Америкалык мушкер Жастин Гэтжи. Архив

Гэтжи: Нурмагомедовго каршы татыктуу беттеш көрсөтүүгө убада берем

182
(жаңыланган 19:08 29.07.2020)
Мушкерлердин кармашы 24-октябрга пландалган. Нурмагомедов уюмдун чемпиону болсо, атаандашы Гэтжи утурумдук бел курдун ээси.

БИШКЕК, 29-июл. — Sputnik. Чемпиондук наам үчүн россиялык Хабиб Нурмагомедов менен беттеше турчу америкалык Жастин Гэтжи алдыдагы беттеш боюнча комментарий берди. Бул тууралуу анын Instagram баракчасында жазылган.

Посмотреть эту публикацию в Instagram

Публикация от Justin Gaethje 🇺🇸 (@justin_gaethje)

Кечээ аталган уюмдун президенти Дана Уайт мушкерлер Нурмагомедов менен Гэтжи 24-октябрда кармашарын жар салган.

"24-октябрда чоң сыноо турат. Бул беттеште көп жылдардан берки аракетимдин акыбетин кайтарам деп турам. Мен үй-бүлөм жана мамлекетим үчүн татыктуу беттеш көрсөтө аларыма ишенип, убада берем", — деп жазган спортчу.

Чемпиондук кур үчүн таймаш кайсыл жерде өтөрү азырынча айтыла элек.

Акыркысыбы? UFC Хабибдин каалаган беттешин уюштурууга даяр экенин айтты

31 жаштагы Жастин Гэтжи аралаш мушташ спортунда 24 беттеш өткөрүп, анын 22син утуп, эки ирет жеңилүү ызасын тарткан. Ал эми анын атаандашы Хабиб Нурмагомедов жалпысынан 28 ирет октагонго чыгып, баарында жеңүүчү болгон. Ал UFC уюмунун жеңил салмактагы чемпиону болуп саналат.

182
Белгилер:
беттешүү, Жастин Гэтжи, Хабиб Нурмагомедов, UFC
Тема боюнча
UFC мушкери Конор Макгрегор "Реалдын" машыгуусуна катышмай болду

Макгрегор нокаут болгондо. UFC мелдешинин бүйүр кызыткан видеолору

215
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.

Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.

Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду. 

Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.

Мелдеште кошуна Казакстан, Өзбекстандын мушкерлери да күч сынашты. Өзбекстандык Махмуд Мурадов америкалык Эндрю Санчез менен кез келип, үчүнчү раундда нокаутка түшүрдү. Мындай ийгилиги үчүн ал промоушенден 50 миң долларлык бонуска ээ болду. Казакстандык Жалгас Жумагулов ирактык Амир Альбази менен үч раунд кармашкан. Жыйынтыгында калыстардын чечими менен жеңиш ирактык спортчуга ыйгарылды.

Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.

Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.

215
Белгилер:
нокаут, Конор Макгрегор, мелдеш, UFC, Абу-Даби
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
UFC: Хабиб Нурмагомедовдун иниси алгачкы беттешинде атаандашын утуп алды. Видео
Стадиондогу футбол топтору. Архив

Жакында “Дордой” менен “Алайдын” АФК кубогундагы атаандаштары аныкталат

40
Мелдешке Кыргызстандын чемпиону “Дордой” жана өлкө кубогунун жеңүүчүсү “Алай” клубдары катышат. 27-январда мелдештин тайпалык этабына чүчү кулак кармашып, жергиликтүү командалардын атаандаштары аныкталат.

БИШКЕК, 25-янв. — Sputnik. Келерки аптада Азия футбол Конфедерация (АФК) кубогу мелдешинин тайпалык туруна чүчү кулак тартылат. Бул тууралуу өлкөнүн Футбол союзу билдирди.

Мелдешке Кыргызстандын чемпиону “Дордой” жана өлкө кубогунун жеңүүчүсү “Алай” клубдары катышат. 27-январда мелдештин тайпалык этабына чүчү кулак тартылып, ата мекендик командалардын атаандаштары аныкталат.

АФК кубогу быйыл жаңыланган форматта өтүп, тандоо оюндары болбойт.

Катышуучу командалар мурдагыдан өзгөчөлөнүп турат. Мелдешке Кыргызстан, Тажикстан жана Түркмөнстандын өкүлдөрүнөн сырткары Борбордук Азия зонасында Өзбекстандын командасы да ойнойт.

Мелдеш тайпалык этаптан башталат. Ага катышкан жети команда эки тайпага бөлүнөт. Тайпанын жеңүүчүлөрү чөлкөмдүн финалында ойнойт.

Кыргызстандын чемпиону “Дордой” экинчи себетке, ал эми кубоктун жеңүүсү “Алай” төртүнчүгө жайгаштырылат.

40
Белгилер:
чүчү кулак, ФК Алай, "Дордой" ФК, АФК, Кыргызстан, футбол
Тема боюнча
Кыргызстандык Токабаев АФКнын чемпиондор лигасынын финалына комиссар болду. Сүрөт
Роналду тарыхта расмий оюндарда эң көп гол киргизген футболчу болду
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди