UFC уюумун эки салмактагы экс-чемпиону, канадалык мушкер Жорж Сен-Пьер. Архив

Шайтан алгыр! Сен-Пьер аны Нурмагомедов менен беттештирүү боюнча үн катты

402
Канадалык мушкер эс алдырбайт экенсиңер да дегендей комментарий айтат. Деген менен Хабиб — Гэтжи беттешин чыдамсыздык менен күтөрүн кошумчалаган.

БИШКЕК, 31-июл. — Sputnik. UFC уюумун эки салмактагы экс-чемпиону, канадалык мушкер Жорж Сен-Пьер уюмдун башчысы Дана Уайттын беттеш уюштуруу тууралуу айткандарына комментарий берди. Бул тууралуу ESPN Тwitter баракчасына жазды.

​UFC башчысы буга чейин Хабиб Нурмагомедовдун каалоосу боюнча анын карьерасындагы жыйынтыктоочу беттешин Жорж Сен-Пьер менен уюштурууга даяр экенин айткан.

"Шайтан алгыр! Эми гана эс алууга убакыт келди деп жатканда....", — деген канадалык спортчу.

Ал ошондой эле 24-октябрга белгиленген Хабиб Нурмагомедов менен убактылуу чемпион Жастин Гэтжинин беттеши тууралуу пикир калтырган.

"Хабиб — Гэтжи беттешин чыдамсыздык менен күтөм. Алардын экөөнө тең ийгилик!" — деген Сен-Пьер.

Гэтжи: Нурмагомедовго каршы татыктуу беттеш көрсөтүүгө убада берем

Эскерте кетсек, Сен-Пьер 2019-жылдын февраль айында расмий түрдө карьерасын жыйынтыктаганын айткан. Ал жалпысынан 28 беттеш өткөрүп, 26 атаандашын утуп, 2 ирет жеңилген.

Россиялык мушкер Хабиб Нурмагомедов жалпысынан 28 ирет октагонго чыгып, бир да жолу жеңилип көрө элек.

402
Белгилер:
беттешүү, Хабиб Нурмагомедов, UFC
Тема боюнча
Дана Уайт: Хабиб Нурмагомедов октябрда октагонго чыгат
Дордой футбол клубунун оюнчулары

"Дордой" футбол клубу мөөнөтүнөн мурда өлкө чемпиону болду

46
(жаңыланган 13:42 01.10.2020)
"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

БИШКЕК, 1-окт. — Sputnik. Бишкектин "Дордой" клубу футбол боюнча Кыргызстандын Шоро премьер-лигасынын 2020-жылдагы чемпиону болду. Бул тууралуу Кыргызстандын футболдук союзу билдирди.

"Дордойчулар" чемпионаттын бүтөрүнө дагы бир тур калганда алты упай алдыга озуп, чемпиондукту камсыздады.

Башкы машыктыруучу Александр Крестининдин шакирттери бүгүн, 1-октябрда, мелдештик жарышта экинчи сапта келе жаткан Бишкектин "Алга" клубун утуп алды.

Бишкекте тынчтыкты даңазалаган футбол майрамы өттү. Сүрөттөр

Беттеш Кант шаарындагы "Центральный" стадионунда өтүп, талаа ээси катары ойногон "Алганы" "Дордой" 1:5 эсебинде утту.

Муну менен "Дордой" үчүнчү ирет удаасы менен, ал эми тарыхында 12-ирет чемпион болду.

Кыргызстандын чемпиону быйыл коронавирус пандемиясына байланыштуу борборлоштурулган форматта Кант шаарында күйөрмансыз өттү.

46
Белгилер:
"Дордой" ФК, футбол
Тема боюнча
Гүлжигит Алыкулов "Кайраттын" УЕФА мелдешиндеги голуна жардам берди. Видео
Азербайджан аскери. Архивдик сүрөт

Карабах чыры. Азербайжандык MMA мушкери армияга чакырылды

325
(жаңыланган 17:33 30.09.2020)
Спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

БИШКЕК, 30-сен. — Sputnik. Азербайжандык эрежесиз эр уруш (ММА) мушкери Тофик Мусаев өз ыктыяры менен өлкөнүн армиясынын куралдуу күчтөрүнүн катарына чакырылды. Бул тууралуу Azerisport.com маалымат булагына таянып РИА Новости жазды.

Маалыматка ылайык, спортчу аскердик кызмат өтөөгө кечээ жиберилген. Азербайжан бийлиги буга чейин Армения менен Тоолуу Карабахта болгон аткылашуунун тушунда мобилизациялоо жарыялаган.

Ингушетиядагы операцияда КРде легионер-спортчу болгон Евлоев жок кылынды

Мусаев ММА спортундагы карьерасында 21 беттештин 18ин жеңип, үч ирет утулган. 30 жаштагы мушкер учурда Rizin мушкерлер уюмунун жеңил салмактагы чемпиондук курунун ээси болуп саналат.

Посмотреть эту публикацию в Instagram

Публикация от Aslan Ismayılov 🇦🇿 (@aslan.ismayilov)

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялагандан соң, Азербайжан да өз өлкөсүнө аскердик абал киргизген.

325
Белгилер:
Тоолуу Карабах, армия, мушкер, ММА
Тема:
Тоолуу Карабахтагы жаңжал
Тема боюнча
Тоолуу Карабах: дүйнө бул чатакка кандай карап, ким отко май чачып жатат. Видео
Карабахтагы абалдын курчушу Кавказдагы чырга Россияны аралаштыруу аракетиндей...
БУУнун Коопсуздук кеңеши Карабахтагы эрегиш боюнча билдирүү жасады
Кочкор районунун тушунда болгон жол кырсыгы

Кочкордун тушунда эки машина кагышып, жабыркагандар ооруканага жетпей үзүлдү

0
(жаңыланган 14:22 01.10.2020)
Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган.

БИШКЕК, 1-окт. — Sputnik. Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду. Бул тууралуу ӨКМдин маалымат кызматы кабарлады.

  • В Кочкорском районе Нарынской области столкнулись грузовик и легковое авто, погибли два человека
    Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду
  • В Кочкорском районе Нарынской области столкнулись грузовик и легковое авто, погибли два человека
    Кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.
1 / 2
Кочкор районунун тушунда "ГАЗ-53" жүк ташуучу унаа менен Mercedes-Benz үлгүсүндөгү машина кагышып, эки адам ооруканага жетпей көз жумду

Билдирмеге ылайык, кырсык 30-сентябрь күнү саат 16:00дө Бишкек — Нарын — Торугарт унаа жолунун 209-чакырымында катталган.

"Каргашанын кесепетинен Mercedes-Benz үлгүсүндөгү автоунаанын ичине 60 жаштагы эркек киши менен 56 жаштагы аял кыпчылып калган. ӨКМдин куткаруучулары аларды автоунаадан чыгарып, Тез жардам кызматына өткөрүп беришкен", — деп айтылат маалыматта.

Тилекке каршы, жабыркагандар Кочкор райондук ооруканага жетпей көз жумганы кошумчаланды.

0
Белгилер:
өлүм, жол кырсык, Нарын облусу, Кочкор, ӨКМ
Тема:
2020-жылдын башынан бери Кыргызстанда болгон жол кырсыктар
Тема боюнча
Кишилерди кууп барып бус менен тебелетип... Кызыл-Кыядагы окуянын видеосу