Машыгуу залы. Архивдик сүрөт

Кыргызстандын спортчулары Олимпиадага обочо жерде даярданат. Сунушталган аймак

170
(жаңыланган 19:10 23.03.2020)
Негизи спортчулар Бишкекте деле машыга алышат, бирок коопсуздук жагынан алып караганда башка аймактар мыкты вариант болууда.

БИШКЕК, 23-мар — Sputnik. Кыргызстандык спортчуларды Токио Олимпиадасына даярдоо учурунда аларды элден обочо жайгашкан Ысык-Көлдөгү базаларда кармоо пландалууда. Бул тууралуу Жаштар иши, дене тарбия жана спорт агенттигинин маалымат кызматынан билдиришти.

Агенттиктин башчысы Канат Аманкулов спорттун түрлөрү боюнча федерация жетекчилери менен Улуттук олимпиада комитетинин мүчөлөрү менен жолуккан.

Жыйында коронавирус кырдаалында спортчуларды Олимпиадага даярдоо жолдору талкууланган.

Аманкулов белгилегендей, спортчулар Бишкекте деле машыга алышат, бирок коопсуздукту эске алганда Ысык-Көлдүн базалары мыкты вариант болуп саналат.

"Даярдык план боюнча кетиши керек. Бул айрымдар үчүн соңку Олимпиада, кээ бирлер үчүн биринчи. Республикалык штабга спортчуларды мелдешке обочо жерде даярдоону сунуштайбыз. Учурда бир нече спорттук база командаларга изоляциялык даярдыкка шарт түзүп берүүгө даяр. Бул бүгүнкү күндө оптималдуу вариант", — деген ал.

Улуттук олимпиада комитетинин башкы катчысы Саламат Эргешов 22-мартта Эл аралык олимпиада комитетинин аткаруучу комитетинин кезексиз жыйыны болгонун билдирген. Анда уюштуруучу тарап төрт жуманын ичинде бул маселени чечүүгө план койгон. Ал ошондой эле Эл аралык олимпиада комитетинин сурамы менен кыргызстандык спортчулардын даярдыгы тууралуу маалымат берип турарын кошумчалаган.

Кыргызстандагы коронавирус жана өзгөчө кырдаал

Кыргызстанда коронавирус жуктуруп алгандардын саны 14кө жетти. Анын ичинен сегизи Жалал-Абад облусуна караштуу Сузак районунун тургундары. Үчөө Ош облусуна караштуу Ноокат районунан, экөө Бишкектен, бирөө Баткен облусунан. Эки адамдын абалы оорураак деп бааланып жаткан. Алардын бири, Жалал-Абад облустук ооруканасынын жугуштуу оорулар бөлүмүндө жаткан 71 жаштагы эркек киши жандандыруу бөлүмүнө которулду.

Өкмөт 22-марттан баштап Кыргызстандын аймагына өзгөчө кырдаал жарыялады. Мындан улам өлкөдө эл турмушуна өтө зарыл мекеме, кызматтардан тышкаркылар абал жакшырганга чейин ишин токтотушту.

Өлкө аймагында ушу тапта абал кандай экенин билүү үчүн Sputnik Кыргызстан жүргүзгөн тексттик трансляцияга көз салыңыз

170
Белгилер:
спортчу, даярдык, олимпиада, Токио, Кыргызстан, кыргызстандыктар
Тема:
Кыргызстандагы коронавирус жуктуруп алгандар (1459)
Тема боюнча
Япониянын өкмөт башчысы Олимпиада жылдырылышы мүмкүндүгүн айтты
Кыргызстандык спортчулар коронавирус катталган өлкөлөргө жөнөтүлбөйт
Акча сунуп жаткан адам. Архив

Спорт агенттиги коррупцияга каршы челлендж өткөрөт

20
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

20
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2378
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2378
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

18
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

18
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады