UFC уюмунун экс-чемпиону Конор Макгрегор. Архив

Конор Макгрегор атактуу болгондон кийин "жинди жашоого" өткөн

306
(жаңыланган 08:48 14.09.2020)
Экс-чемпион Франциянын Корсика аралында адепсиз жоругу үчүн камакка алынып, 48 сааттан соң кайра бошотулган.

БИШКЕК, 14-сен. — Sputnik. UFC уюмунун президенти Дана Уайт экс-чемпион Конор Макгрегордун камакка алынган окуясын "жинди жашоо" деп сыпаттады. Бул тууралуу ал ESPN маалымат булагына билдиргенин РИА Новости жазды.

Ишембиде ирландиялык мушкер Франциянын Корсика аралында адепсиз жоругу үчүн камакка алынып, 48 сааттан соң кайра бошотулганы кабарланган.

"Мен Конор менен байланышкан жокмун. Бул боюнча окуяны интернеттен окудум. Ал менин жардамыма, кеңешиме муктаж эмес деп ойлойм. Мен аны жактабайм. Макгрегор атак-даңкка жеткенден кийинки турмушу жинди жашоого айланды. Мындай учурда албетте акылга сыйбаган жоруктар болуп кетиши мүмкүн", — деген Уайт.

UFC башчысы жакында дарга асылган ирандык балбанды эскерди

Июнь айында Макгрегор үчүнчү ирет спорттук карьерасын жыйынтыктаарын айткан. Буга чейин ал 2019-жылдын март айында спорттон кеткенин айтып, кийинчерээк, 2020-жылдын январь айында кайра октагонго чыгып, Дональд Серронени нокаут менен уткан.

306
Белгилер:
атактуу, жорук-жосун, Дана Уайт, Конор Макгрегор
Тема боюнча
Конор Макгрегор адепсиз жоругу үчүн камалып, кайра бошотулду
ФК Алай. Архив

"Алай" футбол клубу Европанын Топ-5 лигасында ойноп кеткен Тияни Белаидди алды

84
(жаңыланган 17:23 04.03.2021)
Спортчу Италиянын "Интер" клубунда ойноп, чехиялык "Славия" менен эки ирет өлкө чемпиону болгон. Оштук командага чейин ал Ирактын "Эрбиль" клубунун намысын коргогон.

БИШКЕК, 4-мар. — Sputnik. Оштун "Алай" футболдук клубу 15 жыл илгери Италиянын "Интер" клубунда ойногон Тияни Белаид аттуу футболчуну катарына алды. Бул тууралуу команда өзүнүн Instagram баракчасына жарыялады. 

Посмотреть эту публикацию в Instagram

Публикация от ФК АЛАЙ | FC ALAY 🇰🇬💛🖤 (@fc_alay_osh_news)

33 жаштагы тунистик футболчу 2004-2007-жылдары Италиянын "Интер" клубунда ойногон. Кийин Нидерланддын ПСВ, Англиянын "Халл Сити", Кипрдин АПОЭЛ жана Португалия, Болгария, Германия, Тунис, Греция, Индонезия, Бахрейн өлкөлөрүнүн командаларында оюн көрсөткөн.

Чехиянын "Славия" клубу менен эки ирет өлкө чемпиону болгон. Оштук командага чейин ал Ирактын "Эрбиль" клубунун намысын коргогон.

Тияни Белаид 2006-жылдан 2015-жылга чейин Тунис өлкөсүнүн улуттук командасынын курамында ойногон.

84
Белгилер:
трансфер, Кыргызстан, Ош, ФК Алай, футболчу
Тема боюнча
"Кыргызстандык Месси" Казакстанда керемет гол киргизди. Видео
Эки жылдык тыныгуудан соң Бишкекте футбол боюнча эл аралык мелдеш өтөт
ММА боюнча мушкер. Архив

Кыргызстандык жеңилбес мушкер ONE Championship уюмунда дебюттук беттешине чыгат

158
Промоушендин Fists of Fury 2 мелдеши 5-мартта Сингапурда өтөт. Кыргызстандык атлеттин атаандашы япониялык Йошики Накахара болмокчу.

БИШКЕК, 4-мар. — Sputnik. Кыргызстандык жеңилбес мушкер Руслан Эмилбек уулу ONE Championship уюмунда дебюттук беттешине чыгат. Мелдештин расмий постерин аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ONE Championship (@onechampionship)

Промоушендин Fists of Fury 2 мелдеши 5-мартта Сингапурда өтөт.

Кыргызстандык атлеттин атаандашы япониялык Йошики Накахара болмокчу.

Руслан Эмилбек уулу ММА спортунда 12 беттешке чыгып, баарында жеңүүчү болгон. Ал эми анын атаандашы Йошики Накахара 18 беттештин 13үн утуп, беш ирет жеңилүү ызасын тарткан.

158
Белгилер:
ONE Championship, мушкер, дебют, ММА
Тема боюнча
Кыргызстандыктан жеңилгенин моюндаган чечен мушкери алкоого татыды. Видео
Кишенделген адам. Архив

УКМК: Жапаров, Ташиев менен тааныштыгын айтып кызмат саткан алдамчы кармалды

0
(жаңыланган 00:44 05.03.2021)
Комитет кармалган шектүү 15 миң долларга мамлекеттик кызматтан жетекчилик орунга дайындоону убада кылганын белгилөөдө.

БИШКЕК, 4-мар. — Sputnik. УКМК мамлекеттик кызматтан жетекчилик орун убада кылып, пара алып жаткан шектүүнү колго түшүрдү. Бул тууралуу атайын кызматтын коомчулук менен байланыш бөлүмү билдирди.

Шектүү башкаларды президентке жана УКМК башчысына жакын киши экенин айтып ишендирген.

“Кармалган адам президент жана УКМК башчысы менен жакын тааныштыгы бар экенин айтып, А.Б.А. аттуу жаранды 15 миң долларга мамлекеттик кызматтагы жетекчи орунга дайындоону убада кылган. Бул үчүн андан алдын ала 1 000 доллар аванс алган”, — деп айтылат билдирүүдө.

Бул факты боюнча Кылмыш кодексинин 204-беренеси ("Алдамчылык") менен иш козголду.

УКМК ушундай көрүнүшкө туш келгендерди же күбө болгондорду (0312) 66-00-20 жана (0312) 66-04-75 телефон номерлери аркылуу билдирүүнү өтүнөт.

0
Белгилер:
кармоо, шектүү, алдамчылык, УКМК
Тема боюнча
Кыргызстандыктарды миллиондогон сомго алдап кеткен киши Алматыдан кармалды
Айып короодогу 20 унааны каттайм деп 170 миң сом алып из жашырган. Шектүүнүн сүрөтү