Александр Поветкин. Архив

Поветкин Уайтты укмуштуудай нокаут менен утуп, чемпион болду. Видео

1530
(жаңыланган 15:36 23.08.2020)
Беттеш Улуу Британиянын Брентвуд шаарында өтүп, мөөнөтүнөн мурда жыйынтыкталган.

БИШКЕК, 23-авг. — Sputnik. Кесипкөй бокстун чебери россиялык Александр Поветкин британиялык Диллиан Уайтты эстен тандыра согуп, Дүйнөлүк боксчулар кеңеши (WBC) түрүнүн убактылуу чемпиону болду. Бул тууралуу РИА Новости жазды.

Ал эми беттештин урунттуу учуру Twitter тармагына жүктөлдү.

​Кармаш Улуу Британиянын Брентвуд шаарында өтүп, бешинчи раундда мөөнөтүнөн мурда жыйынтыкталган.

Майк Тайсон менен Рой Жонстун беттеши ноябрга жылды

Поветкин бул жеңиши менен чемпиондук кур үчүн британдык Тайсон Фьюри менен америкалык Деонте Уайлдердин ортосундагы беттештин жеңүүчүсүнө башкы атаандаш болду.

41 жаштагы россиялык мушкер профессионалдык рингдеги 36 беттешин утса, анын 24ү нокаут менен аяктаган. Бир беттеш тең чыгуу менен аяктап, эки жолу жеңилүү ызасын тарткан. 32 жаштагы британдык мушкер 27 атаандашын (экөөсүн нокаут менен) уткан жана эки ирет жеңилген.

1530
Белгилер:
Александр Поветкин, беттешүү, бокс
Тема боюнча
Макгрегордун Пакьяого беттешке чыгуу ниетине UFC башчысы эмне деди? Видео
Мушкер. Архив

Тайлык мушкер атаандашын бир сокку менен бүк түшүрдү. Видео

171
(жаңыланган 13:36 19.09.2020)
Муну менен 27 жаштагы Капитан Петчинди аталган промоушендин эң бат жыйынтыкталган беттешин камсыздап, рекорд жаратты.

БИШКЕК, 19-сен. — Sputnik. Кечээ ONE Championship мелдешинде тайлык мушкер Капитан Петчинди атаандашын алты секундада нокаутка кетирди. Бул тууралуу Р-спорт жазды. 

Посмотреть эту публикацию в Instagram

Публикация от ONE Championship (@onechampionship)

Бангкокто ONE Championship промоушенинин эрежесиз эр уруш боюнча кезектеги мелдеши өттү. Анда жеңил салмактагы мушкерлер Капитан Петчинди менен Петчтатонг Петчфергус кезиккен. Беттеште жеңишти камсыз кылуу үчүн Петчиндиге алты секунда жана бир кубаттуу сокку уруу жетиштүү болгон.

Атаандашын оодара тээп, нокаутка түшүргөн мушкер UFC уюмуна чакырылды. Видео

Старттык белги берилип, мушкерлер бири-бирине жакындаганда эле тайлык спортчунун алгачкы соккусу атаандашынын бет тушуна таамай тийип, аны нокаутка кетирген.

Муну менен 27 жаштагы мушкер аталган промоушендин эң бат жыйынтыкталган беттешин камсыздап, рекорд жаратты.

ONE FC уюмунун расмий сайтында айтылгандай, Капитан Петчинди 181 беттешке чыгып, 141 ирет жеңишке жеткен. Эми муай-тай боюнча үч жолку дүйнө чемпиону ONE Championship уюмунун чемпиондук куру үчүн россиялык Алаверди Рамазанов менен чыгары айтылууда.

171
Белгилер:
нокаут, сокку, мелдеш
Тема боюнча
FIFA футбол командаларынын рейтингин жаңылап, Кыргызстан бир сапка көтөрүлдү

Гүлжигит Алыкулов "Кайраттын" УЕФА мелдешиндеги голуна жардам берди. Видео

391
Кыргызстандык футболчу Гүлжигит Алыкулов команданын негизги курамында чыгып, беттештин 81-мүнөтүндө алмаштырылды.

Кыргызстандык футболчу Гүлжигит Алыкулов казакстандык "Кайрат" клубунун Европа лигасындагы кезектеги оюнунда голду уюштурууга катышты. Учурдун видеосун казакстандык клуб өзүнүн Facebook баракчасына койду.

Кечээ УЕФАнын Европа лигасы мелдешинин квалификациялык баскычынын чейрек финалында "Кайрат" Израилдин "Маккаби" клубу менен кез келген.

Беттеште Алыкулов чабуулду баштап, капталдагы өнөктөшү Гафуржан Сүйүнбаевге топту өткөрүп берген. Анын айып аянтчасына чыгарган тобун бразилиялык чабуулчу Вагнер Лав голго айлантып, эсепти теңеген.

Бир метрден гол киргизе албай уят болгон футболчу талоондо калды. Видео

Бирок бул гол казакстандык команданын кийинки баскычка чыгуусуна пайдасы тийген жок. "Кайрат" "Маккабиге" 2:1 эсебинде жеңилип, мелдештен четтеди.

Кыргызстандык футболчу Гүлжигит Алыкулов негизги курамда чыгып, беттештин 81-мүнөтүндө алмаштырылды.

Гүлжигиттин "Кайрат" клубу аталган мелдештин буга чейинки раундунда Армениянын "Ноа" командасы менен ойноп, 4:1 эсебинде уткан. "Кайраттын" биринчи голун Гүлжигит Алыкулов киргизген.

391
Белгилер:
Европа лигасы, Гүлжигит Алыкулов, футбол
Тема боюнча
Гүлжигит Алыкулов: голума абдан сүйүндүм, бирок дараметимди толук ача элекмин
Ирмемди кармады! Футболчу Гүлжигит Алыкуловдун кезектеги чеберчилиги видеодо
Врач проводит тест на COVID-19 в Национальной больнице профессора Алехандро Посадаса в муниципалитете Эль-Паломар, провинция Буэнос-Айрес на фоне пандемии нового коронавируса. 18 сентября 2020 года

Коронавирус жуктургандар менен айыккандар. Кыргызстандагы соңку статистика

38
(жаңыланган 10:56 20.09.2020)
Учурда 566 бейтап ооруканада дарыгерлердин көзөмөлүндө жатат, ал эми 1762 киши үй шартында дарыланууда.

БИШКЕК, 20-сен. — Sputnik. Соңку бир сутканын ичинде коронавирус илдетинен 94 адам айыгып чыкты. Бирок ушул эле убакыттын аралыгында 81 кыргызстандык вирус жуктуруп алганы аныкталды. Бул туурасында Республикалык штабдан билдиришти.

COVID-19дан сакайып чыккандар:

  • Бишкек – 15;
  • Ош шаары – 2;
  • Чүй облусу – 18;
  • Ош облусу – 8;
  • Нарын облусу – 2;
  • Ысык-Көл облусу – 12;
  • Жалал-Абад облусу – 12;
  • Баткен облусу – 25.

Ушуну менен өлкөдө 41 578 бейтап коронавирусту жеңип чыкты.

Окумуштуулар коронавируска кабылуу коркунучун 5 эсе азайткан ыкма табышты

Бир сутка ичинде COVID-19 жуктуруп алгандар:

  • Бишкек – 10;
  • Ош – 2;
  • Чүй облусу – 5;
  • Ош облусу – 8;
  • Талас облусу – 3;
  • Ысык-Көл облусу – 14;
  • Жалал-Абад облусу – 20;
  • Баткен облусу – 19.

Пандемия башталгандар бери коронавирус илештирип алган кыргызстандыктардын саны 45 416га жетти.

Боронов: форс-мажордук абалга даяр болуп, дарыларды камдайлы

Аны менен катары кечээтен бери өлкө боюнча 9 медицина кызматкери коронавирус жуктуруп алганы тастыкталды. Ал эми 4 медик айыгып ооруканадан чыгарылды, үй карантининдеги 18 медкызматкер сакайды.

Кыргызстанда ак халатчандардын арасында 3 199 учур катталып, алардын ичинен 2 801и ооруну жеңе алган.

Өткөн сутка оорулан көз жумгандар болгон жок. Өлкөдө буга чейин COVID-19 илдетинен ажал тапкандардын саны 1 063дү түзөт.

Учурда 566 бейтап ооруканада дарыгерлердин көзөмөлүндө жатса, 1762 киши үй шартында дарыланууда.

38
Белгилер:
оорукана, медик, айыгуу, жуктуруу, статистика, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Көнүп баратат... Коронавирус сезондук оорулардын катарын толукташы ыктымал
COVID-19дан дарылаган препараттар жүрөктү талкалашы мүмкүн. Жаңы иликтөө