UFC чемпиону Хабиб Нурмагомедов. Архивдик сүрөт

UFC башчысы Хабиб Нурмагомедовдун октагонго кайтар убактысын айтты

292
(жаңыланган 20:46 25.04.2020)
UFC президенти беттештин айын айтканы менен, кайсы жерде болорун тактаган эмес. Ал эми россиялыктын атаандашы 9-майдагы турнирдин башкы кармашынын жеңүүчүсү болору анык.

БИШКЕК, 25-апр. — Sputnik. Абсолюттук мушкерлер уюмунун (UFC) президенти Дана Уайт россиялык чемпион Хабиб Нурмагомедов сегиз бурчтукка сентябрь-октябрь айларында кайтат деп күтүп жатканын билдирди. Бул туурасында TSN каналынын журналисти Аарон Бронстетер Twitter баракчасында жазганын РИА Новости кабарлады.

Маалыматка ылайык, Уайт беттеш кайсы жерде болорун тактаган эмес. Ал эми россиялык мушкердин атаандашы 9-майдагы турнирдин башкы кармашынын жеңүүчүсү болот. Кеп америкалык мушкерлер Тони Фергюсон менен Жастин Гэтжи тууралуу болуп жатат. Эки мушкер 9-майда Жексонвиллдеги (Флорида штаты) UFC 249 турниринин алкагында утурумдук кур үчүн беттешет.

Эске сала кетсек, Нурмагомедов менен Фергюсон 18-апрелде Нью-Йоркто кыл чайнашып, россиялык спортчу чемпиондук наамын коргомок. Бирок коронавируска байланыштуу шаардын бийлиги массалык иш-чараларды токтоткон. Ошондон улам промоутерлик компания беттеш өткөрүүгө башка жерди издеп баштаган. Бирок 1-апрелде россиялык спортчу карантинге байланыштуу мекенинде калгандыктан, Фергюсон менен беттеши болбой калганы аныкталган.

Ушуну менен мушкерлердин беттеши 2015-жылдан бери бешинчи ирет жылдырылып жатат. Бирде россиялык атлет, экинчисинде америкалык спортчу жаракат алса, соңку беттешке коронавирус пандемиясы себеп болду.

292
Белгилер:
беттешүү, мушкер, план, октагон, Хабиб Нурмагомедов, Дана Уайт, UFC
Тема боюнча
Хабиб Нурмагомедов аралаш мушташ боюнча дүйнөнүн мыкты мушкери аталды
Хабиб Фергюсондун курун тээп салды. Мушкерлер сес көрсөтүшкөн видео

Жаакка муштап, көмкөрөсүнөн түшүрүп... UFC уюмундагы ыкчам жеңиштердин видеосу

22
Турнирине катышуу ар бир спортчунун кыялы болгон Абсолюттук мушкерлер уюму (UFC) өзүнүн тарыхындагы чагылгандай тез аяктаган жеңиштердин видеосун топтоп чыгарды.

Тасма промоутерлик компаниянын расмий YouTube-каналына жарыяланды.

Роликтин башында уюмдун тарыхында эң аз убакытта нокаут менен жеңишке жеткен мушкер Хорхе Масвидалдын беттеши көрсөтүлөт. Ал былтыр атаандашы Бен Аскренди секирип келип тизеси менен башка тээп, беш секунданын ичинде уткан. Буга чейин эң ыкчам нокаут 1996-жылы катталып, мушкерлердин кармашы сегиз секундага гана созулган.

Андан кийинки кадрда ирландиялык атактуу мушкер Конор Макгрегор. 13 секунда ичинде бразилиялык мушкер Жозе Алдуну жаакка муштап, чемпиондук курун тартып алганына күбө болосуздар.

Кыздардан Ронда Роузи 14 секунданын ичинде атаандашы Кэт Зинганонун колун кайрып утуп алган. Роузи UFC уюмунда чемпиондук курду тагынган алгачкы аял мушкер. Анын арты менен көп кыз-келиндер аралаш мушташка келгени айтылат. Соңку эки беттешинде нокаут менен утулгандыктан, карьерасын жыйынтыктаган.

Мындан сырткары уюмдун учурдагы жана экс-мушкерлеринин ар кандай ыкмалар менен ыкчам убакытта жеңишке жеткенин көрө аласыздар.

22
Белгилер:
видео, нокаут, жеңиш, UFC
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Кэтлин Чукагян менен эми Антонина Шевченко беттешмей болду
Япониялык теннисчи Осака Наоми. Архив

22 жаштагы япониялык теннисчи кыз дүйнөдөгү эң бай спортчу аталды

373
(жаңыланган 22:52 24.05.2020)
Осака легендага айланган 38 жаштагы америкалык Серена Уильямстын кирешесинен 1,15 миллион долларга көп каражат тапкан.

БИШКЕК, 24-май — Sputnik. Япониялык теннисчи Наоми Осака аялдардын арасынан дүйнөдөгү эң бай спортчу аталды. Бул тууралуу ВВС жазды.

Маалыматка ылайык, Осака тапкан кирешеси боюнча америкалык Серена Уильямс менен россиялык Мария Шараповадан озуп кеткен.

22 жаштагы Осака "Чоң Шлем" сериясы боюнча турнирлердин эки жолку жеңүүчүсү. Forbes журналынын эсептөөсү боюнча, ал акыркы 12 айда 37,4 миллион доллар тапкан. Буга жеңиштен жана жарнама келишимдеринен түшкөн каражат дагы кирет.

Бул сумма теннис легендасына айланган 38 жаштагы америалык Серена Уильямстын кирешесинен 1,15 миллион долларга көп.

Forbes журналы 30 жылдан бери эң көп акча тапкан спортчу аялдардын тизмесин түзүп келет. Ошол аралыктан бери бул тизменин сап башынан теннисчи кыздар түшө электиги айтылды.

2020-жылдагы эң бай спортчулардын толук тизмеси журналга кийинки жумада жарыялана турганы маалым болду. 2016-жылдан бери жүздөгөн бай спортчулардын арасына эки аял кошулган.

373
Белгилер:
спортчу, тизме, байлык, теннис, Forbes журналы
Тема боюнча
Чиновниктер байлыгын ачыктаса, эски ишин кечирүү мыйзамы сунушталды. Чоо-жайы

Комдонуп, кулакты жапырып. Кара кулак шердин жонунан тартылган видео

0
Америкадагы зоопарктардын биринде кара кулак шердин кантип чуркагандыгын, күүлөнгөндүгүн, дегеле кыймыл аракетин бир нече сантиметр жакындыктан көрсөтүп беришти.

Адатта бул жырткычтын жанына жолоого мүмкүн эмес экендиги баарына дайын. Бул туурасында "National Geographic Россия" сайты жазды.

Кара кулак шер мышык тукумундагы жаныбарлардын эң күлүгү. Үч секунда ичинде ылдамдыгын саатына 112 чакырымга жеткире алат, тагыраагы, тез күүлөнөт. Бир секундада өзүнүн тулку боюнан 16 эсе узун аралыкка чуркоого жөндөмдүү.

Цинциннати зоопаркынын кызматкерлери кызыккандарга сейрек видеону тартуулашты. Сейрек дегендин себеби, бир нече сантиметрден туруп, ошончолук ылдамдыкта, аны менен эч ким катарлаша чуркай албайт. Мындай мүмкүн да эмес, себеби жырткыч чоочун бирөөнү жанына жакын жолотпойт.

Зоопарк кызматкерлери кара кулак шердин бел жагына GoPro камерасын орнотуп, анын бир кадамын көрүүчүлөргө тартуулады. Аны карап турган адам жаныбардын кантип даярданып, кантип күүлөнүп, анан кантип атырыла чуркап бара жаткандыгына күбө боло алат.

0
Белгилер:
кара кулак, зоопарк, ылдамдык, видео, АКШ
Тема боюнча
Иранда иттерди COVID-19ду аныктоого үйрөтүшүүдө. Кызыктуу видео
Карантинден кийин көрүшкөн кожоюн менен эшектин эмоциясы. Видео