FIFA Кыргызстандын футболун колдоого 1,5 миллион доллар бөлөт

© Sputnik / Табылды КадырбековКыргызстандын курама командасынын футболчулары оюн учрунда. Архив
Кыргызстандын курама командасынын футболчулары оюн учрунда. Архив - Sputnik Кыргызстан
Жазылуу
Каржылык жардамдан сырткары федерациялар FIFA уюмунан 5 миллион долларга чейин пайызсыз насыя да ала алышат.

БИШКЕК, 30-июл. — Sputnik. Эл аралык футбол федерациясы (FIFA) коронавирус пандемиясынын кесепетин жоюу үчүн Кыргызстандын футбол союзуна 1,5 миллион доллар каражат берет. Бул тууралуу аталган уюмдун расмий сайтында айтылат.

Маалыматка ылайык, FIFA уюмунун аткаруу бюросу футболдук уюмдарга 1,5 миллиард доллар финансылык жардам берүү чечимин кабыл алган. Каражат FIFA уюмунун талабы боюнча кесипкөй жана кыздар футболу, жаштар жана массалык футболду камтыган футболдук жамааттарга грант жана насыя тутуму аркылуу берилет.

Футбол: кыргыз премьер-лигасында 8 команда калды

Дүйнөдөгү 211 федерациянын ар бири, анын ичинде Кыргызстан бир миллион доллар өлчөмүндө негизги грант алат. Кыздар футболун өнүктүрүүгө кошумча 500 миң доллар бөлүнөт. Мындан сырткары, федерациялар 5 миллион долларга чейин пайызсыз насыя ала алышат.

"Пандемия бүтүндөй футбол коомчулугу үчүн жаңы кыйынчылыктарды жаратты. Мындай учурда жардамга муктаждарга көмөк көрсөтүү — FIFA уюумунун милдети. Ошон үчүн финансылык кыйынчылыкты баштан кечирип жаткан биздин федерациянын мүчөлөрүнө каржылык жардам беребиз", — деп билдирет FIFA уюмунун президенти Жанни Инфантино.

Дүйнөлүк футбол уюму бөлгөн каражатты клубдарга, кесипкөй лигаларга, ошондой эле коронавирустан жапа чеккен футболдук башка субъектилерге жардам берүү үчүн пайдаланууга болот.

Жаңылыктар түрмөгү
0