Боец UFC Тони Фергюсон позирует во время взвешивания для боя смешанных единоборств UFC 229 в Лас-Вегасе. 5 октября 2018 года

Кыл чайнашып… Нурмагомедов менен Фергюсондун маалымат жыйыны качан болору айтылды

126
(жаңыланган 11:33 27.02.2020)
Эки спортчу 19-апрелде Нью-Йорктогу UFC 249 турниринин алкагында чемпиондук наам үчүн беттешет. Бул жолу россиялык мушкер чемпиондук курун коргоп калуу үчүн жан үрөйт.

БИШКЕК, 27-фев. — Sputnik. Россиялык Хабиб Нурмагомедов менен америкалык Тони Фергюсондун беттешке чейинки маалымат жыйыны 6-мартта өтөт. Бул туурасында Абсолюттук мушкерлер уюмунун (UFC) Twitter баракчасында жазылды.

Иш-чара Лас-Вегастагы T-Mobile Arena спорттук аянтчасында өтөт. Анда мушкерлер күйөрмандар менен журналисттердин суроолоруна жооп берет.

Эки спортчу 19-апрелде Нью-Йорктогу UFC 249 турниринин алкагында чемпиондук наам үчүн беттешет. Бул жолу россиялык мушкер курун коргоп калуу үчүн жан үрөйт.

Белгилей кетсек, Нурмагомедов менен Фергюсон буга чейин төрт ирет беттешүүнү пландап, бирок ал ишке ашпай калган.

Тагыраагы, Хабиб 2014-жылы тизесинен жаракат алып Тони менен октагонго чыкпай калат. 2016-жылы эки мушкердин мелдеши кайрадан уюштурулуп, бирок бул ирет америкалык мушкер жаракат алганына байланыштуу өтпөй калган. 2017-жылы 4-мартта Лас-Вегаста россиялык мушкер UFC уюмунун утурумдук чемпиону болуп турган Тони Фергюсон менен кайрадан беттешери айтылат. Бирок кармаш алдында Хабибдин абалы начарлап турнирге катышпай калат. 2018-жылы апрелде россиялык мушкер кайрадан Тони Фергюсон менен чемпиондук наам үчүн беттешери жар салынат. Бирок америкалык спортчу бутунан жаракат алганын айтып, кечирим сураган. Хабиб анын ордуна Эл Яквинта аттуу мушкер менен октагондон күч сынашып, калыстардын чечими менен утуп, алгачкы ирет UFC уюмунун чемпиондук курун тагынат.

Андан кийин россиялык мушкер ирландиялык Конор Макгрегор менен америкалык Дастин Порьени утуп, наамын эки ирет коргогон.

Ал эми Тони Фергюсон Хабибдин дивизионундагы "эң кооптуу" мушкерлердин бири. Ал 2013-жылдан бери жеңилүү ызасын тарта элек. Аралаш мушташ боюнча жалпысынан 25 беттешти утуп, үч ирет утулган.

126
Белгилер:
маалымат жыйын, беттешүү, Тони Фергюсон, Хабиб Нурмагомедов, UFC
Тема боюнча
Хабиб Нурмагомедов аралаш мушташ боюнча дүйнөнүн мыкты мушкери аталды
Аравиянын шейхтери Хабибге 180 млн. евро берүүгө даяр турат

Шевченко менен Чукагян көз караштар таймашына бет капчан чыкты. Видео

112
(жаңыланган 20:32 30.05.2020)
31-майга караган түнү Антонина Шевченко менен Кэтлин Чукагян беттешет. Спортчулар бүгүн көз караштар таймашын өткөрүштү.

Кыргызстандык мушкер кыздын беттеши Бишкек убактысы боюнча саат 6.30 менен 7.30дун ортосунда болот. Алардан кийин кеченин башкы беттеши өтүп, Тайрон Вудли менен Гилберт Бернс кармашат.

Мелдеште бир эле мушкердин эже-сиңди Шевченколор менен удаа беттешип жатканы тарыхта боло элек болчу. UFC уюмунун бул турниринин өзгөчөлүгү да ушунда. Эскерте кетсек, ушул жылдын февраль айында өткөн акыркы таймашында Чукагян Валентина Шевченкого техникалык нокаут менен утулуп калган.

112
Белгилер:
Антонина Шевченко, беттешүү, UFC, бет кап, таймаш
Тема боюнча
Баштадым! Валентина Шевченконун маңдайы жарыла сүйүнгөн сүрөтү
Мени "тыңчы" атагандардын оюн билем. Лас-Вегастагы Валентина Шевченко менен маек
Балдар футбол боюнча тренировкада. Архив

Балаңыз спортко шыктуубу? Мамагенттик сынак жарыялап, шартын түшүндүрдү

157
Балдардын спорттук өнөрүн тартуулаган видеолор 7-июнга чейин кабыл алынып, эртеси тандалгандар добушка коюлат. Ага жети жаштан он төрт жашка чейинкилер катышат.

БИШКЕК, 30-май — Sputnik. Жаштар иши, дене тарбия жана спорт агенттиги Балдарды коргоо күнүнө карата "Чымыр денелүү балдар" сынагын жарыялады. Бул тууралуу аталган мекеменин маалымат кызматы билдирди.

Cынакка 7 жаштан 14 жашка чейинки өлкө аймагында жашап жаткан балдар катыша алат.

Конкурска катышуу үчүн баланын спорттук өнөрлөрүн чагылдырган 5 мүнөткө чейинки видеону тартуу керек. Андан кийин роликти жана туулгандыгы тууралуу күбөлүктүн сүрөтүн Telegram 0777 12-85-00 номерине жөнөтүү зарыл.

Видео 7-июнга чейин кабыл алынып, 8-июнда тандалган видеолор Мамагенттиктин @sport.gov.kg Instagram баракчасына жүктөлөт. Ал жактан эл жаккан видеого лайк басып, катышуучуга добуш бере алат.

15-июнда добуштар (лайктар) саналып, анын негизинде өлкөнүн эң чымыр денелүү балдары төмөнкү номинацияда аныкталат:

  • кыздар жана балдар арасында;
  • ден соолугунан мүмкүнчүлүгү чектелген кыздар жана балдар арасында.

Жеңүүчүлөргө баалуу белектер тапшырылат. Кошумча маалымат алуу үчүн 0312 32-53-02, 0312 62-52-15 номерлерине чалып, же aijanyl112@mail.ru электрондук дареги аркылуу кайрылууга болот.

157
Белгилер:
видео, сынак, балдар, спорт
Тема боюнча
Жайкы каникулда балдар айылга кантип барса болот? Министрликтин түшүндүрмөсү
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди