Ирландиялык спортчу, UFC уюмунун мушкери Конор Макгрегор. Архив

Forbes Конор Макгрегордун жылдык кирешесин жарыялады

190
(жаңыланган 10:21 08.09.2020)
Ирландиялык мушкер байлыгынын 30 миллион долларын Дональд Серроне менен болгон беттеште иштеп тапкан.

БИШКЕК, 8-сен. — Sputnik. Ирландиялык спортчу, UFC уюмунун мушкери Конор Макгрегор Forbes журналынын тандоосу боюнча 2020-жылдагы дүйнөнүн эң бай 100 таанымал адамдардын катарына кирди. Бул тууралуу РИА Новости жазды.

Мушкердин байлыгы 48 миллион долларды түзүп, акчалуулардын тизмесинде 53-сапка жайгашты. Бул каражаттын 30 миллион долларын ал Дональд Серроне менен болгон беттеште иштеп тапкан.

"Ковбой" каймана ат менен таанылган мушкер менен Конор 2020-жылдын январь айында беттешип, ирландиялык спортчу биринчи эле раундда техникалык нокаут менен уткан.

UFC: россиялык мушкер Петр Ян Конор Макгрегорго чакырык таштады. Видео

Мушкердин кирешесинин дагы бир бөлүгү Reebok фирмасынын демөөрчүлүк келишиминен түшөт. Спорт кийимдерин чыгаруучу бул фирма Конорго жылына беш миллион доллар төлөп турат.

Мындан сырткары, Макгрегорго 2018-жылы өндүрүшкө киргизген виски чыгаруучу жеке бренди киреше алып келет.

Буга чейин Sportsmail спорттук жаңылыктар порталы UFC уюмунун эң көп маяна төлөнгөн мушкерлеринин рейтингин чыгарып, анда ирландиялык мушкер бул тизмеде алдыңкы сапты ээлеген.

Конор Макгрегор ММА спортунда 26 беттешке чыгып, 22 атаандашын утуп, 4 жолу жеңилүү ызасын тарткан. Ал UFC уюмунун жеңил жана орто жеңил салмактагы дивизиондо чемпион болгон.

190
Белгилер:
каражат, Forbes, Конор Макгрегор, UFC
Тема боюнча
Акыркысыбы? UFC Хабибдин каалаган беттешин уюштурууга даяр экенин айтты
Нурмагомедов: Гэтжиден кийин Макгрегор менен кармашууга даярмын

UFC мушкерлери Нуньес менен Андерсондун көз караштар таймашы. Видео

119
(жаңыланган 20:13 05.03.2021)
Лас-Вегаста ушул жекшемби күнү UFC 259 турнири өтөт. Анын алкагында үч титулдук беттеш болмокчу. Бүгүн жеңил салмактагы UFC чемпиону Аманда Нуньес менен австралиялык Меган Андерсондун көз караштар таймашы болуп өттү.

Акыркы жолу Нуньес өткөн жылдын июнь айында өткөн UFC 250 турниринде Фелиция Спенсер менен беттешип, калыстар тобунун добушу менен жеңүүчү деп табылган.

Ал эми Андерсон 2020-жылдын февраль айында UFC Fight Night 169 мелдешинде Норма Дюмон менен кез келип, биринчи раундда эле каршылашын нокаутка кетирген.

Орточо оор салмактагы Ян Блахович менен орто салмактагы чемпион Исраэл Адесаньенин кармашы кеченин башкы беттеши болмокчу.

Маанилүүлүгү боюнча үчүнчү орунда турган беттеш Петр Ян менен Алджамейн Стерлингдин кармашы болот.

119
Белгилер:
видео, беттешүү, Аманда Нуньес, UFC
Тема боюнча
Спортко кайткыс кылып сабаган! Нуньес Роузини уткан беттеш толугу менен жарыяланды
Бусурманкул Абдибаит уулу Хабиб Нурмагомедовдун лигасында беттешке чыгат
АКШдагы Улуттук баскетбол лигасынын (NBA) мурдагы оюнчусу, атактуу Шакил О'Нил. Архив

Шакил О'Нил рестлингдеги дебютунда рингден кулап, Тез жардам алып кетти. Видео

143
Бул NBA легендасынын аталган шоудагы дебюттук кармашы болгон. Таймаштан соң аны тез жардам унаасы ооруканага алып кеткен.

БИШКЕК, 5-мар. — Sputnik. АКШдагы Улуттук баскетбол лигасынын (NBA) мурдагы оюнчусу, атактуу Шакил О'Нил All Elite Wrestling рестлинг-промоушенине чыгып рингден кулап түштү. Бул тууралуу Eurosport маалымат булагы жазып, окуянын видеосун чыгарды.

NBA легендасы дебюттук кармашында Жэйд Кэргилл менен биргеликте Коди Родес менен Рэд Велветке каршы турган.

Таймаштын жүрүшүндө Родес күүлөнгөн бойдон тулку бою менен секирип, рингдин сыртында турган Шакилге урунган. Баскетболчу атаандашын кучактаган бойдон кулап, жердеги столдун таш-талканын чыгарышкан.

​Таймаштан соң алп баскетболчуну тез жардам унаасы менен ооруканага алып кетишкен.

​Калыстардын чечими менен жеңиш О'Нил менен шериги Кэргиллге ыйгарылган.

Рестлинг — бул театрлаштырылган спорттук шоу болуп саналат. Анын сценарийи шоу учурунда иштелип чыгат же алдын ала ойлонуштурулат.

Шакил О'Нил — Улуттук баскетбол лигасынын төрт жолку чемпиону. Анын бою 2 метр 16 сантиметр болсо, салмагы 147 килограмм. Ал NBA мелдешинин тарыхында эң көп упай алган алты спортчунун бири болуп эсептелет.

143
Белгилер:
Шакил О'Нил, оорукана, тез жардам, жаракат, окуя, дебют
Тема боюнча
Тай бокс чебери атаандашын санга тээп нокаутка кетирди. Видео
Суу майын чыгаруучу завод. Архивдик сүрөт

Өкмөт суу май жана кумшекер өндүргөндөр менен түз келишим түзүүнү карап жатат

0
(жаңыланган 17:49 06.03.2021)
Премьер-министр азык-түлүк жарманкесине барды. Ал өкмөт бир катар азыктардын баасын кармап туруу үчүн бардык күч-аракетин жумшап жатканын белгилеген.

БИШКЕК, 6-мар. — Sputnik. Өсүмдүк майын жана кумшекер өндүрүүчүлөр менен түз келишим түзүү маселеси иштелип жатат. Бул тууралуу премьер-министр Улукбек Марипов Бишкекте өткөн айыл чарба жарманкесине барганда айтканын өкмөттөн кабарлашты.

Маалыматка ылайык, жарманкеге келгендер азык-түлүк баасынын жогорулашына жана анын пенсионерлер менен калктын аярлуу катмарына бөтөнчө сезилип жатканына тынчсызданган. Бааны жөнгө салуу боюнча мамлекеттик антимонополиялык кызматтын ишине да сын айтылган.

Премьер-министр келтирилген жүйөлөр менен макул болуп, учурда өкмөт бир катар азыктардын баасын кармап туруу үчүн болгон күч-аракетин жасап жатканын белгиледи.

"Азык-түлүк коопсуздугу жана негизги тамак-аш азыктарынын баасын жөнгө салуу маселелери менин жеке көзөмөлүмдө турат. Жооптуу мамлекеттик органдарга өсүмдүк майын жана шекерди өлкөгө жеткирүү жана жеткиликтүү баада сатуу үчүн өндүрүүчүлөр менен түз келишимдерди түзүү маселесин иштеп чыгуу тапшырылды. Бул кадамдар өсүмдүк майынын жана кумшекердин баасынын бир аз төмөндөшүнө алып келиши керек. Эт азыктарына бааны жөнгө салуу боюнча зарыл болгон иштер жүргүзүлүп жатат. Өсүмдүк майын өндүрүүгө дараметибиз бар. Мен мурдараак кумшекер жана өсүмдүк майын иштетүү жана өндүрүү максатында кант кызылчасын жана күнкараманы айдоо аянтын кеңейтүүнү тапшыргам", — деди Марипов.

Ошондой эле ал өкмөттүн негизги максаты — тамак-аш азыктарында импорттун үлүшүн 50 пайызга чейин азайтуу болуп саналарын кошумчалады.

0
Белгилер:
май, Кумшекер, кымбаттоо, калк, баа, азык-түлүк, Улукбек Марипов, премьер-министр
Тема боюнча
Былтыр Кыргызстан 6 миң тонна грек жаңгагын экспорттоду. Алган өлкөлөр
Бензин 5 сомго кымбаттап кетти. Нефть ташуучулар себебин түшүндүрдү