Борец Айпери Медет Кызы после победы над монголкой Насанбурмаа Орчирбат на соревнованиях по женской борьбе

Айпери Медет кызы Азия биринчилигинде күмүш медаль алды

418
(жаңыланган 20:42 20.02.2020)
Медет кызы курама командага кыздардын ичинен биринчи байгени алып келди. Ал килем бетинде 76 килограмм салмактагылар арасында күч сынашып келет.

БИШКЕК, 20-фев. — Sputnik. Кыргызстандык балбан Айпери Медет кызы Индияда өтүп жаткан чоңдор арасындагы Азия чемпионатынын финалына япониялык Минагава Сузукиге 1:4 эсебинде жеңилип калды. Беттеш UWW сайтында түз эфирден көрсөтүлдү.

Турнир ушул тапта Нью-Дели шаарында болуп жатат. 18-февралда башталган мелдеш 23-февралда жыйынтыкталат. Чемпионаттын программасында грек-рим, кыз-келиндер арасындагы жана эркин күрөш боюнча кармаштар өтөт. Бүгүн турнирдин үчүнчү күнүндө кыз-келиндер күрөшү боюнча медалдын беш топтому ойнотулду.

Айпери Медет кызы килем бетинде 76 килограмм салмактагылар арасында күч сынашты.

Спортчу биринчи кармашында өзбекстандык Мухлиса Нормуминованы 11:0 эсебинде жеңген. Тайпалык баскычтын экинчи турунда өзбекстандык балбан япониялык Хирое Минагаве Сузукиге утулуп калган. Натыйжада Сузуки менен Медет кызы жарым финалга чыккан.

Тайпалык баскычтын үчүнчү турунда кыргызстандык спортчу дүйнөнүн вице-чемпиону Минагава Сузуки менен кармашып, ага 0:3 эсебинде жеңилип калган. Анткен менен экинчи орунду алганы үчүн жарым финалга чыга алган.

Ал эми финалга чыгуу үчүн казакстандык Элмира Сыздыкова менен кез келип, атаандашын 4:1 упай эсебинде жер караткан.

Кечээ грек-рим күрөшү боюнча мелдештер жыйынтыкталып, кыргызстандык спортчулар Азат Салидинов менен Жоламан Шаршенбеков күмүш алса, Руслан Царев, Ильяз Ренат уулу жана Роман Ким коло тагынды.

418
Белгилер:
медаль, Азия чемпионаты, Айпери Медет кызы, Индия, Кыргызстан
Тема боюнча
Улакчы Ниязовдор, балбан Изабековдор... Спортко берилген үй-бүлөлөр. Сүрөт
Кыргызстандын футбол боюнча улуттук курама командасынын чабуулчусу Абай Боколеев. Архив

Абай Боколеевдин атасы көз жумуп, футболчу Япониядан мекенине учуп кетти

16
(жаңыланган 10:47 13.06.2021)
Футболчу улуттук команданын курамында дүйнө чемпионатына тандоо турунун алкагында Япониянын Осака шаарында мелдештерге катышып жүргөн.

БИШКЕК, 13-июн. — Sputnik. Кечээ, 12-июнь күнү, Кыргызстандын футбол боюнча улуттук курама командасынын чабуулчусу Абай Боколеевдин атасы көз жумду. Бул тууралуу Кыргызстан футбол союзунан кабарлашты.

"Мындан улам футболчу биринчи каттам менен мекенине учуп кетти", — деп айтылат билдирүүдө.

Бегилей кетсек, улуттук команда дүйнө чемпионатына тандоо турунун алкагында Япониянын Осака шаарында мелдештерге катышып жүргөн. Буга чейин эки оюн көрсөткөн команданын алдыда дагы бир оюну бар. Кыргызстандык футболчулар 15-июнь күнү Япониянын курама командасы менен беттешет.

16
Белгилер:
Абай Боколеев, өлүм, ата, футбол, Япония, Кыргызстан
Тема боюнча
Ырчы Жамиля Муратованын атасы, музыкант Эдил Муратов көз жумду

Түрк футболчусу автогол киргизип, Европа чемпионатынын тарыхында калды. Видео

562
Футбол боюнча Европа чемпионатынын эң алгачкы голу оюнчу өзүнүн дарбазасына топ киргизип алышы менен башталды. Мындай жагдай чемпионаттын тарыхында биринчи жолу катталды.

12-июнга караган түнү Рим шаарында Евро-2020 старт алып, оюнду Түркия менен Италиянын курама командалары ачып берди.

Беттештин 53-мүнөтүндө Түркиянын коргоочусу Мерих Демирал өз дарбазасына гол киргизип алып, эсеп санын ачып берди. Анын каршылашы тепкен топту башы менен тосом деген аракети оңунан чыкпай калган.

Демирал Европа чемпионатында автогол киргизген алгачкы футболчу катары тарыхта калды.

562
Белгилер:
автогол, Италия, Түркия, Европа чемпионаты, футбол
Тема боюнча
Футбол: Кыргызстан Мьянманын дарбазасына киргизген голдордун видеосу
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

10
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

10
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады