Россиядан чыккан UFC уюмунун жеңил салмак боюнча чемпиону Хабиб Нурмагомедов. Архив

Хабиб Нурмагомедов жалпы карьерасында канча акча тапканы айтылды

595
(жаңыланган 13:37 05.04.2020)
Россиялык мушкер соңку кармашында америкалык Дастин Порьени уткандан кийин эң көп делген 6 миллион доллар гонорар алган.

БИШКЕК, 5-апр — Sputnik. Россиядан чыккан UFC уюмунун жеңил салмак боюнча чемпиону Хабиб Нурмагомедовдун атасы жана машыктыруучусу Абдулманап Нурмагомедов баласы жалпы карьерасында канча каражат тапканын айтып берген. Ал ишкер Игорь Рыбаковдун YouTube-каналына маек берген.

"Анын байлыгы 100 миллион долларга чукулдайт. Дүйнөдө мындан дагы бай адамдар көп", — деген Нурмагомедовдордун улуусу.

Белгилей кетсек, 2019-жылы июль айында Forbes журналы Хабибди Россиядагы белгилүү жаш адамдардын (40 жашка чейин) рейтингинин сап башына чыгарган. Басылманын маалыматы боюнча, мушкердин бир жылдык кирешеси 11,5 миллион доллар.

Хабиб Нурмагомедов аралаш мушташ боюнча 28 беттеш өткөрүп, бир дагы жолу утулган эмес. Анын 12 кармашын UFC уюмунда өткөргөн. Соңку таймашында америкалык Дастин Порьени жеңип, промоутерлик компаниянын тарыхында эң көп делген 6 миллион доллар гонорар алган.

595
Белгилер:
байлык, каражат, мушкер, Абдулманап Нурмагомедов, Хабиб Нурмагомедов, UFC
Тема боюнча
Хабиб Нурмагомедов аралаш мушташ боюнча дүйнөнүн мыкты мушкери аталды
Коронавирустан улам Нурмагомедов менен Фергюсондун беттеши жылды
Япониялык теннисчи Осака Наоми. Архив

22 жаштагы япониялык теннисчи кыз дүйнөдөгү эң бай спортчу аталды

328
(жаңыланган 22:52 24.05.2020)
Осака легендага айланган 38 жаштагы америкалык Серена Уильямстын кирешесинен 1,15 миллион долларга көп каражат тапкан.

БИШКЕК, 24-май — Sputnik. Япониялык теннисчи Наоми Осака аялдардын арасынан дүйнөдөгү эң бай спортчу аталды. Бул тууралуу ВВС жазды.

Маалыматка ылайык, Осака тапкан кирешеси боюнча америкалык Серена Уильямс менен россиялык Мария Шараповадан озуп кеткен.

22 жаштагы Осака "Чоң Шлем" сериясы боюнча турнирлердин эки жолку жеңүүчүсү. Forbes журналынын эсептөөсү боюнча, ал акыркы 12 айда 37,4 миллион доллар тапкан. Буга жеңиштен жана жарнама келишимдеринен түшкөн каражат дагы кирет.

Бул сумма теннис легендасына айланган 38 жаштагы америалык Серена Уильямстын кирешесинен 1,15 миллион долларга көп.

Forbes журналы 30 жылдан бери эң көп акча тапкан спортчу аялдардын тизмесин түзүп келет. Ошол аралыктан бери бул тизменин сап башынан теннисчи кыздар түшө электиги айтылды.

2020-жылдагы эң бай спортчулардын толук тизмеси журналга кийинки жумада жарыялана турганы маалым болду. 2016-жылдан бери жүздөгөн бай спортчулардын арасына эки аял кошулган.

328
Белгилер:
спортчу, тизме, байлык, теннис, Forbes журналы
Тема боюнча
Чиновниктер байлыгын ачыктаса, эски ишин кечирүү мыйзамы сунушталды. Чоо-жайы
Кыргызстандык мушкер Антонина Шевченко. Архив

Кэтлин Чукагян менен эми Антонина Шевченко беттешмей болду

145
(жаңыланган 16:17 24.05.2020)
Чукагян буга чейин, тагыраагы, ушул жылдын февраль айында Хьюстондо өткөн UFC 247 мелдешинде азыркы атаандашынын сиңдиси Валентина Шевченкого утулуп калган.

БИШКЕК, 24-май — Sputnik. UFC уюму жеңил салмакта чемпион болууга мурда ат салышкан Кэтлин Чукагян менен кыргызстандык Антонина Шевченконун беттеши тууралуу расмий билдирүү жасап, UFC on ESPN 9 мелдешинде күч сынаша тургандардын толук тизмесин берди.

Эске салсак, Чукагян буга чейин, тагыраагы, ушул жылдын февраль айында Хьюстондо өткөн UFC 247 мелдешинде азыркы атаандашынын сиңдиси Валентина Шевченкого утулуп калган.

Чукагян UFC тарыхында катары менен эже-сиңди Шевченколорго таймашка чыккан биринчи спортчу.

Маалыматка карганда, күтүлүп жаткан мелдештин негизги мушташтары Тайрон Вудли менен Гилберт Бернс жана Благим Иванов менен Аугусто Сакаинин ортосунда болот.

Мелдеш 30-майда Лас-Вегас шаарында өтмөкчү.

145
Белгилер:
мелдеш, UFC, Антонина Шевченко
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Россия президентинин маалымат катчысы Дмитрий Песков. Архивдик сүрөт

Путиндин маалымат катчысы коронавирустан айыгып, үйүнө чыкты

0
(жаңыланган 23:18 25.05.2020)
Дмитрий Песков өзү журналисттерге ооруканадан чыкканын жана азырынча үйдө иштей турганын тастыктады.

БИШКЕК, 25-май — Sputnik. Россия президентинин маалымат катчысы Дмитрий Песков коронавирустан сакайып, ооруканадан чыкты. Бул тууралуу РИА Новости жазды. 

Эске салсак, ал 12-май күнү коронавирус жуктуруп алганын билдирген. Ошондой эле анын жубайы, муз бийчиси Татьяна Навкадан дагы вирус аныкталган.

Песков өзү журналисттерге ооруканадан чыкканын жана азырынча үйдө иштей турганын билдирди.

0
Белгилер:
оорукана, коронавирус, Дмитрий Песков, Россия
Тема:
Кытайдагы жаңы типтеги коронавирус
Тема боюнча
Песковдун жубайы Навкадан да COVID-19 табылып, абалы кандай экени айтылды