Англиянын футбол боюнча командасынын оюнчулары Фил Фоден менен Мейсон Гринвуд. Архивдик сурөт

Англиянын футболчулары мейманканага кыз чакыра коюп, командадан куулду

136
(жаңыланган 13:48 08.09.2020)
Фоден менен Гринвуд улуттук командага жаңыдан кошулганын белгилөө үчүн мейманканага кыздарды алып келгени ачыкка чыгып кеткен.

БИШКЕК, 8-сен. — Sputnik. Англиянын футбол боюнча командасынын оюнчулары Фил Фоден менен Мейсон Гринвуд Рейкьявик шаарында мейманканага кыздарды чакырганы үчүн улуттук курама командадан чыгарылды. Бул туурасында The Daily Mail басылмасы жазып чыкты.

Окуя 5-сентябрда Исландия өлкөсүнө барып, коноктук беттешүү өткөргөндөн кийин болгон. Фоден менен Гринвуд улуттук командага жаңыдан кошулганын белгилөө үчүн мейманканага кыздарды алып келген. Муну менен алар пандемия маалындагы обочолонуу эрежесин бузушкан. Кыздардын бири мейманканадан тартылган видеону соцтармакка чыгара коюп футболчулардын абийирин ачып салган. 

​Англия командасынын оюнчулары Исландияга келгенден кийин башка чет өлкөлүктөр сыяктуу эки жума карантинге алуу эрежесинен бошотулган болчу. Ошондуктан аларга мейманканадан сырттагы адамдар менен байланышууга тыюу салынып, машыгуу залына гана барууга уруксат берилген.

Криштиану Роналду трибунада бет кабы жок отурганда стюард келип тактырды

Бул маалымат ЖМКларга тарап кеткенден кийин башкы машыктыруучу Гарет Саутгейт окуянын каарманы болгон эки оюнчу курамдан чыгарылганын жана Дания командасы менен болгон Улуттардын лигасы беттешине катышпай турганын билдирди.

Англиянын Футбол ассоциациясы Фоден менен Гринвудга карата тартиптик иликтөөсүн баштаганы маалымдалды. Аларга карантин эрежесин бузганы үчүн 250 миң Исландия крону (1800 доллар) айып салынышы мүмкүн экени айтылат.

136
Белгилер:
команда, кыз, карантин, тартип бузуулар, эреже, футболчу
Тема боюнча
Кетем деп чуу түшүргөн Месси "Барселонада" калмай болду. Чоо-жайы
Ирмемди кармады! Футболчу Гүлжигит Алыкуловдун кезектеги чеберчилиги видеодо
UFC уюмунун жеңил салмактагы чемпиону, россиялык мушкер Хабиб Нурмагомедов. Архив

Хабиб Нурмагомедов эң кымбат спортчулардын ондугунан орун алды

73
(жаңыланган 16:11 29.09.2020)
Спортчулар таасири, ийгилиги, эл оозуна алынганы, резонанстуу окуялары жана кирешеси сыяктуу критерийлер боюнча бааланган.

БИШКЕК, 29-сен. — Sputnik. UFC уюмунун жеңил салмактагы чемпиону, россиялык мушкер Хабиб Нурмагомедов дүйнөдөгү эң баалуу спортчулардын тизмесинде жетинчи орунду ээледи. Бул тууралуу Nielsen компаниясы жарыялаган маалыматка таянып, РИА Новости жазды.

Спортчулар таасири, ийгилиги, эл оозуна алынганы, резонанстуу окуялары жана тапкан кирешеси сыяктуу критерийлер боюнча бааланган. Нурмагомедов карьерасында 28 беттешке чыгып, баарын жеңген жетишкендиги менен бул тизмеде жалгыз россиялык өкүл болуп калды.

Рейтинг боюнча тизменин сап башына 115 упай менен "Барселона" футбол клубунун аргентиналык чабуулчусу Лионель Месси чыкты. Экинчи орунду 113 упай менен "Ювентус" клубунун португалиялык чабуулчусу Криштиану Роналду ээледи. "Лос-Анджелес Лейкерс" баскетбол командасынын оюнчусу, америкалык Леброн Джеймс 110 упай менен үчүнчү сапка илешти.

UFC уюмунан эң көп акча тапкан мушкерлер. Киреше рейтинги

Алдыңкы ондуктагы калган спортчулар төмөнкүдөй жайгашкан:

4. Вират Кохли (Индия, крикет, 109 упай);

5. Бьянка Андрееску (Канада, теннис, 107 упай);

6. Неймар (Бразилия, футбол, 107 упай);

7. Хабиб Нурмагомедов (Россия, ММА, 106 упай);

8. Рохит Шарма (Индия, крикет, 103 упай);

9. Мохамед Салах (Египет, футбол, 103 упай);

Пауло Дибала (Аргентина, футбол, 100 упай).

73
Белгилер:
Хабиб Нурмагомедов, Лионель Месси, рейтинг, спортчу
Тема боюнча
Кыргызстандык мушкерлер Хабибдин атасына арналган турнирге катышты. Видео
Хабиб — Жастин беттешинде ким жеңет? ММА мыктыларынын талдоосу
Гэтжи: Нурмагомедовдун бети-башын канга боёйм
ФИФА логотиби. Архив

ФИФА "Олимпия" клубунун президентин өмүрүнүн аягына чейин футболдон четтетти

74
(жаңыланган 10:27 29.09.2020)
Марко Тровато 2018-2019-жылдары өткөн бир катар беттештердин жыйынтыгын манипуляциялаган деп айыпталууда.

БИШКЕК, 29-сен. — Sputnik. Парагвайдын "Олимпия" клубунун президенти Марко Тровато өмүрүнүн аягына чейин футболдон жана футболдук ишмердүүлүк жүргүзүүдөн четтетилди. Бул тууралуу Эл аралык футбол федерациясынын (ФИФА) расмий сайтында айтылат.

Мындай чечимди ФИФАнын тартип комитети 24-сентябрда чыгарган. Маалыматка ылайык, Тровато 2018-2019-жылдары өткөн бир катар беттештердин жыйынтыгын манипуляциялап, жең ичинен сүйлөшкөн деп айыпталууда.

Мындан сырткары, ал иликтөө убагында комитет менен кызматташуудан да баш тарткан.

Кыргызстандык 4 оюнчу футболдон өмүр бою четтетилди. Себеби

Троватого өмүр бою футболдон четтетилген жазадан сырткары 100 миң швейцар франкы (107 миң доллар) өлчөмүндө айып салынган.

Асунсьондук "Олимпия" Парагвайда эң абройлуу клуб деп саналат. Команда 44 ирет өлкө чемпионатын уткан, үч ирет Либертадорес кубогун жеңип алган. Акыркы төрт чемпиондук титулду "Олимпиа" Марко Тровато жетекчилик кылган тушта, дал ошол 2018-2019-жылдары алып, жазгы жана күзгү чемпионаттарды удаасы менен уткан.

74
Белгилер:
четтетүү, Парагвай, футбол, ФИФА
Тема боюнча
UEFA уюмунун экс-президенти Мишель Платини коррупция иши боюнча камакка алынды
Жол кырсыгынан жабыркаган унаа. Архив

Бишкекте төрт машина кагышты. Видео

0
(жаңыланган 19:39 29.09.2020)
Төрт машина кагышкан жол кырсыктан жабыркагандар жок. Окуя шаардын түндүк тарабында, Элебесов көчөсүндө болгон.

БИШКЕК, 29-сен. – Sputnik. Бишкекте бүгүн төрт жеңил унаа кагышканын Кайгуул милициясынан билдиришти.

Жол кырсыгынын видеосу Telegram-каналынын “Короче” тайпасына жарыяланды.

Окуя Фере жана Элебесов көчөлөрүнүн кесилишинде болгон. Күбөлөрдүн айтымында, кырсыктын айынан Баялинов көчөсүнө чейин тыгын жаралган.

Милициядан билдиришкендей, жабыркагандар жок.

0
Белгилер:
жол кырсык, Бишкек
Тема боюнча
Анжиянда кыргызстандык айдоочу эки кызды коюп, өзү кошо көз жумду