Кыргызстандык чемпион Валентина Шевченко. Архивдик сүрөт

Холли Берри тарткан тасмада Шевченко кимдин ролун аткарат?

449
(жаңыланган 14:30 27.02.2020)
Бүгүнкү күндө Голливуд жылдызы Холли Берри "В синяках" аттуу кино долбоордун үстүндө иштеп, өзүн режиссёр катары сынап жатат.

БИШКЕК, 12-фев. — Sputnik. Кыргызстандык чемпион Валентина Шевченко Хьюстондо (АКШ, Техас штаты) өткөн UFC 247 турниринин жеңүүчүсү болгондон кийин UFC уюмунун испан бөлүмүнө интервью берди. Спортчу суроолорго жооп берип жаткан кезде анын сөзүн Голливуд жылдызы, "Оскар" сыйлыгынын лауреаты Холли Берри бөлгөн.

Турнирге келгендердин көбү Шевченко менен Берринин ортосунда жылуу мамиле түзүлгөнүн байкашкан. Бул жаңылык бардык дүйнөлүк маалымат каражаттарына тарап, алдыңкы гезиттерге чейин чыкты.

Посмотреть эту публикацию в Instagram

Публикация от Valentina Shevchenko (@bulletvalentina)

Америкалык белгилүү актриса UFC 247 турнирине Шевченкону колдош үчүн келип, кыргызстандык спортчунун машыктыруучу штабынын артында отурду.

Посмотреть эту публикацию в Instagram

Публикация от Valentina Shevchenko (@bulletvalentina)

"Холли Берри абдан жакшы адам. Бүгүн бул жерге келгенине абдан кубанып турам. Ал беттеш алдында мага келип ийгилик каалады. Бул өзгөчө учур болду... Мындай нерселер адамды шыктандырат", — деп турнирден кийинки маалымат жыйында Шевченко билдирди.

Журналисттердин "чачыңызды эмнеге боёп салдыңыз" деген суроосуна Валентина "В синяках" (Bruised) тасмасына катышып жаткандыгы менен түшүндүргөн.

Буга чейин кыргызстандык спортчу Берри менен кино долбоорго катышып жатканы коомчулукка маалым болгон. Берри тасманын режиссёру болсо, Шевченконун ролу белгисиз болуп жаткан. Sputnik муну билип көрүүнү чечти.

Bloody Elbow басылмасы жазганына караганда, тасма Жеки (анын ролун Холли Берри аткарат) аттуу ММА мушкери тууралуу тартылган. Сценарий боюнча аял негизги беттештен жеңилип калып, карьерасы артка кетет. Мушкер "жашоодо колуман мушташтан башка эч нерсе келбейт" деп эсептеп жүрөт.

Сызга отуруп калган Жеки карьерасы үчүн карабай кеткен алты жаштагы баласы менен мамилесин оңдоону чечет. Бирок ринг менен жеңишти эңсеп, жан дүйнөсүнө тынчтык орнобой коёт. Бир күнү жаш жылдыздардын бири менен беттешүүгө мүмкүнчүлүк жаралат, Жеки каршылашы өзүнөн күчтүү экенине карабай макул болот.

Аралаш мушташтын жылдызы, Жекинин башкы атаандашынын ролун Валентина Шевченко ойнойт.

"Тасманын мен катышкан бөлүгү аяктап калды. Учурда башка эпизоддор тартылып жатат", — деди Шевченко ESPN MMA басылмасына маек берип жатып.

South China Morning Post гезитинин жазганы боюнча, тасмага Бразилиянын жиу-житсу боюнча эл аралык федерациясынын мүчөсү Габриель Лемос менен UFC уюмунун бразилиялык мушкери Аманда Нуньес дагы катышат.

Кинолордун IMDb маалымат базасындагы маалыматка караганда, актёрлордун негизги курамын АКШ, Канада жана Мексиканын өкүлдөрү түзгөн.

Тасма жыл аягына чейин экранга чыгары күтүлүүдө.

449
Белгилер:
тасма, Голливуд, Валентина Шевченко
Тема боюнча
Айланып туруп жаакка тепти! Шевченко катышкан турнирдин укмуштуу ирмемдери
Шевченко чемпиондугун коргоо боюнча Нурмагомедовдон ашып кетти
Шевченко жеңишинен кийин лезгинка бийлеп, Кыргызстанга салам айтты. Видео
Ысык-Көлгө сөзсүз барабыз! Шевченко Жээнбековго ыраазычылык айтты. Видео
UFC уюмунун жеңилирээк салмактагы чемпиону Валентина Шевченко бир тууган эжесин Антонина менен. Архив

Ыңгайсыз болуп турам. Валентина эжеси Антонинаны колдогон сөздөрүн жазды

102
(жаңыланган 12:30 31.05.2020)
Антонина сиңдиси Валентинанын мурдагы атаандашы менен кармашты. Ушул жылдын февралында кыргызстандык спортчу Чукагянды техникалык нокаут менен утуп алган.

БИШКЕК, 31-май — Sputnik. UFC уюмунун жеңилирээк салмактагы (57 кг) чемпиону Валентина Шевченко UFC on ESPN 9 турниринде Кэтлин Чукагянга утулган эжеси Антонинаны колдоого алды. Ал билдирүүсүн Twitter-аккаунтуна жазды.

Бүгүн эртең менен болгон беттеште Антонина Шевченко америкалык Кэтлин Чукагян менен кез келип, калыстардын бирдей чечими менен жеңилип калды. Каршылашы беттештин жүрүшүндө көбүрөөк үстөмдүк кылды.

"Кандай гана болбосун, сени жакшы көрөм, менин сүйүктүү эжем! Сен мага эргүү, колдоо берген дүйнөдөгү эң кымбат адамымсың. Жаракатыма байланыштуу октагондун бурчунда туруп, сага колдоо көрсөтө албай калганыма ыңгайсыз болуп турам. Бирок ар дайым жаныңда болом", — деген Валентина.

Белгилей кетсек, эже-сиңди бир салмактан беттешке чыгышат. Бүгүн Антонина Валентинанын мурдагы атаандашы менен кармашты. Ушул жылдын февралындагы UFC 247 турниринде кыргызстандык спортчу Чукагянды техникалык нокаут менен утуп, наамын коргоп калган.

102
Белгилер:
атаандаштык, колдоо, беттешүү, Валентина Шевченко, Антонина Шевченко, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Мындан да күчтүү болуп кайтам! Бети-башы көгала Антонина үн катты
Антонина Шевченко Кэтлин Чукагян менен беттеш учрунда

Мындан да күчтүү болуп кайтам! Бети-башы көгала Антонина үн катты

193
(жаңыланган 11:26 31.05.2020)
Жеңилирээк салмак категориясында кармашкан кыздардын беттеши үч раундга чейин созулуп, убакыт бүткөндө жеңиш Антонинанын атаандашы Кэтлинге ыйгарылган.

БИШКЕК, 31-май — Sputnik. Кыргызстандык мушкер Антонина Шевченко Лас-Вегаста өткөн UFC on ESPN 9 беттешинде утулуп калышы боюнча үн катты.

Шевченко бүгүнкү беттеште америкалык Кэтлин Чукагян менен кез келип, калыстардын бирдей чечими менен жеңилип калды. Каршылашы беттештин жүрүшүндө көбүрөөк үстөмдүк кылып, ар кайсы ыкманы колдонуу менен мелдешти батыраак жыйынтыктагысы келди.

"ММА — спорттун оор түрү, бирок бул мен тандаган жол жана эми октагонго мындан да күчтүү болуп кайтам", — деп жазган ал социалдык тармактагы баракчасына.

Бул америкалык спортчунун 14-жеңиши, ал эми Антонина Шевченконун UFC мушташындагы экинчи ийгиликсиз беттешүүсү.

Белгилей кетсек, америкалык спортчу акыркы беттешинде Валентина Шевченкого утулуп калган. Анда кыргызстандык чемпион аны үчүнчү раундда техникалык нокаут менен жеңген.

193
Белгилер:
жеңилүү, беттешүү, Антонина Шевченко, ММА, UFC
Тема боюнча
Антонина Шевченко Лас-Вегастагы UFC турниринде жеңилип калды. Видео
Айланып туруп жаакка тепти! Шевченко катышкан турнирдин укмуштуу ирмемдери
Биринчи вице-премьер-министри Кубатбек Боронов

Боронов: Нарында көзөмөлдү күчөтүү керек, анализ алууга кошумча жабдуу жөнөтүлсүн

0
(жаңыланган 14:12 31.05.2020)
Кубатбек Бороновдун айтымында, COVID-19 дартын жуктуруп алгандар менен байланышта болгон жактардан алынган ПЦР-анализдин жыйынтыгы бир сутка ичинде чыгарылышы зарыл.

БИШКЕК, 31-май — Sputnik. Нарын аймагындагы эпидемиологиялык абалды көзөмөлдөөнү күчөтүү керек. Бул тууралуу биринчи вице-премьер-министр Кубатбек Боронов Республикалык ыкчам штабдын жыйынында билдирди.

"Бул максатта регионго саламаттык сактоо министринин орун басары Мадамин Каратаев жөнөтүлдү. Мындан тышкары, жакынкы күндөрү борбордон регионго тажрыйбалуу вирусолог жана ПЦР-анализ алууга кошумча жабдуу жөнөтүлсүн. Учурда ал аймакта анализдердин жыйынтыгы 3-4 күнгө созулуп кетүүдө, ал эми штабдын талабы боюнча жыйынтык бир суткада чыгарылышы зарыл. Мунун өзү оорунун жаңы учурларын кыскартууга шарт түзөт", — деди Боронов.

Андан соң биринчи вице-премьер-министр Россия Федерациясынын Соль-Илецк шаарынан кайтып келген жарандардан жеринде экинчи ирет ПЦР-анализ алынып, кезектеги штабдын кеңешмесинде ал боюнча так маалымат берүүнү тапшырды.

31-майдагы маалыматка караганда, Нарын облусунда коронавирус жуктургандардын жалпы саны 358ге жетти.

0
Белгилер:
көзөмөл, коронавирус, Нарын облусу, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
COVID-19: вируска каршы турган дагы алты медик оору жуктурду