Япониялык футболчу кыз Юки Нагасато (ортодо). Архив

Жигиттер менен теңтайлашып. Япониялык футболчу кыз эркектер лигасында ойнойт

107
(жаңыланган 10:22 12.09.2020)
АКШдагы кыз-келиндер футболундагы сезондук тыныгууга байланыштуу команда оюнчусуна эркектер лигасында ойноого уруксат берген.

БИШКЕК, 12-сен. — Sputnik. Япониялык футболчу кыз Юки Нагасато келерки сезондон тарта эркектер менен футбол сүйүүчүлөр дивизионунда ойнойт. Бул тууралуу ESPN маалымат булагы жазды.

Футболчу Юки учурда АКШдагы кыз-келиндердин "Чикаго Ред Старз" клубунда ойнойт. Футболдук сезондогу тыныгуу убагында команда оюнчусуна эркектер лигасында ойноого уруксат берген.

"Юки Канагава лигасындагы Hayabusa Eleven командасынын намысын коргойт. Ал дүйнөлүк деңгээлде эркектер менен футбол ойногон алгачкы спортчу аял болмокчу. Анын мындай кадамы тарыхта калат", — деп айтылат маалыматта.

Футзал: мыкты дарбазачы Акматалиев Россиянын "Волгарь" клубуна өттү

Белгилей кетсек, 33 жаштагы Юки Нагасато 2011-жылы Япониянын кыз-келиндер курама командасы менен дүйнө чемпионатында уткан. Улуттук команда менен 2015-жылы дүйнө чемпионатынын, 2012-жылы Олимпиада оюндарынын күмүш байгесине татыган.

Юки 2004-жылы улуттук командага чакырылып, жалпысынан 132 оюн өткөргөн. Бул аралыкта ал 58 гол киргизе алган.

107
Белгилер:
трансфер, айым, футболчу
Тема боюнча
Кетем деп чуу түшүргөн Месси "Барселонада" калмай болду. Чоо-жайы
Англиянын футболчулары мейманканага кыз чакыра коюп, командадан куулду

Жолунан адашкан атаандашын астына өткөргөн триатлончу сыйга татыды. Видео

96
(жаңыланган 09:31 22.09.2020)
Испаниялык триатлончу Диего Ментрид Santander 2020 мелдешинде марага жетер алдында атаандашын астына өткөрүп жиберген аракети үчүн баатыр аталды.

The Daily Mail маалымат булагы жазгандай, окуя Испаниянын Сантандер шаарында өткөн триатлон мелдешинде болгон.

Жарышта марага саналуу кадамдар калганда Ментрид жолунан адашып, катачылык кетирген англиялык атаандашы Джеймс Тигладан озуп кеткен. Британдык спортчу коло байгеден кол жууганына аттиң кылып жатканда, аны астыда бара жаткан атаандашы алдына өткөрүп жиберген.   

"Анын чуркап келе жатып эле капыстан жолунан адашып, ылдамдыгын жоготуп, артта калып калганын көрдүм дагы жол бошоттум. Атаандаш алдыңкы орунга татыктуу болчу", — деген спортчунун сөзүн басылма жазган.

Түркияда ойногон кыргызстандык жаш футболчу эл аралык сыйлыкка татыды

Мелдештин уюштуруучулары Ментриддин мындай жоомарттык кадамын баалап, ага үчүнчү орундун байгесине тете акчалай сыйлык беришкен. Испаниялык триатлончу 300 евро сый акы алган.

96
Белгилер:
эрдик, Испания, триатлон, спорт
Тема боюнча
Топтун ордуна атаандашын бетке тепкен футболчу оюндан куулду. Видео
Брайтон клубунун оюнчусу Ив Биссума топту акробатикалык ыкмада тебем деп атаандашы Жамал Льюисти көзүнөн ажыратып коё жаздады

Топтун ордуна атаандашын бетке тепкен футболчу оюндан куулду. Видео

238
Олдоксон кыймылы үчүн футболчу кызыл айып кагазы менен жазаланып, беттештен четтетилген. Мындай чечимди кабыл алуунун алдында калыс видеону кайталап көргөн.

БИШКЕК, 21-сен. — Sputnik. "Брайтон" клубунун оюнчусу Ив Биссума топту акробатикалык ыкмада тебем деп атаандашы Жамал Льюисти көзүнөн ажыратып коё жаздады. Футболчулардын бири-бирин тээп алган учурун The Sun жазган.

​Бул окуя Англия премьер-лигасынын экинчи турунда "Брайтон" жана "Ньюкасл" клубдарынын беттешинде болгон. Футболчулар асманга көкөлөгөн топту талашкан. Бийиктеги топту Льюис кайкалаган абалда тээп салууга аракет жасайт. Ал учурда анын буту топту башы менен сүзгөнү жаткан Биссуманын бетине тийген.

​Атаандашын жыга тепкен окуя жакында эле Франциянын кыз-келиндер футболунда катталган.

238
Белгилер:
жаза, кагаз, айып, футбол
Тема боюнча
ПСЖ — "Марсель" футболчулары мушташа кетип, бешөө оюндан куулду. Видео
Домодедово аэропортундагы жүргүнчү. Архивдик сүрөт

22 миң рубль. Москва Бишкек каттамына авиабилеттердин октябрдагы баасы айтылды

0
(жаңыланган 16:54 22.09.2020)
Туруктуу авиакаттамдар жанданары менен былтыркы жылдын ушул учуруна салыштырмалуу Россиядан Беларуска билет алгандар төрт эсеге, Казакстанга үч эсеге, Кыргызстанга 1,5 эсеге көп болууда.

БИШКЕК, 22-сен. — Sputnik. Бишкек Россиядан аба каттамдарына билет эң көп сатылган 10 шаардын катарына кирди. Бул тууралуу саякат боюнча жазган Туту.ру сайты кабарлап, октябрь айындагы билет баалары жөнүндө маалымат берди.

"Туруктуу авиакаттамдар жанданары менен Беларусь, Казакстан жана Кыргызстанга билет алгандардын саны кескин өстү. Тагыраагы, былтыркы жылдын ушул учуруна салыштырмалуу Беларуска билет алгандар төрт эсеге, Казакстанга үч эсеге, Кыргызстанга 1,5 эсеге көп болууда", — деп айтылат кабарда.

Октябрь айына Москвадан Бишкекке бир билеттин баасы орто эсеп менен 22 миң рублга сатылууда. Октябрь аяктап калганда гана бир аз арзаныраак билет табууга болот. Мисалы, россиялык авиакомпаниялардын бири бир тарапка 13 миң рублга жетип алууну сунуштайт. Бирок Ростов-на-Дону шаары аркылуу келип, ал жерден башка учакка отурууга туура келет.

Өзбекстан 1-октябрдан тарта чек арасын толук ачат

Белгилей кетсек, бул баалар былтыркы жылга салыштырмалуу кымбат. Тагыраагы, пандемияга чейин Москва — Бишкек багыты боюнча бир билет орто эсеп менен 10 миң сомдун тегерегинде сатылчу.

Эске салсак, россиялык "Аэрофлот" компаниясы Москва — Бишкек туруктуу каттамы үчүн билет сата баштаганын билдирген.

0
Белгилер:
баа, авиакаттам, Бишкек, Кыргызстан, Россия, билет, аба каттамы, Москва
Тема боюнча
Бишкек — Москва каттамы жуманын кайсы күнү аткарылары маалымдалды
Ошко Москва шаарынан 148 кыргызстандык учуп келди