UFC уюмунун эң жеңил салмактагы чемпиону, россиялык мушкер Петр Ян. Архивдик сүрөт

UFC: россиялык мушкер Петр Ян Конор Макгрегорго чакырык таштады. Видео

290
(жаңыланган 17:23 07.09.2020)
Макгрегор ММА спортунда 26 беттешке чыгып, 22 атаандашын уткан. Ян 15 беттештин 14үн жеңип, бир жолу жеңилген.

БИШКЕК, 7-сен. — Sputnik. UFC уюмунун эң жеңил салмактагы чемпиону, россиялык мушкер Петр Ян өзүнүн Instagram-аккаунту аркылуу ирландиялык спортчу Конор Макгрегорго чакырык таштады.

Посмотреть эту публикацию в Instagram

Публикация от Петр "No Mercy" Ян (@petr_yan)

Россиялык спортчу "Вечерний Ургант" телешоу программасындагы фрагментти жайгаштырган. Видеодо мушкер узун бойлуу теле алып баруучу Иван Ургантты башка тепкени тартылган.

"Кечки Ян. Конор Макгрегор, сен кийинки болосуң", — деп спортчу билдирүү калтырган.

Ирландиялык мушкер UFC уюмунун жеңил жана орто жеңил салмактагы экс-чемпиону болуп саналат. Июнь айында ал спорттук карьерасын жыйынтыктаганын айткан. Деген менен ал азыр да промоушендин мыкты мушкерлеринин катарында жазылып келет.

Нурмагомедов октагондо Гэтжиден эмнеси менен айырмаланарын айтты

Макгрегор ММА спортунда 26 беттешке чыгып, 22 атаандашын уткан. Ян 15 беттештин 14үн жеңип, бир жолу жеңилген.

Россиялык мушкер Петр Ян UFC уюмунун жаңыланган рейтингинде бир сапка жогорулап, 11-катарга чыкты. Ал эми Конор Макгрегор 10-катарда.

290
Белгилер:
чакырык, Конор Макгрегор, UFC, Петр Ян
Тема боюнча
Ууруну убагында токтотуп калган күзөтчү аял UFC уюмунда иштемей болду
UFC уюмунан эң көп акча тапкан мушкерлер. Киреше рейтинги
UFC уюмунун жеңил салмактагы чемпиону, россиялык мушкер Хабиб Нурмагомедов. Архив

Хабиб Нурмагомедов эң кымбат спортчулардын ондугунан орун алды

105
(жаңыланган 16:11 29.09.2020)
Спортчулар таасири, ийгилиги, эл оозуна алынганы, резонанстуу окуялары жана кирешеси сыяктуу критерийлер боюнча бааланган.

БИШКЕК, 29-сен. — Sputnik. UFC уюмунун жеңил салмактагы чемпиону, россиялык мушкер Хабиб Нурмагомедов дүйнөдөгү эң баалуу спортчулардын тизмесинде жетинчи орунду ээледи. Бул тууралуу Nielsen компаниясы жарыялаган маалыматка таянып, РИА Новости жазды.

Спортчулар таасири, ийгилиги, эл оозуна алынганы, резонанстуу окуялары жана тапкан кирешеси сыяктуу критерийлер боюнча бааланган. Нурмагомедов карьерасында 28 беттешке чыгып, баарын жеңген жетишкендиги менен бул тизмеде жалгыз россиялык өкүл болуп калды.

Рейтинг боюнча тизменин сап башына 115 упай менен "Барселона" футбол клубунун аргентиналык чабуулчусу Лионель Месси чыкты. Экинчи орунду 113 упай менен "Ювентус" клубунун португалиялык чабуулчусу Криштиану Роналду ээледи. "Лос-Анджелес Лейкерс" баскетбол командасынын оюнчусу, америкалык Леброн Джеймс 110 упай менен үчүнчү сапка илешти.

UFC уюмунан эң көп акча тапкан мушкерлер. Киреше рейтинги

Алдыңкы ондуктагы калган спортчулар төмөнкүдөй жайгашкан:

4. Вират Кохли (Индия, крикет, 109 упай);

5. Бьянка Андрееску (Канада, теннис, 107 упай);

6. Неймар (Бразилия, футбол, 107 упай);

7. Хабиб Нурмагомедов (Россия, ММА, 106 упай);

8. Рохит Шарма (Индия, крикет, 103 упай);

9. Мохамед Салах (Египет, футбол, 103 упай);

Пауло Дибала (Аргентина, футбол, 100 упай).

105
Белгилер:
Хабиб Нурмагомедов, Лионель Месси, рейтинг, спортчу
Тема боюнча
Кыргызстандык мушкерлер Хабибдин атасына арналган турнирге катышты. Видео
Хабиб — Жастин беттешинде ким жеңет? ММА мыктыларынын талдоосу
Гэтжи: Нурмагомедовдун бети-башын канга боёйм
ФИФА логотиби. Архив

ФИФА "Олимпия" клубунун президентин өмүрүнүн аягына чейин футболдон четтетти

86
(жаңыланган 10:27 29.09.2020)
Марко Тровато 2018-2019-жылдары өткөн бир катар беттештердин жыйынтыгын манипуляциялаган деп айыпталууда.

БИШКЕК, 29-сен. — Sputnik. Парагвайдын "Олимпия" клубунун президенти Марко Тровато өмүрүнүн аягына чейин футболдон жана футболдук ишмердүүлүк жүргүзүүдөн четтетилди. Бул тууралуу Эл аралык футбол федерациясынын (ФИФА) расмий сайтында айтылат.

Мындай чечимди ФИФАнын тартип комитети 24-сентябрда чыгарган. Маалыматка ылайык, Тровато 2018-2019-жылдары өткөн бир катар беттештердин жыйынтыгын манипуляциялап, жең ичинен сүйлөшкөн деп айыпталууда.

Мындан сырткары, ал иликтөө убагында комитет менен кызматташуудан да баш тарткан.

Кыргызстандык 4 оюнчу футболдон өмүр бою четтетилди. Себеби

Троватого өмүр бою футболдон четтетилген жазадан сырткары 100 миң швейцар франкы (107 миң доллар) өлчөмүндө айып салынган.

Асунсьондук "Олимпия" Парагвайда эң абройлуу клуб деп саналат. Команда 44 ирет өлкө чемпионатын уткан, үч ирет Либертадорес кубогун жеңип алган. Акыркы төрт чемпиондук титулду "Олимпиа" Марко Тровато жетекчилик кылган тушта, дал ошол 2018-2019-жылдары алып, жазгы жана күзгү чемпионаттарды удаасы менен уткан.

86
Белгилер:
четтетүү, Парагвай, футбол, ФИФА
Тема боюнча
UEFA уюмунун экс-президенти Мишель Платини коррупция иши боюнча камакка алынды
Армениянын премьер-министри Никол Пашинян менен Азербайжандын президенти Илхам Алиев. Архив

Армения менен Азербайжандын башчылары телеэфирде катуу билдирүү жасашты

0
(жаңыланган 01:15 30.09.2020)
Пашинян жаңжалга Түркиянын аралашканын сындап чыкса, Алиев аталган өлкө Азербайжанга моралдык гана колдоо көрсөтүп жатканын билдирди.

БИШКЕК, 30-сен. — Sputnik. Армениянын премьер-министри Никол Пашинян менен Азербайжандын президенти Илхам Алиев "Россия 1" телеканалынын "60 минут" программасынын эфиринде Тоолуу Карабахтагы жаңжал тууралуу бири-бирине комментарий беришти.

Маанилүү билдирүүлөрү:

  • Илхам Алиев Азербайжан тараптан 11 жай тургун, анын ичинде эки жаш бала каза таап, аскерлер дагы набыт болгонун билдирди. Мындан улам Баку тийиштүү жооп кайтарганын айтты;
  • Никол Пашинян Түркия Карабахтагы жаңжалга кадимкидей аралашып, жадагалса Түркиянын жогорку даражалуу адамдары аскердик аракеттерди жетектеп турганын билдирди;
  • Алиев Түркия Ереван менен болгон жаңжалга катышып жатканы туурасында маалыматты четке кагып, "фейк" деп атады;
  • Пашинян армян элине коркунуч жаралып жатканын айтып, дүйнөлүк коомчулукту Баку менен Анкаранын аракеттерин талкуулоого жана Түркияны "Түштүк Кавказдан кетүүгө" аргасыз кылууга чакырды.
  • Алиев Армениянын талаптары Карабах боюнча сүйлөшүүгө ылайыксыз деп атады. Ал "Армениянын премьер-министри "Карабах — бул Армения, ошону менен чекит коюлушу керек" деп ачык эле айтууда. Мындай учурда кандай сүйлөшүү процесси тууралуу кеп кыла алабыз?" — деди;
  • Пашинян Карабахтагы жаңжалга түркиялык учактын катышканы көрүнүп турган факт экенин айтты;
  • Алиев Түркия Азербайжанга моралдык гана колдоо көрсөтүп жатканын билдирди.

Кыргызстан Азербайжан менен Армениянын жаңжалы боюнча позициясын билдирди

Карабахтагы жаңжал

27-сентябрга караган түнү Армения менен Азербайжан чектешкен аймактагы өзүн-өзү эркин деп жарыялаган Тоолуу Карабах Республикасында аскердик кагылышуулар башталган. Мунун келип чыгышына тараптар бири-бирин күнөөлөп жатат. 28-сентябрь күнү эртең менен эки тараптан тең жүздөгөн аскерлер жарадар жана каза болгону айтылды. Армения өз аймагында аскердик абал жарыялады.

Белгилей кетсек, Карабах чыры 1988-жылдын февраль айында башталган. Анда Карабах автономдук облусу Азербайжан ССРинин курамынан чыгарын жар салган. 1992-1994-жылы куралдуу тирештин жыйынтыгында Азербайжан Карабахты колдон чыгарган. 1992-жылдан бери бул кырдаалды тынчтык жолу менен жөнгө салуу боюнча Европадагы Коопсуздук жана кызматташтык уюмундагы (ЕККУ) Минск кеңешмесинин алкагында сүйлөшүүлөр жүрүп келет. Анда Азербайжан өз аймагынын бүтүндүүлүгүн көздөсө, Армения сүйлөшүүлөргө аралаша албаган Карабах Республикасынын кызыкчылыгын коргойт.

0
Белгилер:
Жаңжал, Тоолуу Карабах, Армения, Азербайжан
Тема боюнча
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Карабахтагы абалдын курчушу Кавказдагы чырга Россияны аралаштыруу аракетиндей...