Жеңил салмак категориясы боюнча учурдагы UFC чемпиону Генри Сехудо. Архив

Шевченкого чакырык таштаган мушкер Сехудо Гиннестин рекорддор китебине кирди

326
33 жаштагы мушкер эркин күрөш боюнча Пекин Олимпиадасынын алтын медалынын ээси жана UFC уюмунун чемпиону.

БИШКЕК, 25-мар. — Sputnik. Жеңил салмак категориясы боюнча учурдагы UFC чемпиону Генри Сехудо жыл сайын белгилүү адамдарды жарыялаган Гиннестин рекорддор китебине кирди. Мындай кабары менен ал Instagram баракчасы аркылуу бөлүштү.

Посмотреть эту публикацию в Instagram

Публикация от Henry Cejudo (@henry_cejudo)

Сехудо беделдүү аралаш мушташ спортунун курун тагынууга жетишкен алгачкы олимпиада чемпиону болгону үчүн рекорд жаратты деп табылган.

"Бул Гиннестин рекорддор китеби-2020. Мен сиздерге үч жолку чемпион сезону болот деп айткан элем, мына өзүңүздөр көрдүңүздөр. Олимпиаданын биринчи чемпиону жана UFC титулунун ээси. Дагы бирөөнү унутуп калышыптыр, бул менин экинчи курум. Кандай болсо да бул рекордго сыймыктанып турам. Мага дем берди", — деп айткан спортчу.

33 жаштагы Генри Сехудо эркин күрөш боюнча Пекин Олимпиадасынын алтын медалынын ээси, жеңил салмак категориясы боюнча UFC чемпиону.

Буга чейин ал кыргызстандык жеңил салмактагы UFC чемпиону Валентина Шевченкого чакырып таштап, тарыхта гендер аралык дүйнө чемпиону болуу ниетин билдирген. Ага жооп берген Шевченко беттешке чыгууга каршы эместигин айтып, бирок сүттү ысык ууртабай этият болушу керектигин эскерткен.

Кийинчерээк уюмдун президенти Дана Уайт Сехудонун идеясын "аңкоолук" деп атаган.

326
Белгилер:
рекорд, Валентина Шевченко, мушкер, чемпион, Генри Сехудо
Тема боюнча
UFC уюмунун эркек мушкери Валентина Шевченкого кайрадан чакырык таштады. Видео
Япониялык теннисчи Осака Наоми. Архив

22 жаштагы япониялык теннисчи кыз дүйнөдөгү эң бай спортчу аталды

326
(жаңыланган 22:52 24.05.2020)
Осака легендага айланган 38 жаштагы америкалык Серена Уильямстын кирешесинен 1,15 миллион долларга көп каражат тапкан.

БИШКЕК, 24-май — Sputnik. Япониялык теннисчи Наоми Осака аялдардын арасынан дүйнөдөгү эң бай спортчу аталды. Бул тууралуу ВВС жазды.

Маалыматка ылайык, Осака тапкан кирешеси боюнча америкалык Серена Уильямс менен россиялык Мария Шараповадан озуп кеткен.

22 жаштагы Осака "Чоң Шлем" сериясы боюнча турнирлердин эки жолку жеңүүчүсү. Forbes журналынын эсептөөсү боюнча, ал акыркы 12 айда 37,4 миллион доллар тапкан. Буга жеңиштен жана жарнама келишимдеринен түшкөн каражат дагы кирет.

Бул сумма теннис легендасына айланган 38 жаштагы америалык Серена Уильямстын кирешесинен 1,15 миллион долларга көп.

Forbes журналы 30 жылдан бери эң көп акча тапкан спортчу аялдардын тизмесин түзүп келет. Ошол аралыктан бери бул тизменин сап башынан теннисчи кыздар түшө электиги айтылды.

2020-жылдагы эң бай спортчулардын толук тизмеси журналга кийинки жумада жарыялана турганы маалым болду. 2016-жылдан бери жүздөгөн бай спортчулардын арасына эки аял кошулган.

326
Белгилер:
спортчу, тизме, байлык, теннис, Forbes журналы
Тема боюнча
Чиновниктер байлыгын ачыктаса, эски ишин кечирүү мыйзамы сунушталды. Чоо-жайы
Кыргызстандык мушкер Антонина Шевченко. Архив

Кэтлин Чукагян менен эми Антонина Шевченко беттешмей болду

143
(жаңыланган 16:17 24.05.2020)
Чукагян буга чейин, тагыраагы, ушул жылдын февраль айында Хьюстондо өткөн UFC 247 мелдешинде азыркы атаандашынын сиңдиси Валентина Шевченкого утулуп калган.

БИШКЕК, 24-май — Sputnik. UFC уюму жеңил салмакта чемпион болууга мурда ат салышкан Кэтлин Чукагян менен кыргызстандык Антонина Шевченконун беттеши тууралуу расмий билдирүү жасап, UFC on ESPN 9 мелдешинде күч сынаша тургандардын толук тизмесин берди.

Эске салсак, Чукагян буга чейин, тагыраагы, ушул жылдын февраль айында Хьюстондо өткөн UFC 247 мелдешинде азыркы атаандашынын сиңдиси Валентина Шевченкого утулуп калган.

Чукагян UFC тарыхында катары менен эже-сиңди Шевченколорго таймашка чыккан биринчи спортчу.

Маалыматка карганда, күтүлүп жаткан мелдештин негизги мушташтары Тайрон Вудли менен Гилберт Бернс жана Благим Иванов менен Аугусто Сакаинин ортосунда болот.

Мелдеш 30-майда Лас-Вегас шаарында өтмөкчү.

143
Белгилер:
мелдеш, UFC, Антонина Шевченко
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды