Россиялык UFC мушкери Хабиб Нурмагомедов. Архив

UFC "Мушкерлер аралында" 5 мелдеш өткөрүп, бирине Хабиб Нурмагомедов чыгат

210
(жаңыланган 10:56 08.09.2020)
Мелдештер ар бир аптанын ишемби күнүндө өтүп, Хабиб Нурмагомедов жана Жастин Гэтжинин чемпиондук кур үчүн болгон беттеши менен аяктайт.

БИШКЕК, 8-сен. — Sputnik. UFC уюму сентябрдын аягынан октябрдын соңуна чейин Абу-Даби шаарындагы "Мушкерлер аралы" спорттук жайында беш мелдеш уюштурат. Бул тууралуу белгилүү журналист Бретт Окамото ESPN телеканалына жазды.

Анын маалыматы боюнча, мелдештер ар бир аптанын ишембисинде өтүп, россиялык мушкер Хабиб Нурмагомедов жана америкалык Жастин Гэтжинин чемпиондук кур үчүн болгон беттеши менен аяктайт.

"UFC кайрадан Абу-Даби шаарындагы Яс аралына келип, 26-сентябрдан 24-октябрга чейин беш мелдеш өткөрөт", — деп билдирет ESPN.

АКШлык мушкер 9-майда Тони Фергюсонду мөөнөтүнөн мурда жеңип, жеңил салмактын утурумдук чемпиону наамын алгандан кийин россиялык мушкерге башкы атаандаш болгон.

Алгачкы жолу! UFC эже-сиңди Шевченколорду бир турнирде октагонго чыгарат

Мелдештер сериясынын алгачкысы UFC 253 болмокчу. Анда орто салмактын чемпиону Исраэль Адесанья менен Пауло Коста октагондо кезиккени мелдештин башкы беттеши болот.

 "Мушкерлер аралын" түзүү идеясын UFC уюмунун президенти Дана Уайт май айында айткан. Мындай чечим коронавирус пандемиясынан улам мелдештер токтотулган тушта кабыл алынган. Мушкерлер аянты Яс жасалма аралына жайгаштырылган. Июль айында бул аралда төрт мелдеш өткөрүлгөн.

210
Белгилер:
Абу-Даби, мелдеш, UFC
Тема боюнча
UFC уюмунан эң көп акча тапкан мушкерлер. Киреше рейтинги
UFC: россиялык мушкер Петр Ян Конор Макгрегорго чакырык таштады. Видео
UFC президенти Дана Уайт. Архив

Эркектик сөздөн тайды! UFC президенти Дана Уайт Конор Макгрегорго нааразы болду

99
(жаңыланган 09:06 28.09.2020)
Буга чейин спортчу интернетке уюмдун жетекчиси менен Instagram (Direct) аркылуу жазышкан каттарын жарыялап салган. Анда Макгрегордун UFC ардагери Диего Санчес, Жастин Гэтжи жана Тони Фергюсон божомолдонгон беттештери тууралуу сөз болгон.

БИШКЕК, 28-сен. — Sputnik. UFC президенти Дана Уайт ирландиялык мушкер Конор Макгрегор экөөнүн интернет аркылуу жазышкандарын өзүнүн социалдык баракчасына жарыялап салгандыгы үчүн сынга алды.

Буга чейин спортчу интернетке уюмдун жетекчиси менен Instagram (Direct) аркылуу жазышкан каттарын жарыялап салган. Анда Макгрегордун UFC ардагери Диего Санчес, Жастин Гэтжи жана Тони Фергюсон менен божомолдонгон беттештери тууралуу сөз болгон.

​Уайт өз сөзүндө Макгрегорду “эркектик сөздөн” тайды деп сынга алды.

"Атургай аялдар дагы берилген сөздү сактоо керек деген сыяктуу жазылбаган мыйзамдар бар экенин билет. Макгрегор андай мамиле кылбаш керек эле, бул абдан ыплас болуп калды”, — деди ал UFC 253 мелдешинен кийинки маалымат жыйынында сүйлөп жатып.

Ал экөөнүн сөзүндө Макгрегор менен Санчестин божомолдонгон беттеши тууралуу кеп болгонун тастыктады.

Ал эми Конор Макгрегор жакында эле Мэнни Пакьяо менен боксердук беттешүүгө чыгарын жар салды.

99
Белгилер:
кат, беттешүү, Конор Макгрегор, Дана Уайт, UFC
Тема боюнча
Гэтжи: Нурмагомедовдун бети-башын канга боёйм

Таамай соккусу менен атаандашын нокаутка кетирген боксёрдун видеосу

115
(жаңыланган 20:58 27.09.2020)
Никарагуалык боксёр Мелвин Лопес каршылашы Йейсон Варгасты таймаштын биринчи раундунда эле таамай соккусу менен нокаутка кетирген.

Салгылашуунун видеосу Internacional Boxing YouTube-каналына жарыяланган.

Эки спортчунун кармашы (жеңил салмактагы категория) Американын Майами шаарында өткөн.

Анда Лопес каршылашын биринчи раундда эле нокаутка кетирген. Варгас бир нече саамга чейин эсин жоготуп жатып калган. Бирок рингден өзү туруп чыгып кеткен. Лопестин бул соккусун комментатор "коркунучтуу" деп атап, ал көрүүчүлөр, соцтармак колдонуучуларынын эсинде калган.

​Белгилүү болгондой, Лопес 24 салгылашуунун ичинен 23үндө жеңишке жеткен. Ал эми атаандашы ушуну менен беш жолу катары менен жеңилип жатат.

115
Белгилер:
видео, таймаш, нокаут, бокс
Тема боюнча
Баштабай жатып... UFC мушкери 17 секунданын ичинде эле оңбой калган видео
Миниатюрные долларовые купюры в кармане пиджака, символизировающий прошение о богатстве богам во время празднования в преддверии Ла-Паса. Боливия, 28 января 2018 года

Коррупцияга каршы күрөштүн 4 жылдык стратегиясы бекитилди

0
Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

БИШКЕК, 28-сен. — Sputnik. 2021-2024-жылдарга карата коррупцияга каршы күрөшүү боюнча мамлекеттик стратегия бекитилди. Бул тууралуу өлкө башчынын маалымат кызматынан билдиришти.

Эске салсак, жаңы антикоррупциялык стратегия Коопсуздук кеңешинин буга чейинки жыйынында каралган болчу.

Президент Сооронбай Жээнбеков кол койгон жарлыкка ылайык, өкмөт менен Жогорку Кеңеш башка тиешелүү мамлекеттик органдар менен биргелешип стратегияны ишке ашырууга багытталган ченемдик-укуктук актыларды иштеп чыгуусу керек.

Коопсуздук кеңеши коррупцияга каршы күрөштүн 4 жылдык долбоорун иштеп чыкты

Мындан тышкары, өкмөтүн, Жогорку сот, Башкы прокуратура жана башка мамлекеттик органдар кыска жана узак мөөнөттүү мезгилдерге коррупцияга каршы аракеттенүү боюнча иш-чаралардын деталдуу пландарын эки жуманын ичинде даярдашы зарыл.

Ошондой эле жаңы документке ылайык, өкмөт мамлекеттик органдар тарабынан антикоррупциялык пландардын өз убагында жана толук аткарылышын координациялоо жана мониторинг жүргүзүү сунушталды.

0
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды