Кыргызстандык балбан Жоламан Шаршенбеков. Архив

Жоламан Шаршенбеков UWW даңазалаган сальтосунун чоо-жайын айтты. Видео

1730
(жаңыланган 10:42 16.09.2020)
Грек-рим күрөшү боюнча дүйнө чемпионатынын күмүш медалынын ээси чимирилген керемет абалда топ тепти. Бул көрүнүш 9,5 миң лайк чогултту.

БИШКЕК, 16-сен. — Sputnik. UWW (Бириккен күрөш дүйнөсү) уюму Instagram расмий баракчасына кыргызстандык балбан Жоламан Шаршенбековдун топ тээп ойноп жаткан видеосун жүктөдү.

Анда дүйнөнүн вице-чемпиону футболдун мыкты техникасын, топ тебүүнүн түрдүү ыкмаларын көрсөтүп, акробатикалык секириктерди жасаган. Видеодон артка чимирилген сальто жасап бара жатып топ тепкенин көрүүгө болот.

"Жоламан Шаршенбековдун футболду өздөштүргөнүнө канчалык баа бересиздер?" — деп дүйнөлүк уюм билдирүү калтырган.

Посттун астында көптөгөн комментарийлер жазылган, арасында "кыргызстандык Пеле" дегендери да бар.

Айсулуу Тыныбекова UWW тарабынан "тарых жараткан адам" деп аталды. Видео

Видео 9,5 миңге чукул лайк чогулткан. Бул боюнча балбан Sputnik Кыргызстан агеттигине комментарий берип, видео Кыргызстандын улуттук курама командасы менен окуу-машыгуу өткөрүү учурунда жасаганын билдирди.

"Биз азыр грек-рим күрөшү боюнча Кыргызстандун улуттук курама командасы менен Ысык-Көлдө окуу-машыгууда жүрөбүз. Машыгуудан бош убакта, кээде кыймылды тездетүүгө пайдалуу болсун деп топ менен ойнойм. Бул видеону командалаш досум Марлен Асикеев тарткан. Ал жөн гана тартып, мен Instagram баракчама жүктөгөн элем. Ага Дүйнөлүк күрөш уюму көңүл буруптур. Мен мындайды күткөн эмесмин", — деген спортчу.
Посмотреть эту публикацию в Instagram

Публикация от Jolaman Sharshenbekov (@jolaman_sharshenbekov)

Жоламан Шаршенбеков 2018-жылдагы дүйнө чемпионатынын күмүш медалынын ээси болуп саналат. Буга чейин ал өспүрүмдөр, жаштар арасында дүйнө чемпионатын уткан.

1730
Белгилер:
сальто, футбол, грек-рим күрөшү, Жоламан Шаршенбеков
Тема боюнча
Махмудов, Сулайманов, Шаршенбеков... Балбандар Россияда машыгууда
Япониянын жогорку лигасындагы Иокогама футбол клубунун чабуулчусу Кадзуёси Миура. Архивдик сүрөт

54 жаштагы япон футболчусу жаштар менен жарыша ойноп, рекорд койду. Сүрөт

104
(жаңыланган 17:02 25.09.2020)
Рекордду ардагер-футболчу "Кавасаки Фронтэйл" клубу менен беттеште жасады. Чабуулчу негизги курамда оюнга чыгып, беттештин 56-мүнөтүндө алмаштырылган.

БИШКЕК, 25-сен. — Sputnik. Япониянын жогорку лигасындагы "Иокогама" футбол клубунун чабуулчусу Кадзуёси Миура 54 жашында расмий оюнга чыгып, лиганын тарыхында эң улуу футболчу болуп калды. Бул тууралуу РИА Новости аталган клубдун Instagram баракчасына таянып жазды.

Посмотреть эту публикацию в Instagram

Публикация от 横浜FC公式アカウント (@yokohamafc_official)

Мындай рекордду ардагер-футболчу "Кавасаки Фронтэйл" клубу менен конокто болгон беттеште жасады. Оюнда талаа ээлери 3:2 эсебинде уткан. 54 жаштагы чабуулчу негизги курамда оюнга чыгып, беттештин 56-мүнөтүндө алмаштырылган.

Буга чейинки жетишкендик дагы бир япондук спортчу Масаси Накаямага таандык болгон. Ал 2012-жылы 45 жаш, эки ай жана бир күн жаш курагында "Консадоле Саппоро" клубуна ойногон.

Кадзуёси Миура футболдук карьерасын 1986-жылы Бразилиянын "Сантос" клубунда баштаган. Кийин бразилиялык "Коритиба", "Палмейрас", италиялык "Женоа", загребдин "Динамо" жана башка бир канча командаларда ойногон. Азыркы "Иокогама" командасынын намысын спортчу 2005-жылдан бери коргоп келет. Январь айында ал клуб менен жыл аягына чейин жаңы келишим түзгөн. Бул ардагер-футболчу үчүн профессионалдык карьерасындагы 35-келишим болду.

Дагестан: пенсионер беш саатта 10 килограммга жакын салмак таштаган

Миура 2017-жылдын 6-мартында Япония чемпионатынын экинчи дивизионунда "В-Варен Нагасаки" клубу менен 50 жаш 7 күн курагында оюнга чыгып, легендарлуу англиялык футболчу Стэнли Мэтьюздун жетишкендигин жаңыртып, профессионалдык футболдо жашы эң улуу оюнчу болгон.

Андан алты күн өтпөй Кадзуёси Миура тарыхта профессионалдык деңгээлде гол киргизген эң улуу футболчу болууга жетишкен.

Белгилеп кетсек, азыркы тапта "Иокогаманын" курамында Япония курама командасынын легендарлуу футболчусу Шинсуке Накамура да ойнойт. Ал июнь айында 42ге чыккан.

104
Белгилер:
жаш курак, футбол
Тема боюнча
Роналду да, Месси да жок. УЕФАнын "мыкты футболчусуна" үч талапкер тандалды. Видео
Америка футболунун бет капсыз насаатчысы 100 миң доллар айыпка жыгылды
УЕФАнын суперкубогун жеңген Бавария футбол клубунун оюнчулары

УЕФАнын суперкубогун "Бавария" жеңди. Тагдыр чечкен кошумча гол

146
(жаңыланган 09:30 25.09.2020)
"Ференц Пушкаш" стадионунда болгон оюнга көрүүчүлөр мурдагыдай эле келген. Беттеш алдында 15,5 миң билет сатылганы жарыяланган.

БИШКЕК, 25-сен. — Sputnik. Германиянын "Бавария" клубу кошумча берилген убакытта киргизген голу менен испаниялык "Севилия" клубун утуп, УЕФАнын cуперкубогун жеңип алды. Бул тууралуу УЕФАнын расмий сайтында айтылат.

Будапешт шаарында өткөн беттеш 2:1 эсебинде Чемпиондор лигасынын жеңүүчүлөрүнүн пайдасына аяктаган. 13-мүнөттө испандыктардан Лукас Окампос 11 метрлик айып тобунан гол киргизип эсепти ачты. "Бавария" клубунан Леон Горецки (34-мүнөт) жана кошумча берилген бөлүктө (104-мүнөт) Хави Мартинес гол киргизген. Бул гол беттештин жана УЕФАнын cуперкубогун жеңүүчү гол болуп калды.

ПСЖдан келген футболчу франциялыктарга гол киргизип, "Баварияны" чемпион кылды. Видео

67 миң орунга ылайыкташкан "Ференц Пушкаш" стадионунда болгон беттеш көрүүчүлөр менен өткөн. УЕФА буга чейин 30 пайыз күйөрман кирүүгө уруксат берген. Беттеш алдында 15,5 миң билет сатылганы жарыяланган.

Бавариялыктардын жарым коргоочусу Томас Мюллер таймаштын мыкты футболчусу деп табылды.

"Бавария" муну менен өз тарыхында экинчи ирет УЕФАнын cуперкубок мелдешин жеңип алды. Буга чейин немецтик клуб бул олжону 2013-жылы алган.

146
Белгилер:
Будапешт, Бавария, футбол
Тема боюнча
Роналду да, Месси да жок. УЕФАнын "мыкты футболчусуна" үч талапкер тандалды. Видео
Аэропорт Манас жанында кишилер. Архив

"Манас" аэропортундагы узун кезек. Жүргүнчү бүгүнкү окуяны сүрөттөдү

0
(жаңыланган 12:24 27.09.2020)
Аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

БИШКЕК, 27-сен. — Sputnik. "Манас" эл аралык аэрпортунда бүгүн эртең менен жүргүнчүлөрдүн узун кезеги жаралды. Бул тууралуу Facebook баракчасынын "Кара тизме" тайпасына Черик Сыдыков аттуу колдонуучу жазды.

"27-сентябрь. "Манас" аэропорту. Бул жакта башаламандык орун алды. Бир эле эшик ачык. Аэрпортко ушул эле эшик менен киргизип-чыгарып жатышат. "1,5 аралыкты сактагыла" дейт. Бир жакка учуп кетчүлөр болсо, аэропортко эртерээк келгиле. Болбосо учакка жетишпей калышыңар ыктымал", — деди Сыдыков.

Ал эми аэропорттун маалымат катчысы Алия Курбанова "бир эле эшиктен киргизип-чыгарып жатат" деген маалымат чындыкка дал келбей турганын айтты.

"Терминалда кирип-чыгуу үчүн өз-өзүнчө эшиктер бар. Ошол эле учурда аэропортко билети бар, бет кап тагынган, уча турчу жүргүнчүлөр гана киргизилет. Алар дезинфекциялоочу тоннелдер аркылуу өтөт. Бул иш-аракеттин баары коронавирус инфекциясынын жайылып кетүүсүн алдын алуу максатында жүргүзүлүүдө. Биз адамдарды аралыкты сактоого чакырып жатабыз. Бирок аны баары эле аткарган жок. Ошондой эле жүргүнчүлөрдү коштоп келгендер да кезекке туруп алган учурлар катталып жатат", — деди Кубанова.

"Манас" эл аралык аэропорту бардык жүргүнчүлөрдү жүргүзүлүп жаткан иш-аракеттерге түшүнүү менен мамиле кылуусун суранып, уча турчуларды аэропорттун аймагына эртерээк келүүгө чакырды.

0
Белгилер:
коронавирус, видео, кезек, аэропорт, Бишкек, Кыргызстан
Тема боюнча
Өзбек авиакомпаниясы Бишкекке каттамдарын 1-октябрдан тарта көбөйтөт