Кыргызстандык триатлет Айваз Оморканов

Кыргызстандык триатлет үйүндө 5 саат чуркап, медиктерге жарым миллион чогултту

449
(жаңыланган 13:08 27.04.2020)
25-апрелде триатлон боюнча КР абсолюттук чемпиону Айваз Оморканов адаттан тыш идеяны ишке ашырган. Тагыраагы, ал үйдө жарым темир аралыкты ашып өтүп, ошол эле учурда өлкөдө коронавирус менен күрөшүү үчүн каражат чогултуу максатында кайрымдуулук акциясын баштаган.

БИШКЕК, 27-апр. — Sputnik. Кыргызстандык триатлет Айваз Оморканов үй шартында "жарым темир дистанцияны" чуркап өтүп, медиктерге жардам катары жарым миллион сом чогултканын Жаштар иши, дене тарбия жана спорт агенттигинен билдиришти.

Ага ылайык, 25-апрелде триатлон боюнча Кыргызстандын абсолюттук чемпиону Айваз Оморканов адаттан тыш идеяны ишке ашырган. Тагыраагы, ал үйдө жарым темир аралыкты ашып өтүп, ошол эле учурда өлкөдө коронавирус менен күрөшүү үчүн каражат чогултуу максатында кайрымдуулук акциясын баштаган.

Ал триатлондун эрежеси боюнча сууда сүзүүнүн ордуна 5 чакырымды, андан кийин велосипед тепкендин ордуна 90 чакырымды, андан соң жөө чуркагандын ордуна 21 чакырымды үйүндөгү атайын чуркоочу жабдыктан чуркаган. Натыйжада транзиттик зоналарын эске албаганда 4 саат 55 мүнөт чуркаган.

Айваздын жарышына белгилүү спортчулар Владислав Третьяк, Николай Валуев, Костя Цзю, Дмитрий Бивол, Орзубек Назаров, Денис Петрашов, Дарья Маслова, Салтанат Казыбаева жана Жаштар иши, дене тарбия жана спорт мамлекеттик агенттигинин директору Канат Аманкулов көз салып турган. Ошондой эле спортчунун атасы жана Хоккей федерациясынын президенти Анвар Оморканов, ишкерлер, мамлекеттик ишмерлер жана өлкөнүн жигердүү жаштары көрүп турушкан.

Анын жүрүшүндө 500 миң сомдон ашык акча чогултулуп, Кыргызстандагы медицина кызматкерлерин колдоо үчүн берилмей болгон.

"Белгилей кетсек, Борбор Азия тарыхында спортчу биринчи жолу үйүндө жарым темир аралыкты басып өттү. Кайрымдуулук жарышы каражат топтоого гана эмес, карантинде үйдө болууга, спорт менен машыгууга, сергек жашоого чакырат. Айваз Оморканов ар башка өлкөлөрдөгү спортчуларды, жаштарды жана таптакыр башка кесиптеги адамдарды бир максат менен бириктирди — бул COVID-19 менен күрөшүү. Бул дагы бир жолу спорт адамдарды бириктире турганын тастыктап турат", — деп айтылат маалыматта.

Кийинки эстафетаны Казакстандын спортчусу жана Алматы марафонунун уюштуруучусу Салтанат Казыбаева алган.

449
Белгилер:
чуркоо, коронавирус, акция, триатлон, Кыргызстан
Тема боюнча
Бегалиев: атактуу спортчулар жаштар менен тажрыйбасын бөлүшсө спорт өнүгөт
UFC башчысы Хабиб Нурмагомедовдун октагонго кайтар убактысын айтты
Ирландиялык Конор Макгрегор жана россиялык мушкер Хабиб Нурмагомедов. Архивдик сүрөт

Нурмагомедов: Гэтжиден кийин Макгрегор менен кармашууга даярмын

179
(жаңыланган 17:43 14.08.2020)
Эки жылдан бери ирландиялык спортчу россиялык мушкерди реванш-беттешке чакырып келген. Бирок Хабибдин менеджери ал Конорду атаандаш катары көрбөй турганын айткан болчу.

БИШКЕК, 14-авг. — Sputnik. UFC уюмунун жеңил салмактагы чемпиону Хабиб Нурмагомедов Москвадагы маалымат жыйынында америкалык Жастин Гэтжиден кийин ирландиялык Конор Макгрегор менен беттешүүгө даяр экенин жар салды. Бул тууралуу РИА Новости жазды.

Белгилей кетсек, Нурмагомедов 24-октябрда Абу-Даби шаарында Гэтжи менен күч сынашат. Ал эми Макгрегорду мындан эки жыл мурун Лас-Вегастагы турнирде уткан. Беттештин аягы ызы-чуу менен коштолуп, эки тараптын командасы массалык уруш чыгарган. Окуядан кийин Нурмагомедов беттештерден четтетилип, ири көлөмдөгү айыпка жыгылган.

Түрдүү ой келет... Хабиб карьерасын жыйынтыктоону ойлогонун моюндады

"Гэтжиден соң ким менен болсо да кармашканга даярмын. Ал Тониби (Фергюсон) же Конорбу (Макгрегор), айырмасы жок", — деген спортчу.

2018-жылдан бери ирландиялык спортчу россиялык мушкерди бир нече ирет реванш-беттешке чакырып, UFC президенди Дана Уайт дагы аны уюштурууга кызыкдар экенин билдирип келет. Бирок Хабибдин менеджери ал Конорду атаандаш катары көрбөй турганын айткан болчу.

179
Белгилер:
реванш, беттешүү, Конор Макгрегор, Хабиб Нурмагомедов, UFC
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Шевченко октагонго кайтты! UFC ал наамын коргой турчу күндү так айтты
Кубанып турам! Кыргызстандык Физиев UFC уюму менен келишимин жаңыртты
Россиядан чыккан Абсолюттук мушкерлер уюмунун (UFC) чемпиону Хабиб Нурмагомедов

Түрдүү ой келет... Хабиб карьерасын жыйынтыктоону ойлогонун моюндады

173
Хабиб өзүн ардагер спортчулардын катарына кошулуп баратканын белгилеген. Ошондой эле келечекте машыктыруучулук менен чектелбей турганын айтты.

БИШКЕК, 14-авг. — Sputnik. Россиядан чыккан Абсолюттук мушкерлер уюмунун (UFC) чемпиону Хабиб Нурмагомедов карьерасын жыйынтыктоо ою болгонун моюндады. Бул тууралуу ал маалымат жыйында билдиргенин РИА Новости жазды.

Спортчу азыр чемпиондук наамын ийгиликтүү коргоп алууга даярдык көрүп жатканын белгилеген. Эске салсак, Нурмагомедов 24-октябрда Абу-Даби шаарында америкалык Жастин Гэтжи менен күч сынашат.

"Ар кандай ойлор келет, азыр деле карьераны жыйынтыктоо тууралуу ойлоном. Бирок учурда алдыдагы беттешке даярданып жатам, узакка план койгон жокмун. Сентябрда 32ге чыгам, жаш спортчу эмесмин. Акырындан ардагер спортчулардын катарына кошулуп баратам. Сегиз жылдан бери UFC октагонуна чыгып келем. Эртерээк беттештерге кайтып, деги эле бир нерсе менен алек болгум келип жатат", — деген Хабиб.

Менеджер: Хабиб карайлап турат, бирок быйыл Гэтжи менен беттешет

Мындан тышкары, ага "саясатка барасызбы?" деген суроо узатылган. Мушкер спорттогу ишин аягына чыгара электигин жана креслосу жок эле элге жардам берсе болорун айткан.

Бирок ошол эле учурда өзүн келечекте машыктыруучулук менен чектебей турганын кошумчалаган.

173
Белгилер:
беттешүү, карьера, спорт, Хабиб Нурмагомедов, UFC
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды