүп чаап нокаутка кетирген мушкер. Видео

2875
(жаңыланган 10:29 22.01.2020)
Таң калган интернет колдонуучулары бул нокаутту "ММА тарыхындагы эң коркунучтуу беттеш" деп аташууда.

БИШКЕК, 22-янв. — Sputnik. Интернет колдонуучуларынын арасында эң коркунучтуу ММА беттеши катары бааланган нокаут талкууга алынууда. ММА боюнча америкалык мушкер Эмон Бейкер каршылашы Ричард Трейди 18 секундда жерге сулата чапты.

​MMA Fighting порталы билдиргендей, аталган беттеш Калифорнияда өткөн SSP Fight NIght 46 турниринде болгон.

Бири-биринен калышпаган эки чапчаң мушкердин кармашы башталбай жатып аяктады. Бейкер атаандашын көтөрүп чаап, мындай соккудан улам Трей эс-учун жоготуп койгон.

Посмотреть эту публикацию в Instagram

Публикация от Chad George (@chadsavagegeorge)

Маалыматка ылайык, Трейдин мойнуна доо кетип ооруканага жаткырылган. Андан кийин анын машыктыруучусу мушкердин абалы канааттандырарлык экенин кабарлады. Азырынча бул беттеш ММАнын тарыхындагы эң ырайымсыз, коркунучтуу беттеш катары айтылууда.

2875
Белгилер:
беттешүү, октагон, нокаут, мушкер, ММА
Тема боюнча
Беттеш башталбай жатып аяктады! Макгрегор Серронени нокаут менен утту. Видео

Месси "Осасунага" киргизген голун Марадонага арнады. Видео

31
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

31
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады
Мушкер беттешүү учурунда. Архив

Кыргызстандын WEF уюму бир жылдык тынымдан кийинки алгачкы турнирин өткөрөт

47
(жаңыланган 09:24 30.11.2020)
Спорттук компаниянын президентинин айтымында, лиганын соңку турнири былтыр декабрь айында өтүп, кийинки кармаштарды коронавирус кырдаалына байланыштуу уюштура албай калышкан.

БИШКЕК, 30-ноя. — Sputnik. Кыргызстандын Кулатуу эр таймаш уюму (WEF) пандемиядан кийинки алгачкы беттешин өткөрөт. Бул тууралуу уюштуруучулар билдирди.

Уюмдун президентинин айтымында, лиганын соңку турнири былтыр декабрь айында өткөн. Андан кийин коронавирус кырдаалына байланыштуу беттештерди уюштурууну токтотушкан.

Спорттук компаниянын бир жылдык тынымдан кийинки турнири WEF ProfFight 40 деп аталып, 12-декабрда борбор калаадагы "Газпром" ден соолукту чыңдоо борборунда өтөт.

Кеченин башкы беттешинде чемпиондук кур үчүн 70 килограмм салмакта Нургазы Балтабаев менен Чыңгыз Дүйшөбай уулу кармашат.

Посмотреть эту публикацию в Instagram

Публикация от WEF GLOBAL (@wef_global)

Пандемияга байланыштуу көрүүчүлөрдүн кирер-кирбеси такталып жатат. Кармаштарды түз эфирден "КТРК Спорт" жана WEF Global "Ютуб" каналынан көрүүгө болот.

Белгилей кетсек, WEF уюмунун турнирлери мушкерлердин спорттук жетишкендиктерине жараша төрт лигада өтөт: Amateur — каалаган мушкер катыша алат, башкача айтканда, эрежесиз урушка кадам таштайт, Selection — спортчулар деңгээлине жараша тандалып, жеңип чыккандар WEFтин кийинки ProfFight баскычында ат салыша алат. ProfFight — кесипкөй мушкерлер күч сынашат. WEF Global — эң кесипкөй спортчулардын кыл чайнашы.

47
Белгилер:
аралаш мушташ, турнир, WEF, Бишкек
Тема боюнча
Кимдер мыкты болду? Бишкекте бокс боюнча КРдин чемпионаты аяктады. Сүрөт
COVID-19га кабылган бейтаптарды караган врач. Архивдик сүрөт

380 кишиден коронавирус табылып, 360 бейтап айыкты. Соңку статистика

0
(жаңыланган 10:56 30.11.2020)
Бир сутка ичинде өлкө боюнча 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан илештирген.

БИШКЕК, 30-ноя. — Sputnik. Өткөн суткада өлкөдө 380 кишиден коронавирус аныкталып, 360 бейтап айыкты. Бул тууралуу Республикалык штаб кабарлады.

Ага ылайык, оору жуктургандын көбү Бишкек шаарында катталган.

Жуктургандар:

  • Бишкек – 137;
  • Ош – 4;
  • Чүй облусу – 79;
  • Ош облусу – 18;
  • Талас облусу – 19;
  • Нарын облусу – 10;
  • Ысык-Көл облусу – 38;
  • Жалал-Абад облусу – 48;
  • Баткен облусу – 27.

Айыккандар:

  • Бишкек – 84;
  • Ош шаары – 24;
  • Чүй облусу – 59;
  • Ош облусу – 13;
  • Талас облусу – 17;
  • Нарын облусу – 1;
  • Ысык-Көл облусу – 49;
  • Жалал-Абад облусу – 53;
  • Баткен облусу – 60.

Ушуну менен Кыргызстанда коронавирус жуктургандардын саны 72 807ге жетип, анын ичинен 64 149 бейтап ооруну жеңген. Тилекке каршы, бир суткада коронавирус беш адамдын өмүрүн алып, жалпы 1 271 адам көз жумду.

Бир суткада 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан жуктурган.

  • Бишкек шаары – 10 (кызыл зонадан 5);
  • Чүй облусунда – 3;
  • Ош шаары – 1;
  • Жалал-Абад облусунда – 1;
  • Баткен облусунда – 2.

Кечээтен бери үй карантининен алты медик айыгып чыгарылган.

0
Белгилер:
медик, илдет, бейтап, оору, статистика, коронавирус
Тема:
Кыргызстандагы коронавирус жуктуруп алгандар
Тема боюнча
Өткөн суткада COVID-19дан беш кыргызстандык каза болду