UFC чемпиону Валентина Шевченко. Архив

Шевченконун каршылашы ким болушу мүмкүн? UFC башчысынын жообу

175
(жаңыланган 19:56 15.06.2020)
Синтия Кальвильо UFC турниринин башкы беттешинде Валентина Шевченконун мурдагы каршылашын калыстардын бирдиктүү чечими менен утуп алды.

БИШКЕК, 15-июн. — Sputnik. Америкалык Синтия Кальвильо кийинки беттешинде Валентина Шевченко менен октагондо жолуга алат. Бул тууралуу UFC уюмунун президенти Дана Уайт UFC on ESPN 10 турниринен кийин маалымат жыйында билдирди.

Өткөн дем алыш күндөрү болгон мелдеште Кальвильо өзүнүн мекендеши Жессика Айды утуп алды. Башкы беттеш беш раунд болуп, калыстардын бирдиктүү чечиминин негизинде Кальвильо жеңүүчү аталды.

"Ал жакшы даярдыкта болуп, мыкты беттеш өткөрдү. Синтия өзүнүн карьерасында биринчи беш раунддук мелдешке чыгып жатканына карабай партерде дагы, туруп алып дагы сонун кыймыл-аракеттерди жасап, өз максаттарын өтөсүнө чыгарды. Жыйынтыктоочу бөлүктүн алдында мен ага көз салып турдум, мага ал чарчагандай көрүнгөн жок", — деп баа берди Уайт.

Ал ошондой эле Кальвильо кыргызстандык мушкер Валентина Шевченконун эң негизги атаандашы экендигин баса белгиледи.

"Синтия титулдук беттешке чыга алабы? Ооба, себеби ал рейтингдин сап башында турган спортчуну жеңди. Карагылачы, Гилберт Бернсти, ал дагы ошондой болду", — деди промоушендин башчысы.

Кальвильо он жолу жеңип, бир жолу тең чыгып, бир жолу утулуп калган. Башында ал аз салмактагылар арасында күч сынашып, рейтингде 10-орунда турган. Ал эки жолу салмакка түшүүдөн өтө албай жүрүп эң жеңил салмактагы дивизионго араң өткөн.

Буга чейин Жессика Ай Чикаго (АКШ) шаарында өткөн UFC 238 турниринин алкагында Шевченкодон утулуп калган.

175
Белгилер:
Синтия Кальвильо, беттешүү, Валентина Шевченко, UFC
Тема боюнча
Чемпион чемпионго каршы... Нурмагомедов менен Гэтжинин беттешчү күнү айтылды
Антонина Шевченконун соңку беттешинде алган гонорары айтылды
100 миллион долларынан ажырап. UFC көзүрү COVID-19дун кесепетин айтты
Футболчулар. Архив

Түркияда ойногон кыргызстандык жаш футболчу эл аралык сыйлыкка татыды

13
(жаңыланган 20:46 07.08.2020)
Өспүрүм футболчу "Галатасарай" - "Истанбул спор" беттешинде жаңылыштыктан белгиленген 11 метрлик айып тобун атайын сыртка тээп, жоомарттык көрсөткөн.

БИШКЕК, 7-авг. — Sputnik. Кыргызстандык жаш футболчу, Түркиянын "Галатасарай U-14" клубунун капитаны Бекназар Алмазбеков футболдук беттеште көрсөткөн акыйкаттык кадамы үчүн эл аралык Fair Play сыйлыгына татыды. Бул тууралуу Anadolu маалымат агенттиги жазды.

Өткөн жылы 13 жаштагы кыргызстандык ойногон команда Түркиянын 14 жашка чейинки футболчуларынын чемпионатында "Истанбул спор" клубу менен ойнойт. Анын жүрүшүндө Алмазбеков  капталдан чабуулга баратып, дарбаза сызыгына киргенде коргоочуну алдап өткөнү жатып кулаган. Беттеш калысы ага карата эреже бузулду деп эсептеп, 11 метрлик айып тобун белгилеген.

Кыргызстандык футболчу өзү эреже бузулбаганын, калыстын чечими жаңылыш болгонун белгилеп, 11 метрлик айып тобун атайын дарбазадан сыртка тээп, жоомарттык көрсөткөн.

Fair Play эл аралык комитети тарабынан берилүүчү мындай престиждүү сыйлыктын быйылкы лауреаттары 5-августта жарыяланды. Алмазбековдун талапкерлигин 2019-жылдын декабрь айында Түркиянын Олимпиадалык комитети көрсөткөн.

"Лацио" клубунун футболчусу Чиро Иммобиле "Алтын бутса" сыйлыгын утту

Fair Play эл аралык комитет мындай сыйлыкты 1964-жылдан бери жыл сайын тапшырып келет. Уюмдун башкы максаты спортто акыйкаттык көрсөткөн спортчуларды сыйлоо болуп саналат.

13
Белгилер:
сыйлык, Кыргызстан, футбол
Тема боюнча
France Football: быйыл "Алтын топ" сыйлыгы берилбейт
Кыргызстандан чыккан UFC мушкери Валентина Шевченко. Архив

Шевченко Tapology версиясы боюнча эң мыкты 100 мушкердин катарына кирди

119
(жаңыланган 12:59 06.08.2020)
Жалпысынан рейтингге 224 спортчу киргизилген. Арасында карьерасын эбак жыйынтыктап, бирок эл оозунда айтылып келе жаткандар дагы бар.

БИШКЕК, 6-авг. — Sputnik. Кыргызстандан чыккан UFC мушкери Валентина Шевченко Tapology спорттук басылмасынын версиясы боюнча эң мыкты 100 мушкердин катарына кирди. Толук тизме порталдын сайтына жүктөлдү.

Жаңыртылган маалымат боюнча, Шевченко 58-орунду ээлеп турат. Жалпысынан рейтингге 224 спортчу киргизилген. Арасында карьерасын жыйынтыктаган атактуу спортчулар дагы бар. Аларга бааны ММА сүйүүчүлөрү берген.

Аралаш мушташ тарыхында эң мыкты мушкер деп канадалык Жорж Сен-Пьер табылган. Ал UFC уюмунда эки салмак категория боюнча чемпион болгон. Экинчи сапты учурда орточо оор (93 килограмм) салмакта бел курду тагынып турган америкалык Жон Жонс ээлеген. Үчүнчүгө мурдагы чемпион, бразилиялык белгилүү мушкер Андерсон Силва илинген.

Төртүнчү орунга UFC уюмундагы чемпиондук наамын бир нече жылдар бою коргоп келип, азыр башка компания менен иштешкен Деметриус Жонсон, ал эми бешинчиге россиялык Федор Емельяненко жайгашкан.

Валентина Шевченконун титулун кантип коргой турганы маалымдалды. Видео

UFC уюмунун учурдагы чемпиону Хабиб Нурмагомедов сегизинчи орунга, анын эзелки атаандашы, мурда эки салмак категориясында бел курду тагынып турган ирландиядык Конор Макгрегор 17-орунга татыган.

Кыз-келиндердин арасында бразилиялык Аманда Нуньес лидер болгон. Ал 20-сапка илинсе, UFC уюмунун аялдар арасындагы алгачкы чемпиону Ронда Роузи 44-орунга жайгашкан.

119
Белгилер:
мушкер, рейтинг, Валентина Шевченко, UFC
Тема боюнча
Шевченко: Нуньес мен көздөгөн акыркы атаандаш
Ысык-Көл. Архив

Ишембиге карата аба ырайы

0
(жаңыланган 21:07 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта ишембиде күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Беткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы