Күрөшүп жаткан балбандар. Архив

Кыргызстан Олимпиаданын лицензиялык турнирин өткөрүүдөн эмне пайда көрөт. Саресеп

1849
(жаңыланган 10:58 26.02.2020)
Бишкекте 27-29-март күндөрү Азия континентиндеги балбандар үчүн Олимпиаданын лицензиялык турнири өтөт. Бул күнү 20дан ашык мамлекеттин спортчулары грек-рим, эркин жана кыз-келиндер арасындагы күрөш боюнча күч сынашат.

План боюнча турнир Кытайдын Сиань шаарында болушу керек эле, бирок Бириккен күрөш дүйнөсү (UWW) коронавирус тарап жаткандыгына байланыштуу Кыргызстанда уюштуруу чечимин кабыл алды.

Мындай лицензиялык турнир өлкөнүн эгемендик тарыхында биринчи жолу болуп жатат. Буга чейин ири мелдештерден 2018-жылы күрөш боюнча Азия чемпионаты өткөн.

Спортчулардын айтымында, кыргыз балбандарынын өз үйүндө күрөшкөнү жолдомо алууга чоң мүмкүнчүлүк түзөт. Ошондой эле Кыргызстан мелдешти ийгиликтүү өткөрүп алса, эл аралык аренадагы аброю жогорулайт.

Sputnik Кыргызстан агенттиги ири турнирди чукул арада өткөрүүгө өлкө даярбы, спортчуларга кандай артыкчылык берилет, Кыргызстан мындан эмне пайда көрө турганын билүүгө кызыкты.

Кыргызстандын тажрыйбасы жетиштүү

Жаштар иши, дене тарбия жана спорт агенттиги бул боюнча өкмөттүк деңгээлде уюштуруу комитети түзүлгөнүн билдирди. Аны вице-премьер Алтынай Өмүрбекова жетектейт.

Вице-премьер-министр Алтынай Омурбекова во время интервью на радиостудии Sputnik Кыргызстан
© Sputnik / Табылды Кадырбеков
Вице-премьер Алтынай Өмүрбекова
"2018-жылкы Азия чемпионатынан алган тажрыйбанын негизинде даярдык көрүп жатабыз. Убакыт аз калганына карабай мелдешти татыктуу деңгээлде өткөрүүгө жетишебиз. Спортчуларды тосуп алуу, жайгаштыруу, тамак-аш менен камсыздоо жана кайра аэропортко чейин узатуу иштери биздин мойнубузда. Талаптагыдай шарттарды түзүп берүүгө мүмкүнчүлүгүбүз бар. Бул турнирди өткөрүү менен өзүбүзгө дагы тажрыйба топтоп алабыз. Ошондой эле Кыргызстандын туристтик потенциалын жогорулатууга, атын дүйнөгө таанытууга шарт түзүлөт", — деди агенттиктин маалымат катчысы Нурпери Садырбекова.

Ал эми коронавирустан коргонуу маселеси Саламаттык сактоо министрлигине жүктөлгөн. Дарыгерлер өлкөгө келген спортчуларды текшерип, көзөмөлдөйт.

Турнирди өткөрүүнү төрт мамлекет талашты

Күрөш федерациясынын вице-президенти Мелис Турганбаев Кыргызстанга Олимпиаданын лицензиялык турнирин өткөрүү сунушу UWW тарабынан бир жума мурда келгенин билдирди.

Экс-министр внутренних дел, вице-президент Федерации спортивной борьбы КР Мелис Турганбаев во время интервью
© Sputnik / Табылды Кадырбеков
Күрөш федерациясынын вице-президенти Мелис Турганбаев

"Көп өлкөлөр коронавируска байланыштуу кытайлык спортчулардын келишинен турнирди өткөрүүдөн кооптонуп жатышкан. Бирок Бириккен күрөш дүйнөсү аларды Бельгияда 40 күндүк карантинге алууну чечти. Ошондон кийин Казакстан, Өзбекстан, Катар, Түштүк Корея өткөрүүгө кызыга баштады. Аларга кошулуп биз дагы даяр экенибизди билдиргенбиз. Сүйлөшүүлөрдүн натыйжасында Кыргызстанга уруксат берилди. Биз буга чейин да Азия федерациясы жана Бириккен күрөш дүйнөсү менен тыгыз иштешип келгенбиз", — деди Турганбаев.

Мелдештер Каба уулу Кожомкул атындагы спорт сарайында өтөт. Турганбаев кыргыз балбандары 8-10 жолдомо алууга максат койгонун белгиледи.

"Мындай мүмкүнчүлүк бардык өлкөлөргө эле бериле бербейт. UWW муну биздин спортчулардын ийгилигине, федерациянын кадыр-баркына ишенип берүүдө. Бул аз да болсо Кыргызстанга кадыр-барк алып келет. Албетте, өз үйүңдө жеңишке жеткенге көбүрөөк шарт түзүлөт. Биз эркин күрөштөн эки-үч, грек-римден төрт, кыз-келиндер күрөшүнөн эки жолдомо алууну пландап жатабыз. Ал эми даярдыктар боюнча каржылык жактан бир аз маселе болууда. Спорт залыбыз, мейманканалар даяр. Азия чемпионатында 1000ден ашуун адам келген, мында 600дөй спортчунун келери күтүлүүдө", — деди Турганбаев.

Мүмкүнчүлүктү коё бербеш керек

Көптөгөн балбандарды, анын ичинде Акжол Махмудов таптаган машыктыруучу Мейрамбек Ахметов балбандар ушул мелдештен Олимпиадага жолдомо алып калбаса, кийинкиси кыйын болорун айтат.

"Бишкектеги турнирге Азия өлкөлөрү эле келет. Биз негизги күчүбүздү ушул мелдешке жумшап, пландагы лицензияларды алып калсак жакшы болот. Болбосо апрелде Болгарияга барууга туура келет. Бирок ал жакта оор болот, анткени балбандар дүйнө жүзүнөн келет да. Ошону менен жолдомолук турнирлер аяктайт. Ал эми Акжол Махмудовду карап көрөбүз, азырынча убакыт бар, буту жакшы болуп калса килемге чыгарабыз", — деди Ахметов.

Ошондой эле ал спорт сарайга эл толо келерин айтып, андыктан сыртка дагы чоң экран коюу керектигин кошумчалады.

Пекин Олимпиадасынын грек-рим күрөшү боюнча күмүш медалынын ээси Канат Бегалиев өз үйүндө күрөшүүнүн артыкчылык жактары көп экенин билдирди.

Серебряный призер Олимпийских игр в Пекине, борец греко-римского стиля Канатбек Бегалиев во время интервью
© Sputnik / Табылды Кадырбеков
Пекин Олимпиадасынын грек-рим күрөшү боюнча күмүш медалынын ээси Канат Бегалиев

"Бөтөн жерге барганда элдин духу таасир этет. Мисалы, Иранда ошол өлкөнүн балбаны менен чыкса элдин сүрөөнү балбанга кичине болсо да психологиялык басым кылышы мүмкүн. Экинчиден, жол жүрүп, бир-эки күн климатына көнүү жагынан маселе болбойт. Бул аябай чоң мүмкүнчүлүк. Ушул жерде максималдуу түрдө көбүрөөк жолдомо алалы деген ниетибиз бар. Болбосо кыйын болуп калат. Мисалы, 60 килограмм чен бирдик боюнча Япония, Иран, Казакстан, Өзбекстан сыяктуу күчтүү өлкөлөр чыкпайт. Себеби алардын жолдомосу бар. Күрөш анча өнүкпөгөн өлкөлөр калды", — деди Бегалиев.

Ошондой эле ал Бишкектеги турнирге Бириккен күрөш уюмунун президенти, Азия федерациясынын президенти келип, кыргызстандыктардын күрөшкө канчалык кызыгарына күбө болорун кошумчалады. Бул кийинки мелдештерге жакшы таасирин тийгизет.

Белгилей кетсек, учурда грек-рим күрөшүнөн Атабек Азисбеков менен Айсулуу Тыныбекова лицензия алган. Жайкы Олимпиада оюндары ушул жылы Япониянын Токио шаарында өтөт.

1849
Белгилер:
күрөш, спорт, Олимпиадалык оюндар, турнир, олимпиада, Бишкек
Тема:
2020-жылы Токиодо өтө турган Олимпиада оюндары (41)
Тема боюнча
Айпери Медет кызы Азия биринчилигинде күмүш медаль алды
Намыска жараган Айсулуу, топ жарган Улукбек. Быйылкы чемпиондордун тизмеси
Акча сунуп жаткан адам. Архив

Спорт агенттиги коррупцияга каршы челлендж өткөрөт

52
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

52
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2863
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2863
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

0
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

0
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео