Москва Олимпиадасынын чемпиону, оор атлетчи Каныбек Осмоналиев менен Токио Олимпиада оюндарына барчу спортчулар Айсулуу Тыныбекова жана Атабек Азисбеков жолугушту

Каныбек Осмоналиев Токиого барчу Тыныбекова жана Азисбеков менен жолукту. Сүрөттөр

187
(жаңыланган 15:25 21.07.2020)
Иш-чараны XXII Москва Олимпиадасынын 40 жылдыгынын урматына Кыргызстандын Олимпиадачылар ассоциациясынын башчысы Шаршен Касенов уюштурган.

БИШКЕК, 21-июл. — Sputnik. Москва Олимпиадасынын чемпиону, оор атлетчи Каныбек Осмоналиев менен Токио Олимпиада оюндарына барчу спортчулар Айсулуу Тыныбекова жана Атабек Азисбеков жолугушту. Мындай иш-чараны Кыргызстандын Олимпиадачылар ассоциациясынын башчысы Шаршен Касенов уюштурганын "Дордой" ассоциациясы Facebook баракчасына жазды.

  • Встреча Каныбека Осмоналиева с Олимпийцами 2020 в Токио Айсулуу Тыныбековой и Атабеком Азисбековым
    Москва Олимпиадасынын чемпиону, оор атлетчи Каныбек Осмоналиев менен Токио Олимпиада оюндарына барчу спортчулар Айсулуу Тыныбекова жана Атабек Азисбеков жолугушту
    © Фото / Ассоциация "Дордой"
  • Встреча Каныбека Осмоналиева с Олимпийцами 2020 в Токио Айсулуу Тыныбековой и Атабеком Азисбековым
    Жолугушуу XXII Москва Олимпиадасынын 40 жылдыгынын урматына уюштурулган
    © Фото / Ассоциация "Дордой"
  • Встреча Каныбека Осмоналиева с Олимпийцами 2020 в Токио Айсулуу Тыныбековой и Атабеком Азисбековым
    Каныбек Осмоналиев Токио Олимпиадасына бара турган балбандарга ийгилик каалап, жолугушууну уюштурган Шаршен Касеновго ыраазычылык билдирди
    © Фото / Ассоциация "Дордой"
  • Встреча Каныбека Осмоналиева с Олимпийцами 2020 в Токио Айсулуу Тыныбековой и Атабеком Азисбековым
    Эске сала кетсек, Айсулуу Тыныбекова менен Атабек Азисбеков былтыр Казакстандын баш калаасы Нур-Султан шаарында өткөн дүйнө чемпионатында ийгилик жаратып, Токио олимпиадасына жолдомо алышкан.
    © Фото / Ассоциация "Дордой"
1 / 4
© Фото / Ассоциация "Дордой"
Москва Олимпиадасынын чемпиону, оор атлетчи Каныбек Осмоналиев менен Токио Олимпиада оюндарына барчу спортчулар Айсулуу Тыныбекова жана Атабек Азисбеков жолугушту

Жолугушуу XXII Москва Олимпиадасынын 40 жылдыгынын урматына уюштурулган.

"Шаршен Касенов спортчуларды куттуктап, баалуу белектерди жана акчалай сыйлыктарды тапшырды. Каныбек Осмоналиев Токио Олимпиадасына бара турган балбандарга ийгилик каалап, жолугушууну уюштурган Шаршен Касеновго ыраазычылык билдирди", — деп айтылат маалыматта.

Булар менен дүйнө сыймыктанчу! Олимпиаданы багынткан 8 кыргыз спортчусу

Белгилей кетсек, мындан туптуура 40 жыл мурда Москвада XXII Олимпиада оюндары башталган. Кыргызстандык спортчулар бул ири мелдеште 5 алтын, 1 күмүш жана 2 коло байге утушкан.

Эске сала кетсек, Айсулуу Тыныбекова менен Атабек Азисбеков былтыр Казакстандын баш калаасы Нур-Султан шаарында өткөн дүйнө чемпионатында ийгилик жаратып, Токио олимпиадасына жолдомо алышкан.

187
Белгилер:
Каныбек Осмоналиев, Айсулуу Тыныбекова, Токио, Москва, Олимпиадалык оюндар
Тема:
2020-жылы Токиодо өтө турган Олимпиада оюндары (41)
Тема боюнча
Махмудов, Сулайманов, Шаршенбеков... Балбандар Россияда машыгууда
Лицензия алган спортчулар 2021-жылы болчу Олимпиадага эч тоскоолдуксуз катышат
Акча сунуп жаткан адам. Архив

Спорт агенттиги коррупцияга каршы челлендж өткөрөт

55
Соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт.

БИШКЕК, 5-дек. — Sputnik. Жаштар иши, дене тарбия жана спорт боюнча мамлекеттик агенттик Коррупция менен күрөшүү эл аралык күнүнө карата социалдык тармактарда челлендж өткөрөт. Бул тууралуу агенттиктин маалымат кызматы кабарлады.

"Бүгүн "биз коррупцияга каршыбыз, токто" деп айта турчу күн келди. Демилге коомдо коррупциялык көрүнүштөргө терс мамилени калыптандыруу максатында көтөрүлдү", — деп айтылат билдирмеде.

Маалым болгондой, бул челленджге бардык каалоочулар катыша алат. Ал үчүн соцтармак колдонуучусу өзүнүн Facebook же Instagram баракчасына #бизкоррупциягакаршыбыз #мыпротивкоррупции хештегдери менен сүрөт же видео жүктөп, коррупциянын кесепеттери жөнүндө айтып бериши шарт. Челлендж 10-декабрга чейин уланат.

Агенттик Бириккен Улуттар Уюмунун чечими менен жыл сайын 9-декабрда Коррупция менен күрөшүү эл аралык күнү белгиленип келерин кошумчалады.

55
Белгилер:
Жаштар иши, дене тарбия жана спорт агенттиги, социалдык тармак, коррупция
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Ысык-Көл облустук өнүктүрүү фонду мамлекетке 13 млн. сом зыян келтиргени аныкталды
Кыргызстандык балбан кыз Айсулуу Тыныбнекова. Архив

Сүйүнчү! Айсулуу кыздар күрөшүнүн тарыхында эң мыкты балбан деп табылды

2950
(жаңыланган 19:55 04.12.2020)
Добуш берүү UWW уюмунун Instagram баракчасында жүргүзүлдү. Кыргызстандык балбан кыз 293 миңдей добуштун теңинен көбүн алган.

БИШКЕК, 4-дек. — Sputnik. Кыргызстандык балбан кыз Айсулуу Тыныбекова кыздар күрөшүнүн тарыхындагы эң мыкты балбан деп табылды. Бул тууралуу Бириккен күрөш дүйнөсү (UWW) уюмунун Instagram баракчасына жарыяланды. 

Посмотреть эту публикацию в Instagram

Публикация от Olympic Wrestling (@unitedworldwrestling)

Кыргызстандык дүйнө чемпиону индиялык Винеш Пхогат менен финалга чыккан болчу.

"Биз менен кошо Айсулуу Тыныбекованы куттуктаңыз. UWW уюмунун "Күрөш тарыхындагы эң мыкты балбан кыз" жарышында жеңүүчү болду. Тыныбекова 292 896 күйөрмандын 58 пайыз добушун алды", — деп айтылат билдирүүдө.

UWW уюмунун виртуалдуу мелдеши онлайн форматта өткөн. Индиялык спортчуга 121,907 адам добуш берсе, Тыныбекованы 170,989 адам колдогон. 

2950
Белгилер:
күрөш, Айсулуу Тыныбекова
Тема боюнча
Тыныбекова баштаган балбан кыздар Стамбулда Дүйнө кубогуна даярданышууда
Секирген атаандашын төбөгө көтөрүп уруп... КР балбандары жасаган укмуш ыкмалар. Видео
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен