UFC уюмунун жеңил салмактагы чемпиону Хабиб Нурмагомедов. Архивдик сүрөт

Нурмагомедов октагондо Гэтжиден эмнеси менен айырмаланарын айтты

160
(жаңыланган 10:21 07.09.2020)
Россиялык мушкер анын сокку узатуу техникасын көбү баалай бербей турганын моюндаган. Бирок ага карабастан Гэтжиден өйдө турарын айткан.

БИШКЕК, 7-сен. — Sputnik. UFC уюмунун жеңил салмактагы чемпиону Хабиб Нурмагомедов америкалык атаандашы Жастин Гэтжиден октагондо эмнеси менен айырмалана турганын айтып берди. Бул тууралуу ал "Известияга" берген маегинде билдирди.

Агенттиктин журналисти мушкерден анын өзгөчөлүгү сокку узатуубу же чыдамкайлыкпы деп сураган.

Нурмагомедов: Гэтжиден кийин Макгрегор менен кармашууга даярмын

"Чыдамкайлык жагынан каршылашымдан бир топ өйдө турам деп эсептейм. Ал эми сокку жагынан... Көбү бул жагымды баалай бербейт. Мен 12 жашыман профессионалдар арасында чыгып келем. Ошол убактан бери бети-башыман жаракат алган учур боло элек. Жастин Гэтжини эки ирет нокаутка кетиришкен. Бирок ошого карабастан катуу, бышык спортчу. Бирок сокку узатуу техникасы жагынан да андан жогору турам деп эсептейм", — деген Нурмагомедов.

Ошондой эле россиялык мушкер Гэтжи күрөшүүдө мыкты коргоно аларын белгилеген.

Эскерте кетсек, Нурмагомедов 24-октябрда Абу-Даби шаарында Гэтжи менен күч сынашат. Анда россиялык мушкер наамын үчүнчү ирет коргомокчу.

160
Белгилер:
беттешүү, күрөш, сокку, Жастин Гэтжи, Хабиб Нурмагомедов, UFC
Тема боюнча
UFC уюмунан эң көп акча тапкан мушкерлер. Киреше рейтинги
Мушкер. Архив

Тайлык мушкер атаандашын бир сокку менен бүк түшүрдү. Видео

173
(жаңыланган 13:36 19.09.2020)
Муну менен 27 жаштагы Капитан Петчинди аталган промоушендин эң бат жыйынтыкталган беттешин камсыздап, рекорд жаратты.

БИШКЕК, 19-сен. — Sputnik. Кечээ ONE Championship мелдешинде тайлык мушкер Капитан Петчинди атаандашын алты секундада нокаутка кетирди. Бул тууралуу Р-спорт жазды. 

Посмотреть эту публикацию в Instagram

Публикация от ONE Championship (@onechampionship)

Бангкокто ONE Championship промоушенинин эрежесиз эр уруш боюнча кезектеги мелдеши өттү. Анда жеңил салмактагы мушкерлер Капитан Петчинди менен Петчтатонг Петчфергус кезиккен. Беттеште жеңишти камсыз кылуу үчүн Петчиндиге алты секунда жана бир кубаттуу сокку уруу жетиштүү болгон.

Атаандашын оодара тээп, нокаутка түшүргөн мушкер UFC уюмуна чакырылды. Видео

Старттык белги берилип, мушкерлер бири-бирине жакындаганда эле тайлык спортчунун алгачкы соккусу атаандашынын бет тушуна таамай тийип, аны нокаутка кетирген.

Муну менен 27 жаштагы мушкер аталган промоушендин эң бат жыйынтыкталган беттешин камсыздап, рекорд жаратты.

ONE FC уюмунун расмий сайтында айтылгандай, Капитан Петчинди 181 беттешке чыгып, 141 ирет жеңишке жеткен. Эми муай-тай боюнча үч жолку дүйнө чемпиону ONE Championship уюмунун чемпиондук куру үчүн россиялык Алаверди Рамазанов менен чыгары айтылууда.

173
Белгилер:
нокаут, сокку, мелдеш
Тема боюнча
FIFA футбол командаларынын рейтингин жаңылап, Кыргызстан бир сапка көтөрүлдү

Гүлжигит Алыкулов "Кайраттын" УЕФА мелдешиндеги голуна жардам берди. Видео

397
Кыргызстандык футболчу Гүлжигит Алыкулов команданын негизги курамында чыгып, беттештин 81-мүнөтүндө алмаштырылды.

Кыргызстандык футболчу Гүлжигит Алыкулов казакстандык "Кайрат" клубунун Европа лигасындагы кезектеги оюнунда голду уюштурууга катышты. Учурдун видеосун казакстандык клуб өзүнүн Facebook баракчасына койду.

Кечээ УЕФАнын Европа лигасы мелдешинин квалификациялык баскычынын чейрек финалында "Кайрат" Израилдин "Маккаби" клубу менен кез келген.

Беттеште Алыкулов чабуулду баштап, капталдагы өнөктөшү Гафуржан Сүйүнбаевге топту өткөрүп берген. Анын айып аянтчасына чыгарган тобун бразилиялык чабуулчу Вагнер Лав голго айлантып, эсепти теңеген.

Бир метрден гол киргизе албай уят болгон футболчу талоондо калды. Видео

Бирок бул гол казакстандык команданын кийинки баскычка чыгуусуна пайдасы тийген жок. "Кайрат" "Маккабиге" 2:1 эсебинде жеңилип, мелдештен четтеди.

Кыргызстандык футболчу Гүлжигит Алыкулов негизги курамда чыгып, беттештин 81-мүнөтүндө алмаштырылды.

Гүлжигиттин "Кайрат" клубу аталган мелдештин буга чейинки раундунда Армениянын "Ноа" командасы менен ойноп, 4:1 эсебинде уткан. "Кайраттын" биринчи голун Гүлжигит Алыкулов киргизген.

397
Белгилер:
Европа лигасы, Гүлжигит Алыкулов, футбол
Тема боюнча
Гүлжигит Алыкулов: голума абдан сүйүндүм, бирок дараметимди толук ача элекмин
Ирмемди кармады! Футболчу Гүлжигит Алыкуловдун кезектеги чеберчилиги видеодо
Шайлоо участкасында добуш берип аткан бишкектиктер. Архивдик сүрөт

БШК: көпчүлүк “баарына каршы” добуш берсе да ушул партиялар кайра шайлоого катышат

0
(жаңыланган 11:27 20.09.2020)
Соңку убакта социалдык тармактарда азыркы партиялардын парламентке келишине бөгөт коюу максатында баарына каршы добуш берүүнү активдүү үгүттөгөндөр болууда.

БИШКЕК, 20-сен. — Sputnik. Эгер парламенттик шайлоодо “баарына каршы” графасына добуш бергендер көп болуп чыга турган болсо кайрадан ушул эле партиялар, азыркы тизмедеги талапкерлери менен шайлоого катышат алат. Бул туурасында Sputnik Кыргызстан агенттигине Борбордук шайлоо комиссиясынын мүчөсү Кайрат Осмоналиев билдирди.

Белгилей кетсек, мыйзам боюнча бир дагы партия жети пайыздык босогодон жогорку добуш ала албаса жана “баарына каршы” графасы биринчи сапка чыкса, кайрадан шайлоо өткөрүлөт.

Шайлоочу кимге добуш бергенин партиялар текшере алабы? БШКнын жообу

Соңку убакта социалдык тармактарда баарына каршы добуш берүүнө активдүү үгүттөгөндөр болууда. Алар эгер “баарына каршы” графасы биринчи орунга чыкса кайра шайлоо өтүп, азыркы партиялар ага катыша албай турганын айтып келишкен.

“Азыркы жана башка партиялар кайрадан катышууга укуктуу болот. Ошондой эле талапкерлердин тизмесин да өзгөртө алышат. Кайра шайлоо өткөрүү дайындалганда катышууну каалаган бардык партиялар арыз жазып, кайра башынан БШКдан каттоодон өтөт”, — деди Осмоналиев.

Ошондой эле ал “Президентти жана Жогорку Кеңештин депутаттарын шайлоо жөнүндө” Конституциялык мыйзамдын 38-беренесинде партияларга тиешелүү эреже жазылганын белгиледи.
Ага ылайык, кайра шайлоо өткөрүлгөн учурда, иш аракеттери шайлоону жараксыз деп таануу үчүн негиз болгон талапкерлер кайрадан шайлануучу укугуна ээ боло албайт.

Шайлоодо ат салышчу партиялардын талапкерлери. Толук тизме

Эгерде мамлекеттик бийлик, жергиликтүү өз алдынча башкаруу органдарынын, шайлоо комиссиясынын кызматкерлеринин чечимдери шайлоонун жыйынтыгын жараксыз деп тааныса, биринчи турдагы шайлоого катышкан партиялардын баары жана башкалары катыша алат.

Учурда Жогорку Кеңештин депутаты мандатын алууга 16 партия ат салышууда. Шайлоо 4-октябрга дайындалган.

0
Тема:
Шайлоо-2020
Тема боюнча
Админресурс колдонгондор кандай жазаланат? Мамкызматкерлер үчүн маалымдама