Антонина Шевченко Лас-Вегастагы UFC турниринде жеңилип калды. Видео

© Sputnik / Алексей Даничев / Медиабанкка өтүүКыргызстандык спортчу Антонина Шевченко. Архив
Кыргызстандык спортчу Антонина Шевченко. Архив - Sputnik Кыргызстан
Жазылуу
Жеңил салмактагы эки мушкер аялдын беттешүүсү онлайн көрүп турган көптөрдүн бүйүрүн кызытты. Чукагян атаандашынан баары бир артыкчылык кылып турду.

БИШКЕК, 31-май — Sputnik. Кыргызстандык Антонина Шевченко Лас-Вегастагы ESPN 9 түрүндөгү UFC турниринде америкалык атаандашы Кэтлин Чукагянга жеңилип калды.

Беттеш Лаг-Вегаста өттү. Анын өзгөчөлүгү бир мушкердин эки бир тууган спортчу кыздар Шевченколорго атаандаш болгону экени айтылды.

Беттеш көрүүчүлөрсүз өттү. Жеңил салмактагы эки мушкер аялдын беттешүүсү онлайн көрүп турган көптөрдүн бүйүрүн кызытты.

Чукагян атаандашынан баары бир артыкчылык кылып турду. Биринчи раундда Шевченкону муунткан ыкма менен жеңгенге аракет кылып, анысын үч ирет кайталады. Бирок кыргызстандык спортчу алдырган жок.

Экинчи раудда Чукагян баары бир артыкчылык кылып, бир нече ирет “кол салды”.

Ал эми үчүнчү раундда Шевченкодон артыкчылык кылганы кадимкидей байкалып, андан соң финалдык гонг жаңырды.

Жыйынтыгында калыстар тобу жеңишти бир ооздон Чукагянга ыйгарышты.

Бул америкалык спортчунун 14-жеңиши, ал эми Антонина Шевченконун UFC мушташындагы экинчи ийгиликсиз беттешүүсү.

Америкалык спортчу акыркы беттешинде Валентина Шевченкого утулуп калган. Анда кыргызстандык чемпион аны үчүнчү раундда техникалык нокаут менен жеңген.

Жаңылыктар түрмөгү
0