UFC чемпиону Валентина Шевченко. Архивдик сүрөт

Августта кайтам! Валентина Шевченконун бутуна операция жасалды

209
(жаңыланган 15:06 03.04.2020)
Жакында эле кыргызстандык мушкер промоутерлик компаниянын жетекчилигинен 6-июнда боло турчу мелдешинин мөөнөтүн жылдыруусун өтүнгөнү белгилүү болгон.

БИШКЕК, 3-апр. — Sputnik. Кыргызстандык мушкер, UFC уюмунун эң жеңил салмактагы чемпиону Валентина Шевченконун бутуна операция жасалды. Буга байланыштуу анын шотландиялык Жоан Калдервудга каршы беттеши болбой калганын ESPN телеканалы жазды. 

Шевченко менен Калдервуд 6-июнда Австралиядагы UFC 251 турниринин алкагында беттешиши керек болчу. 1-апрелде кыргызстандык мушкер промоутерлик компаниянын жетекчилигинен мелдештин мөөнөтүн жылдыруусун өтүнгөнү белгилүү болгон

Шевченко жаракатты соңку беттешинде алган. Тагыраагы, ал 8-февралда Хьюстондогу UFC 247 турниринде Кэтлин Чукагян менен беттешип, утуп алган. Таймаштан кийин АКШнын атлетикалык комиссиясы кыргызстандык спортчуга жарым жылга октагонго чыгуусуна тыюу салган. Анда эмне себептен спорттон четтетилгени айтылган эмес.

"Жаракатым айыгып кетерине ишенгем. Акыры дарыгерлер бутума операция жасатышым керектигин айтышты. Ансыз ден соолугумду калыбыма келтирүүгө көп убакыт кетет экен", — деген Шевченко телеканалга берген маегинде.

Спортчу өзүн жакшы сезип жатканын, керектүү терапиянын баарын алып жатканын кошумчалаган.

"Мен августта кайтып келгенге болгон күчүмдү жумшайм", — деген чемпион кыз.

Шевченко Калдервуд менен беттешип, чемпиондук наамын төртүнчү ирет коргомок.

209
Белгилер:
операция, жаракат, беттешүү, Валентина Шевченко, Кыргызстан
Тема боюнча
Шевченко жаракат алып, июнда болчу беттешинин мөөнөтү жылды
Шевченкого чакырык таштаган мушкер Сехудо Гиннестин рекорддор китебине кирди

Шевченко менен Чукагян көз караштар таймашына бет капчан чыкты. Видео

114
(жаңыланган 20:32 30.05.2020)
31-майга караган түнү Антонина Шевченко менен Кэтлин Чукагян беттешет. Спортчулар бүгүн көз караштар таймашын өткөрүштү.

Кыргызстандык мушкер кыздын беттеши Бишкек убактысы боюнча саат 6.30 менен 7.30дун ортосунда болот. Алардан кийин кеченин башкы беттеши өтүп, Тайрон Вудли менен Гилберт Бернс кармашат.

Мелдеште бир эле мушкердин эже-сиңди Шевченколор менен удаа беттешип жатканы тарыхта боло элек болчу. UFC уюмунун бул турниринин өзгөчөлүгү да ушунда. Эскерте кетсек, ушул жылдын февраль айында өткөн акыркы таймашында Чукагян Валентина Шевченкого техникалык нокаут менен утулуп калган.

114
Белгилер:
Антонина Шевченко, беттешүү, UFC, бет кап, таймаш
Тема боюнча
Баштадым! Валентина Шевченконун маңдайы жарыла сүйүнгөн сүрөтү
Мени "тыңчы" атагандардын оюн билем. Лас-Вегастагы Валентина Шевченко менен маек
Балдар футбол боюнча тренировкада. Архив

Балаңыз спортко шыктуубу? Мамагенттик сынак жарыялап, шартын түшүндүрдү

158
Балдардын спорттук өнөрүн тартуулаган видеолор 7-июнга чейин кабыл алынып, эртеси тандалгандар добушка коюлат. Ага жети жаштан он төрт жашка чейинкилер катышат.

БИШКЕК, 30-май — Sputnik. Жаштар иши, дене тарбия жана спорт агенттиги Балдарды коргоо күнүнө карата "Чымыр денелүү балдар" сынагын жарыялады. Бул тууралуу аталган мекеменин маалымат кызматы билдирди.

Cынакка 7 жаштан 14 жашка чейинки өлкө аймагында жашап жаткан балдар катыша алат.

Конкурска катышуу үчүн баланын спорттук өнөрлөрүн чагылдырган 5 мүнөткө чейинки видеону тартуу керек. Андан кийин роликти жана туулгандыгы тууралуу күбөлүктүн сүрөтүн Telegram 0777 12-85-00 номерине жөнөтүү зарыл.

Видео 7-июнга чейин кабыл алынып, 8-июнда тандалган видеолор Мамагенттиктин @sport.gov.kg Instagram баракчасына жүктөлөт. Ал жактан эл жаккан видеого лайк басып, катышуучуга добуш бере алат.

15-июнда добуштар (лайктар) саналып, анын негизинде өлкөнүн эң чымыр денелүү балдары төмөнкү номинацияда аныкталат:

  • кыздар жана балдар арасында;
  • ден соолугунан мүмкүнчүлүгү чектелген кыздар жана балдар арасында.

Жеңүүчүлөргө баалуу белектер тапшырылат. Кошумча маалымат алуу үчүн 0312 32-53-02, 0312 62-52-15 номерлерине чалып, же aijanyl112@mail.ru электрондук дареги аркылуу кайрылууга болот.

158
Белгилер:
видео, сынак, балдар, спорт
Тема боюнча
Жайкы каникулда балдар айылга кантип барса болот? Министрликтин түшүндүрмөсү
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди