Боец Валентина Шевченко из Кыргызстана ждет, когда ее представят перед боем с Джулианной Пеной в женском легчайшем весе во время UFC Fight Night в Денвере, штат Колорадо. 28 января 2017 года

Шевченко менен Чукагяндын эртеңки беттешин көрсөтө турчу сайттардын тизмеси

5845
(жаңыланган 13:52 08.02.2020)
UFC 247 турниринин башкы беттешинде Жонс менен Рейес беттешсе, кеченин экинчи маанилүү кармашында Шевченко менен Чукагян октагондо жолугушат. Sputnik редакциясы турнирди көрсөтө турчу телеканалдар менен сайттарды сунуштайт.

БИШКЕК, 8-фев. — Sputnik. 9-февралга караган түнү Хьюстон шаарында беделдүү делген UFC 247 турнири өтөт. Бул 2020-жылдын эсебинен компания уюштурган биринчи чемпиондук беттеш болмокчу.

Турнирдин алкагында эки чемпион наамдарын коргойт. Аралаш мушташта утулуп көрбөгөн Доминик Рейес уюмдун орточо оор салмак (93 кг) боюнча чемпиону Жон Жонстун курун тартып алганга аракет кылат. Ал эми америкалык Кэтлин Чукагян кыргызстандык Валентина Шевченкодон чемпиондукту талашат.

UFC уюмунун эң мыкты мушкери Жон Жонс узак тыныгуудан кийин октагонго кайтууда. Соңку беттешинде, былтыр июлда өткөн UFC 239 турниринде бразилиялык Тиаго Сантосту уткан.

Бул ирет сегиз бурчтукта жеңилүү ызасын тартпаган Доминик Рейес менен кармашып, наамын сактап калганга аракет кылат. 93 килограмм салмактагылар арасында "падыша" болгон Жонс наамын 11-ирет коргомокчу. Жеңип калса оор салмактагылардын дивизионуна өтүүнү ниеттенип жатат.

Рейес UFС уюму менен келишимди эки жарым жыл мурда түзгөн. Анын рекорду 12:0. Анткен менен букмекерлердин анын Жонсту утуп алышына көзү жетпей жатат.

Посмотреть эту публикацию в Instagram

Публикация от ufc (@ufc)

Шевченко менен Чукагяндын кармашы турнирдеги маанилүү беттештердин экинчиси деп саналат. Валентина наамын үчүнчү ирет коргойт. Акыркы кармашында эзелки атаандашы Лиз Кармушту уткан.

Чукагян UFC уюмунда 2016-жылдан бери беттешип келет. Үч жыл ичинде сегиз беттеш өткөрүп, анын алтоосунда жеңишти камсыздаган. Былтыр эки кармашын калыстардын чечими менен уткандан кийин чемпиондук наамга талапкер болгон.

Беттешке чукул Sputnik агенттиги UFC 247 турнирин түз эфирден көрсөтө турчу сайттарды тизмектеди.

Ири мелдеш Хьюстондогу Toyota Center аренасында өтөт. Үстү жабылган спорттук имарат 19 миң көрүүчүнү сыйдырат.

Түз эфир Бишкек убактысы боюнча 05:00дө башталат. Ал эми негизги беттештер 9:00дө старт алат.

Турнирдин уюштуруучулары түз эфирди коммерциялык негизде бергендиктен, Кыргызстандын телеканалдары беттешти көрсөтө албайт.

Кармашты онлайн-режимде же спутник аркылуу көрүүгө болот. Төмөндө онлайн-каналдар менен сайттардын тизмеси берилди. Бирок алардын биздин региондо көрсөткөнгө акысы жок болсо блоктолуп калышы ыктымал.

5845
Белгилер:
сайт, телеканал, беттешүү, Валентина Шевченко, UFC
Тема:
Шевченко менен Чукагяндын беттеши (12)
Тема боюнча
Шевченконун кезектеги беттешине карата презентациялык видео жарыяланды
Кыргызстандыктар ак ниет эл! Шевченко АКШнын визалык чектөөсү боюнча жооп берди
Мадриддик Реал клубунун капитаны Серхио Рамос. Архив

Футболчу Серхио Рамос мушкер Конор Макгрегорго чакырык таштады. Видео

79
(жаңыланган 10:01 03.12.2020)
34 жаштагы Рамос машыгуу залында Макгрегордун басканын туураган видеосун жарыялап, алдына билдирүү жазган.

БИШКЕК, 3-дек. — Sputnik. Мадриддик "Реал" клубунун капитаны Серхио Рамос ирландиялык мушкер Конор Макгрегорго чакырык таштады. Футболчу мушкерге өзүнүн Instagram баракчасы аркылуу кайрылган. 

Посмотреть эту публикацию в Instagram

Публикация от Sergio Ramos (@sergioramos)

34 жаштагы Рамос машыгуу залында Макгрегордун басканын туураган видеосун жарыялап, астына билдирүү калтырган.

"Конор, качан даяр болосуң?" — деген футболчу.

Өз кезегинде мушкер бул чакырыкка кечиктирбей жооп кайтарган.

"Даяр бол, менин досум! Алдыда чоң беттеш турат", — деп футболчунун постунун астына билдирүү калтырган Конор.

Эки салмактын экс-чемпиону Конор Макгрегор 23-январда UFC 257 мелдешинде кезектеги беттешке чыгат. 32 жаштагы ирландиялык мушкерге америкалык Дастин Порье атаандаш болот.

Рамос буга чейин машыгууда гол киргизип, Макгрегордун басканын туурап майрамдап, мушкерге кайрылган.

Өз кезегинде мушкер достору менен футбол ойноп жатып алыстан киргизген голун жарыялап, футболчуга жооп кылган. Рамос Макгрегорду "Реал" клубунун машыгуусуна чакырган болчу.

79
Белгилер:
чакырык, Конор Макгрегор, UFC, футбол
Тема боюнча
UFC мушкери Конор Макгрегор "Реалдын" машыгуусуна катышмай болду
Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд. Архив

Чык рингге! Кулагын тиштеткен Холифилд атаандашы Тайсонго чакырык таштады

96
Майк Тайсон менен Эвандер Холифилд бокстагы эзелки атаандаштардан. Алардын 1997-жылдагы кармашы дүйнө элинин спортту сүйгөн катмарынын эсинде калган.

БИШКЕК, 3-дек. — Sputnik. Бокс боюнча оор салмактагы жана биринчи оор салмактагы мурунку чемпион 58 жаштагы Эвандер Холифилд элдин көзүнчө абалкы атаандашы, оор салмактагы абсолюттук чемпион Майк Тайсонго беттешүү чакырыгын таштады. Бул тууралуу РИА Новости жазды.

Ал беттешти уландысы менен өткөрүүнү белгилеп кеткен.

Лос-Анжелесте 54 жаштагы Тайсон башка мушкер, 51 жаштагы ардагер спортчу Рой Жонс менен беттешип, тең чыккан.

Тайсон маектеринин биринде Холифилд менен бир кармашсам деген ниетин айткан эле.

"Мен тарап беттеш өткөрүүгө аракеттенип, бирок ар кыл шылтоодон бөлөк эч нерсе ала алган эмес. Мени менен бокска чыгуудан мурда эмне үчүн беттешке аттангандыгын эми түшүнүп турам. Майк үчүн Рой Жонс жакшы атаандаш болду. Ал эми мени менен кармаш чоң окуя болот. Кимдир бирөөлөр көргүсү келген бирден-бир кармаш — экөөбүздүн ортобуздагы беттешүү. Экөөбүз бокска чыкпай койгонго эч кандай себеп жок. Эми актанбашыбыз керек. Тайсон, ишемби күнү кечинде мени менен кармашканга даяр экениңди айттың, анда келишимге кол кой да рингге чык. Дүйнө күтүп жатат, эми баары сага гана байланыштуу. Мен даярмын", — деген Холифилд.

Спортчунун бул айткандарын mmafighting.com жазды.

Тайсон менен Холифилд рингде эки ирет кездешкен. Ал эми 1997-жылдагы беттеште Холифилддин кулагын тиштеп алганы үчүн Тайсон кармаштан четтетилген болчу.

96
Белгилер:
чакырык, ринг, бокс, кармаш, Рой Жонс, Майк Тайсон
Тема боюнча
Тайсон акулалар менен кармашканда. Шоунун видеосу
Бишкек — Ош унаа жолу. Архив

Алыс жолдо абайлаңыз! Тоолуу аймактарда кар көчкү түшүү коркунучу бар

0
ӨКМ унаалардын ортосундагы 500 метр аралыкты сактоого, зарыл жумуш жок болсо, тоолуу жолдорго сапарга чыкпай турууну сунуштайт.

БИШКЕК, 3-дек. — Sputnik. Үстүбүздөгү жылдын 4-декабрынан 5-декабрына чейин жаап өткөн жана күтүлүп жаткан жаан-чачынга байланыштуу кар көчкү түшүү коркунучу бар. Бул тууралуу ӨКМден билдиришти.

Маалыматка караганда, Мырзаке — Кара-Кулжа — Алайкуу автоунаа жолунун 45-115-чакырымдарында кар көчкү түшүп, кар күрткүсү пайда болушу мүмкүн. Жолдор тайгак болуп, муз тоңот.

ӨКМ унаалардын ортосундагы 500 метр аралыкты сактоого, зарыл жумуш жок болсо, тоолуу жол менен сапарга чыгуудан баш тартууну сунуштайт.

0
Белгилер:
жол, коркунучтар, ӨКМ, көчкү
Тема боюнча
Жол тазалоочу техника жетпейт. Бишкек — Ош трассасынын кышка даярдыгы текшерилди