Футзал тобу. Архивдик сүрөт

Футзал: мыкты дарбазачы Акматалиев Россиянын "Волгарь" клубуна өттү

91
(жаңыланган 13:16 30.08.2020)
Келишим бир жылдык мөөнөткө түзүлгөн. Трансфердин суммасы, футболчунун ала турган маянасы тууралуу маалыматтар айтылган эмес.

БИШКЕК, 30-авг. — Sputnik. Кыргызстандын футзал курама командасынын дарбазачысы Бекболот Акматалиев Россиянын "Волгарь" клубуна өттү. Бул тууралуу маалыматты россиялык клуб өзүнүн Instagram баракчасына жарыялады.

Посмотреть эту публикацию в Instagram

Публикация от МФК "Волгарь" Астрахань (@volgar_mfc)

"Улуттук чемпионатта Акматалиев символикалуу курамдын "Башкы бештигине" кирген. Мелдештин жүрүшүндө ал мыкты натыйжа жана туруктуу оюн көрсөткөн. Дарбазасын жакшы тосуу менен эле чектелбей, оюнчуларга пас берип, чабуулду уюштурууга көмөктөшкөн. Мындан сырткары, ал пас берип ойногон, гол киргизген дарбазачы (Акматалиев чемпионатта 4 гол киргизген) болгону менен баалуу", — деп айтылат россиялык команданын билдирүүсүндө.

Бекболот Акматалиевдин "Волгарь" клубуна өткөнүн дарбазачы ойногон EREM клубунун башкы машыктыруучусу Данияр Абдыраимов Sputnik Кыргызстан агенттигине тастыктады. Анын айтымында, Россия футзалдан дүйнөдөгү алдыңкы командалардан болуп саналгандыктан, спортчунун өсүүсүнө жакшы шарт болот.

"Барселона" Лионель Месси клубдан кетүүгө камынып жатканын ырастады

"Бекболот биздин командада бир сезон толугу менен негизги дарбазачы болуп ойноду. Деңгээли жогорулады. Россиялык клубдан сунуш түшүп, ошол жакка өткөнгө уруксат берүүнү өтүндү. Жакында Азия чемпионатында ойномокпуз. Бекболот бизге аябай керектүү оюнчу болчу. Ошого карабастан анын каалоосуна макулдук бердик. Чет жактардан тажрыйба алган футболчулар Кыргызстандын футзалын өстүрөт. Бул жакшы көрүнүш", — деди ал.

Келишим бир жылдык мөөнөткө түзүлгөн. Трансфердин суммасы, футболчунун ала турган маянасы тууралуу маалыматтар айтылган эмес.

Бекболот Акматалиев Кыргызстандын улуттук командасынын курамында 13 беттешке чыккан. Ал эми EREM клубу менен быйыл Кыргызстандын чемпиону болгон.

91
Белгилер:
Россия, трансфер, футзал
Тема боюнча
Кыргызстанда кум үстүндөгү футбол боюнча өлкө кубогу үчүн мелдеш өтүүдө
"Дордой" кезектеги жеңишти камсыздап, чемпиондук жарышта алдыга озду
Америкалык мушкер Жастин Гэтжи. Архив

Гэтжи: Нурмагомедовдун бети-башын канга боёйм

308
(жаңыланган 19:12 23.09.2020)
Нурмагомедов менен Гэтжинин кармашы 24-октябрда өтүүчү UFC 254 мелдешинин башкы беттеши болмокчу.

БИШКЕК, 23-сен. — Sputnik. Америкалык мушкер Жастин Гэтжи UFC чемпиондугу үчүн россиялык Хабиб Нурмагомедов менен боло турган беттешин кандай пландап жатканын айтты. Бул тууралуу BJ Penn маалымат булагына таянып РИА Новости жазды.

Нурмагомедов менен Гэтжинин кармашы 24-октябрда өтүүчү UFC 254 мелдешинин башкы беттеши болмокчу. Гэтжи учурда Абсолюттук мушкерлер чемпионатынын жеңил салмактагы чемпиондук курунун утурумдук ээси болуп саналат.

"Мен Хабибдин оозун канжалатарымды билем. Мен анын өзүнүн токмоктолгонун көрсүн дейм. Анын буга жасаган реакциясын көргүм келет. Ал мендей келесоо эмес. Анын мушташуу ыкмасы канжалата сабаган көрүнүштөрдү камтыбайт. Өзүнүн канга боёлгон абалын көрүп калышы мүмкүн экени Нурмагомедовдун оюна да келбесе керек. Бул ал үчүн эч качан чечүүчү фактор болгон эмес", — деген Гэтжи.

Жастин Гэтжи ушул жылдын 9-майында мекендеши Тони Фергюсонду уткандан кийин россиялык мушкерге башкы атаандаш болгон. ММА спортунда Гэтжи 24 беттеш өткөрүп, анын 22син утуп, эки ирет жеңилүү ызасын тарткан.

Нурмагомедов октагондо Гэтжиден эмнеси менен айырмаланарын айтты

Ал эми Хабиб Нурмагомедов жалпысынан 28 беттешке чыгып, баарында жеңүүчү болгон. Акыркы ирет россиялык мушкер 2019-жылдын 8-сентябрында америкалык Дастин Порье менен октагонго чыгып, экинчи раундда муунтуу ыкмасы менен утуп, UFC чемпиону наамын экинчи ирет коргогон. Дагестандык спортчу учурда дүйнөдөгү эң абройлуу мушкерлер уюмунун жеңил салмактагы чемпиону.

308
Белгилер:
кур, чемпион, беттешүү, Хабиб Нурмагомедов, UFC, Жастин Гэтжи
Тема боюнча
UFC "Мушкерлер аралында" 5 мелдеш өткөрүп, бирине Хабиб Нурмагомедов чыгат
Манчестер Сити клубунун жарым коргоочусу Кевин Де Брюйне

Роналду да, Месси да жок. УЕФАнын "мыкты футболчусуна" үч талапкер тандалды. Видео

148
(жаңыланган 18:27 23.09.2020)
УЕФАнын мыкты футболчу сыйлыгы 2010-жылдан бери ыйгарылып келет. Анын тарыхында Криштиану Роналду менен Лионель Месси алгачкы жолу алдыңкы үчтүккө кирбей калды.

БИШКЕК, 23-сен. — Sputnik. "Манчестер Сити" клубунун жарым коргоочусу Кевин Де Брюйне, "Бавариянын" чабуулчусу Роберт Левандовски жана дарбазачысы Мануэль Нойер УЕФАнын 2019/2020-жылдагы мыкты футболчусу сыйлыгына башкы үч талапкердин катарына кирди. Бул тууралуу аталган уюмдун расмий сайтында айтылат.

УЕФАнын мыкты футболчу сыйлыгы 2010-жылдан бери ыйгарылып келет. Анын тарыхында Криштиану Роналду менен Лионель Месси алгачкы жолу алдыңкы үчтүккө кирбей калды.

Талапкерлер 2019/2020-жылы Чемпиондор лигасына жана Европа лигасына катышуучу клубдардын 80 машыктыруучусу, ошондой эле 55 журналист курамына кирген калыстардын добушу менен тандалган. Мында машыктыруучуларга өз клубунда ойногон футболчуларга добуш берүүгө уруксат берилген эмес.

Гүлжигит Алыкулов "Кайраттын" УЕФА мелдешиндеги голуна жардам берди. Видео

Европанын мыкты футболчусунун ысымы Чемпиондор лигасы мелдешинде өзгөчөлөнгөн футболчулар менен кошо 1-октябрда Ньон шаарында Чемпиондор лигасынын 2020/2021-жылдагы сезонуна чүчү кулак тартуу салтанатында айтылат.

Тандоого ылайык кийинки катарларда:

4. Лионель Месси (Барселона) 53 добуш

Неймар (Пари Сен-Жермен) 53 добуш.  Экөө бир сапта туруп калды.

5. Томас Мюллер (Бавария) 41 добуш

6. Килиан Мбаппе (Пари Сен-Жермен) 39 добуш

7. Тьяго Алькантара (Бавария) 27 добуш

8. Жошуа Киммих (Бавария) ) 26 добуш

9. Криштиану Роналду (Ювентус) 25 добуш алышкан.

148
Белгилер:
Чемпиондор лигасы, мыкты оюнчу, футбол
Тема боюнча
FIFA футбол командаларынын рейтингин жаңылап, Кыргызстан бир сапка көтөрүлдү
Топтун ордуна атаандашын бетке тепкен футболчу оюндан куулду. Видео

БУУнун Коопсуздук кеңешин кеңейтүү... Тынчтыкты сактоо үчүн эмнесин калтыруу зарыл?

0
БУУга мүчө-өлкөлөрдүн лидерлери уюмду жаңылоодо. Башкы ассамблеянын мааракелик отурумунда реформалоо боюнча бир нече сунуш түштү.

Быйыл Бириккен Улуттар Уюмуна 75 жыл толду. Ага мүчө-өлкөлөр бир катар жерлерин өзгөртүүнү чечишти. Дүйнө башкача боло баштады, түзүм өзгөрдү. Эмне болгон күндө да, өзгөрүү баары бир жакшы жакка алып бара турган ыңгайлуу учур. Маселен, Владимир Путин вето укугун сактоону сунуштады. Дүйнөдө туруктуулукту сактоо эмне үчүн маанилүү деген суроого төмөнкү видеодон жооп алууга болот.

0
Белгилер:
Владимир Путин, БУУнун Башкы Ассамблеясы, БУУ, Россия
Тема боюнча
Путин: БУУ бир орунда катып калбай, заманга ылайыкташуусу керек