Балбандан беттеш учурунда. Архив

Грек-рим күрөшү Олимпиаданын программасынан чыгарылышы мүмкүн

125
(жаңыланган 16:26 22.06.2020)
Грек-рим күрөшү байыркы оюндардын программасына кирген олимпиадалык спорттун оригиналдуу түрлөрүнүн бири болуп саналат.

БИШКЕК, 22-июн. — Sputnik. Грек-рим күрөшү 2024-жылы Парижде өтүүчү Олимпиада оюндарынын программасынан чыгарылышы мүмкүн. Бул тууралуу Бириккен күрөш дүйнөсү (UWW) уюмунун аткаруу комитетинин мүчөсү Намиг Алиев билдиргенин Азербайжандын күрөш федерациясы айтып чыкты.

"UWW уюму эрежелерин өзгөртүп, күйөрмандардын кызыгуусун арттырууга умтулганына карабастан, акыркы убактарда грек-рим күрөшү өзүнүн популярдуулугун жогото баштады. 2022-жылы Дакарда жаштардын Олимпиадасы өтөт, анда грек-рим күрөшүнүн ордуна пляж күрөшү болот. UWW уюмунун аткаруу комитетиндеги талкуудан улам грек-рим күрөшү 2024-жылдагы Олимпиада оюндарынын программасына киргизилбей калышы мүмкүн деп айтар элем", — деди Алиев.

"Чемпионат" спорттук-маалыматтык портал жазгандай, Намиг Алиев ошондой эле Азербайжан Күрөш федерациясынын башчысынын милдетин убактылуу аткаруучу болуп саналат.

Грек-рим күрөшү Олимпиада оюндарынын программасына 1896-жылдан баштап киргизилген.

Эске сала кетсек, 2024-жылдагы жайкы Олимпиада оюндары Франциянын борбору Париж шаарында өтөт.

Кыргызстандын эгемен тарыхында атамекендик спортчулар Олимпиада оюндарынан үч коло жана бир күмүш медаль уткан. Анын ичинен бир коло, бир күмүш медалды дал ушул грек-рим күрөшүнүн балбандары жеңип келишкен.

125
Белгилер:
балбан, федерация, программа, Олимпиадалык оюндар, грек-рим күрөшү
Тема боюнча
Токио шаарынын башчысы Олимпиада коопсуз өтө турганын убадалады
Кыргыз спортчулары олимпиадага 1-июндан тарта даярдана баштайт
Кесипкөй бокстун мурдагы дүйнө чемпиондору Майк Тайсон. Архив

Майк Тайсон менен Рой Жонстун беттеши ноябрга жылды

75
(жаңыланган 12:42 10.08.2020)
Беттеш кирешени көбөйтүү максатында Тайсондун командасынын демилгеси менен жылдырылган. Жонс да буга макулдук берген.

БИШКЕК, 10-авг. — Sputnik. Кесипкөй бокстун мурдагы дүйнө чемпиондору Майк Тайсон менен Рой Жонстун беттеши 28-ноябрга жылдырылды. Бул маалыматты The Ring журналына таянып РИА Новости жазды.

8 раундга белгиленген беттеш буга чейин 12-сентябрда Калифорнияда болору айтылган.

Маалыматта беттеш трансляциядан түшүүчү кирешени көбөйтүү максатында Тайсондун командасынын демилгеси менен жылдырылганы айтылат. Ал арада Жонс да Тайсондун өкүлдөрү менен жолугушуудан соң макулдук берген.

Макгрегордун Пакьяого беттешке чыгуу ниетине UFC башчысы эмне деди? Видео

Апрель айынын соңунда Темир Майк кайрымдуулук үчүн рингге чыгууга даяр экенин жар салган болчу. Тайсон акыркы жолу 2005-жылдын июнь айында ирландиялык Кевин Макдрайт менен беттешке чыгып, жеңилүү ызасын тарткан.

54 жаштагы Майк Тайсон 58 жолу рингге чыккан. 50 атаандашын жеңген, анын 44үн нокаут менен уткан. Алты жолу утулган. Эки беттеш өтпөй калган. Ал кесипкөй бокстун Дүйнөлүк мушкерлер кеңеши, Дүйнөлүк бокс ассоциациясы жана Эл аралык бокс федерациясынын версиясы боюнча дүйнөнүн абсолюттук чемпиону болгон.

Атаандашы Россиянын жарандыгын алган америкалык мушкер, дүйнөнүн экс-чемпиону Рой Жонс 50 жашта. Ал 2018-жылы карьерасын жыйынтыктаган. Спорттук жолунда Жонс 66 беттешин уткан. Анын ичинде 47 атаандашын нокаут менен жеңген. Тогуз жолу утулган.

75
Белгилер:
беттешүү, бокс, Рой Жонс, Майк Тайсон
Тема боюнча
54 жаштагы Тайсон машыгууда укмуштуудай реакциясын көрсөттү. Видео
Атактуу Майк Тайсон менен Рой Жонс беттеш өткөрүүнү көздөп жатат
Мария Шарапова теннис матч учурунда. Архив

Теннис чемпиону Мария Шарапова бокс менен машыга баштады. Видео

88
(жаңыланган 08:46 10.08.2020)
Видеодо булгаары мээлейчен россиялык спортчу машыктыруучусу менен соккуларды кайталап, машыгып жатканын көрүүгө болот.

БИШКЕК, 10-авг. — Sputnik. Теннис боюнча дүйнө чемпиону, россиялык Мария Шарапова бокс менен машыга баштады. Мурдагы дүйнөнүн биринчи ракеткасы булгаары мээлейчен машыгып жаткан видеосун өзүнүн Instagram баракчасына койгон.

Посмотреть эту публикацию в Instagram

Публикация от Maria Sharapova (@mariasharapova)

Видеодон спортчу машыктыруучусу менен соккуларды кайталап, машыгып жатканын көрүүгө болот.

UFC мушкери Конор Макгрегор "Реалдын" машыгуусуна катышмай болду

33 жаштагы Шарапова 2004-2014-жылдары Чоң шлем мелдештеринин жекелик бөлүгүндө беш мелдешин жеңген теннисчи болуп эсептелет.

88
Белгилер:
теннис, машыгуу, бокс, Мария Шарапова
Тема боюнча
Тайсон менен Рой Жонс сентябрда рингден кезикмей болушту
 Минскидеги массалык митинг. Архивдик сүрөт

Колунда жарылып кеткен. Минскидеги массалык митингде адам өлүмү катталды

0
Элдин толкундоолору өлкөнүн дээрлик бардык аймагында өтүп жатат. Акциялар президенттик шайлоодон кийин жекшемби күнү башталган.

БИШКЕК, 11-авг. — Sputnik. Нааразылык акциялар өтүп жаткан Беларустун борбор калаасында адам өлүмү катталды. Бул тууралуу ИИМдин расмий өкүлү Ольга Чемодановага таянуу менен Sputnik Беларусь агенттигинин Telegram-каналы кабарлады.

Чемоданованын айтымында, көз жумган адам эркек киши.

"10-август күнү саат 23.00дөрдө Минск шаарынын Притыций проспектисинде топтолгон эл кыймылды бууш үчүн тосмолорду кое баштаган. Аянтты тазалоо үчүн келген атайын бөлүктүн жоокерлери менен кагылышуу учурунда бир киши аларды көздөй жардыруучу түзүлүштү ыргытууга аракет кылган. Бирок ал колдо жарылып, эркек киши алган жаракатынан улам көз жумду", — деди ИИМ өкүлү.

Эскерте кетсек, нааразылык акциялары 9-августта өткөн президенттик шайлоодон кийин башталган. Ушу тапта элдин толкундоолору өлкөнүн дээрлик бардык аймагына жайылды. Милиция митингчилерди таратуу үчүн көздөн жаш чыгаруучу газ менен кулак тундуруучу гранаталарды колдонууда.

38 жашта. Лукашенкодон тизгин талашкан Тихановскаянын таржымалы

Акыркы маалыматтар боюнча тартип сакчылары менен кагылышуудан жапа чеккендер жана кармалгандар көбөйүүдө.

Эл көчөгө шайлоонун жыйынтыгына нааразы болуп чыккан. Анда азыркы президент Александр Лукашенко бир топ айырма менен атаандаштарынан озуп, дагы беш жылга өлкө башчысы болуп калмакчы.

0
Белгилер:
аянт, милиция, өлүм, митинг, Минск, Беларусь
Тема боюнча
Беларуста митинг токтобой, эл күч менен таркатылып жатат. Видео