UFC мушкери. Архивдик сүрөт

Мээлеп барып тумшукка бир урду. UFC мушкеринин нокауту видеодо

294
(жаңыланган 12:03 01.03.2020)
Аралаш мушташ боюнча турнир 29-февралга караган түнү Англиянын Норфолк графтыгында өткөн. Мушкерлер октагон ичинде 57 килограмм салмакта беттешкен.

БИШКЕК, 1-мар. — Sputnik. Бразилиялык мушкер Дейвисон Фигейреду мекендеши Жозеф Бенавидести UFC Fight Night 169 турниринин алкагында нокаутка кетирип утуп алды.

​Беттеш 29-февралга караган түнү Англиянын Норфолк графтыгында өткөн. Мушкерлер октагон ичинде 57 килограмм салмакта беттешкен.

​Кызыгы, кармаштын экинчи раундунда Фигейреду Бенавидести оң колу менен мээлеп барып тушмукка урганын көрүүгө болот. Андан соң кулап түшкөн атаандашына бир нече ирет сокку узатканда рефери кармашты токтотууга аргасыз болгон.

Муну менен бразилиялык мушкер 18-жеңишин камсыздады. Аралаш мушташта бир гана ирет жеңилүү ызасын тарткан.

Ал эми атаандашы Жозеф Бенавидес ММА боюнча 28 беттеште жеңүүчү аталып, 6 ирет утулууга дуушар болгон.

294
Белгилер:
видео, нокаут, турнир, мушкер, UFC
Тема боюнча
Байкатпай урганда... Бокстагы эң мыкты нокауттун видеосу
Шевченко токмоктогон Кечоейра ыкчам нокауту менен рекорд койду. Видео
Мушкер беттешүү учурунда. Архив

Кыргызстандын WEF уюму бир жылдык тынымдан кийинки алгачкы турнирин өткөрөт

32
(жаңыланган 09:24 30.11.2020)
Спорттук компаниянын президентинин айтымында, лиганын соңку турнири былтыр декабрь айында өтүп, кийинки кармаштарды коронавирус кырдаалына байланыштуу уюштура албай калышкан.

БИШКЕК, 30-ноя. — Sputnik. Кыргызстандын Кулатуу эр таймаш уюму (WEF) пандемиядан кийинки алгачкы беттешин өткөрөт. Бул тууралуу уюштуруучулар билдирди.

Уюмдун президентинин айтымында, лиганын соңку турнири былтыр декабрь айында өткөн. Андан кийин коронавирус кырдаалына байланыштуу беттештерди уюштурууну токтотушкан.

Спорттук компаниянын бир жылдык тынымдан кийинки турнири WEF ProfFight 40 деп аталып, 12-декабрда борбор калаадагы "Газпром" ден соолукту чыңдоо борборунда өтөт.

Кеченин башкы беттешинде чемпиондук кур үчүн 70 килограмм салмакта Нургазы Балтабаев менен Чыңгыз Дүйшөбай уулу кармашат.

Посмотреть эту публикацию в Instagram

Публикация от WEF GLOBAL (@wef_global)

Пандемияга байланыштуу көрүүчүлөрдүн кирер-кирбеси такталып жатат. Кармаштарды түз эфирден "КТРК Спорт" жана WEF Global "Ютуб" каналынан көрүүгө болот.

Белгилей кетсек, WEF уюмунун турнирлери мушкерлердин спорттук жетишкендиктерине жараша төрт лигада өтөт: Amateur — каалаган мушкер катыша алат, башкача айтканда, эрежесиз урушка кадам таштайт, Selection — спортчулар деңгээлине жараша тандалып, жеңип чыккандар WEFтин кийинки ProfFight баскычында ат салыша алат. ProfFight — кесипкөй мушкерлер күч сынашат. WEF Global — эң кесипкөй спортчулардын кыл чайнашы.

32
Белгилер:
аралаш мушташ, турнир, WEF, Бишкек
Тема боюнча
Кимдер мыкты болду? Бишкекте бокс боюнча КРдин чемпионаты аяктады. Сүрөт

Бөрү карыса да бир койлук алы бар! Тайсон менен Жонстун беттешинин толук видеосу

527
Бүгүн бокс дүйнөсүндө чоң майрам болду. Спорттун дөө-шаалары Майк Тайсон менен Рой Жонс рингде көптөн күттүргөн кармашты тартуулады.

Атактуу спортчулардын беттешинин толук видеосу YouTube-каналга жарыяланды.

Кармашуу АКШнын Калифорния шаарында өттү. Ал сегиз раундга ылайыкташып, ар бир бөлүк эки мүнөткө белгиленген.

Беттеш мөөнөтүнөн мурда аяктабай, спортчулар аягына чейин кармашышты. Натыйжада калыстар алар тең чыкты деген тыянакка келишкен.

Кармаш күйөрмандар болжолдогондой эле болду. Тайсон дистанцияны жакындатып, Жонско ыңгайсыздык жаратканга аракет кылды. Атаандашы өз кезегинде күүлүү-күчтүү экенин тастыктап турду. Нокаут болгон жок.

Эки боксчу тең жыйынтыкка макул болбой, жеңгенин бир ооздон айтып, рингдеги артыкчылыктарын санашты.

Тайсон да, Жонс да рингге карьерасын жыйынтыктагандан кийин кайтып жатканын белгилей кетели. Майк Тайсон 2005-жылдан бери, ал эми Рой Жонс 2018-жылдан бери беттешке чыга элек болчу.

527
Белгилер:
видео, беттешүү, бокс, Рой Жонс, Майк Тайсон, АКШ
Тема боюнча
Майк Тайсон менен Рой Жонстун кыл чайнашы. Тексттик трансляция
Тайсон Жонсту тез утпаса иш чатак болот. КР боксчуларынын беттешке божомолу
Мамлекеттик кызматкер иш учурунда. Архив

"Унаа" мекемесине караштуу бир бөлүмдүн иш графиги өзгөрөт

0
(жаңыланган 10:01 30.11.2020)
Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

БИШКЕК, 30-ноя. — Sputnik. "Унаа" мамлекеттик мекемесинин "Риом" унаа базарында жайгашкан бөлүмүндө 1-декабрдан тарта жаңы иштөө графиги түзүлөт. Бул тууралуу Мамлекеттик каттоо кызматы кабарлады.

Ага ылайык, аталган бөлүм декабрдын башынан тарта дүйшөмбү, шейшемби, шаршемби, ишемби, жекшемби күндөрү иштейт. Ал эми бейшемби жана жума күндөрү дем алыш болуп эсептелип, бөлүм жабык болот.

"Жумуш убактысы ошол бойдон калат. Тагыраагы, саат 8:30дан 17:30га чейин иштейт. Ал эми 12:00дөн 13:00гө чейин тыныгуу", — деп айтылат маалыматта.

Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

0
Белгилер:
өзгөрүү, тартип, график, унаа, каттоо кызматы
Тема боюнча
Мамкаттоо 604 миң сомго автоунаанын бир номерин жана эки "ХАН" сатты