UFC чемпиону, кыргызстандык Валентина Шевченко АКШлык актриса Холли Берри менен тасма тартуу учрунда. Архив

Валентина Шевченко тартылган тасма Торонто кинофестивалында көрсөтүлөт

120
(жаңыланган 15:21 26.06.2020)
Валентина Шевченко аталган тасмада терс роль аткарып, башкы каарман Холли Берринин атаандашы болот.

БИШКЕК, 25-июн. — Sputnik. UFC чемпиону, кыргызстандык Валентина Шевченко тартылган Bruised ("Сабалган") тасмасы Канада өлкөсүндө өтүүчү Торонто эл аралык кинофестивалында (TIFF2020) көрсөтүлөт. Бул тууралуу тасманын режиссеру, АКШлык актриса Холли Берри өзүнүн instagram баракчасына жазды.

Посмотреть эту публикацию в Instagram

Публикация от Halle Berry (@halleberry)

"Менин режиссердук дебютум быйыл TIFF2020 (Toronto International Film Festival) кинофестивалында көрсөтүлөт экен. Муну коомчулукка жар салып, аябай толкунданып турам. Сентябрда көрүшөбүз", — деп жазган режиссер.

Аталган тасма былтыр декабрь айында тартылып бүткөн. Валентина Шевченко аталган фильмде терс роль аткарып, башкы каарман Холли Берринин атаандашы болот.

53 жаштагы Холли Берри роль жаратып жаткан учурда Шевченконун соккуларынан сөөктөрү сынганын да айтып берген.

 UFC боюнча Кыргызстандан чыккан чемпион Валентина Шевченко. Архив
© Фото / предоставлено Валентиной Шевченко
Фильм Жеки аттуу мушкер кыз (Холли Берри өзү ойнойт) тууралуу. Сценарий боюнча аял негизги беттештен жеңилип калып, карьерасы артка кетет. Мушкер "жашоодо колуман мушташтан башка эч нерсе келбейт" деп эсептеп жүрөт.

Сызга отуруп калган Жеки карьерасы үчүн карабай кеткен алты жаштагы баласы менен мамилесин оңдоону чечет. Бирок ринг менен жеңишти эңсеп, жан дүйнөсүнө тынчтык орнобой коёт. Бир күнү жаш жылдыздардын бири менен беттешүүгө мүмкүнчүлүк жаралат, Жеки каршылашы өзүнөн күчтүү экенине карабай макул болот.

120
Белгилер:
кинофестиваль, тасма, UFC, Валентина Шевченко
Тема боюнча
Сөөктөрүм сынды. Холли Берри Валентина Шевченконун соккулары тууралуу
Мени "тыңчы" атагандардын оюн билем. Лас-Вегастагы Валентина Шевченко менен маек
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

78
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

78
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?
Туриндик Ювентус клубунун чабуулчусу Криштиану Роналдунун архивдик сүрөтү

Криштиану Роналду эзелки атаандашы Лионель Мессинин клубуна өтөбү?

255
(жаңыланган 17:38 13.08.2020)
Футболчунун агенти бир катар клубдарга байланышып, Роналдуну командаларына алууга каалоосун сураган. Арасында Барселонага да кайрылган.

БИШКЕК, 13-авг. — Sputnik. Туриндик "Ювентус" клубунун чабуулчусу Криштиану Роналдунун агенти Жорже Мендеш бир катар алдыңкы клубдарга футболчунун кызматын сунуштаган. Бул тууралуу sport.es маалымат булагы журналист Гильем Балагеге таянып билдиргенин РИА Новости жазды.

Топ клубдардын арасында Роналдунун эзелки атаандашы Месси ойногон каталондук "Барселона", Франциянын "Пари Сен-Жермен" (ПСЖ) жана бир катар түштүк америкалык клубдар бар.

Балаге Би-Би-Си радиосунун түз эфири учурунда Мендеш бир катар клубдар менен байланышка чыгып, келерки жылы Роналду менен келишим түзүүгө каалоосунун бар-жогун сураган. Анткени португалиялык футболчу чакыруу болсо башка клубда ойноо ниети бар экенин билдирген.

Кыргызстандык футболчу Гүлжигит Алыкулов УЕФАнын мелдешинде ойнойт

Журналисттин айтымында, беш жолку "Алтын топ" сыйлыгынын ээси, 35 жаштагы футболчу үчүн жаңы клуб издөөдөгү башкы көйгөй анын жылына алчу 23 миллион доллар маянасы болууда.

"Азыркы учурда футболчу үчүн мындай көлөмдөгү айлыкты төлөй турган клуб табылар-табылбасы белгисиз", — деди Балаге.

Роналду 2003-2009-жылдары Англиянын "Манчестер Юнайтед", 2009-2018-жылдары мадриддик "Реал" клубдарында ойногон. 2018-жылдан азыркы күнгө чейин Италиянын "Ювентус" командасынын намысын коргоп келет.

255
Белгилер:
Барселона ФК, трансфер, Криштиану Роналду, футбол
Тема боюнча
France Football: быйыл "Алтын топ" сыйлыгы берилбейт
Түркияда ойногон кыргызстандык жаш футболчу эл аралык сыйлыкка татыды
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн