Грек-рим күрөшү боюнча Олимпиаданын эки жолку чемпиону, россиялык балбан Роман Власов. Архив

Олимпиада чемпиону Роман Власов: Кыргызстан менин жашоомду өзгөрткөн

274
(жаңыланган 16:31 17.09.2020)
Россиялык балбан Ысык-Көлдөгү унутулгус окуу-машыгууну эскерип, анын чоң спорттогу жолунда Кыргызстандын өзүнчө орду бар экенин белгилеген.

БИШКЕК, 17-сен. — Sputnik. Грек-рим күрөшү боюнча Олимпиаданын эки жолку чемпиону, россиялык балбан Роман Власов Кыргызстанга келгенин эскерди. Бул тууралуу ал өзүнүн Instagram баракчасына жазган.

Балбан ушул күндөрү РФтин Кабардин-Балкар Республикасынын тоолорунда окуу-машыгуудан өтүп жүрөт. Мындан улам ал 18 жыл мурда Кыргызстанга келген күндөрүн, Ысык-Көлдөгү унутулгус окуу-машыгууну эскерип, анын чоң спорттогу жолунда Кыргызстандын өзүнчө орду бар экенин белгилеген.

"Дагы тоолор… Кыргызстан. Ысык-Көл, 2002-жыл. Үч апталык талыкпаган машыгуу. Мен чарчоону сезген эмесмин. Көлгө бир чумкуп алган соң кайра машыгууга даяр болом. Кайталангыс жер... Дагы келем... баарын эстейм", — деген спортчу.

Жоламан Шаршенбеков UWW даңазалаган сальтосунун чоо-жайын айтты. Видео

Власов дагы бир эскерүүсүндө Кыргызстандагы тамак-аш, табигый таза мөмө-жемиш тууралуу кеп салган.

"Мен лагман тамагын өмүрүмдө биринчи жолу Кыргызстанда ооз тийдим. Ал эми өрүктү өсүп турган шагынан үзүп алып жегем. Чексиз бактылуу элем. Бул жер мага эмне деген күч-кубат тартуулады... Үч айдан кийин мен өмүрүмдөгү эң алгачкы жеңишим, "Карелиндин байгеси" мелдешин утуп алгам... Бул менин жашоомду өзгөрттү... Мен улуттук курама командага алынгам", — деп эскерет балбан.

Балбан ушул күндөрү РФтин Кабардин-Балкар Республикасынын тоолорунда окуу-машыгуу өткөрүп жүргөнүн белгилейт. Мындан улам ал 18 жыл мурда Кыргызстанга келген күндөрүн эстеген.

30 жаштагы Роман Власов ошондой эле эки жолу дүйнө, төрт ирет Европа чемпионатын уткан. Ал 77 килограмм салмак категориясында күрөшөт.

274
Белгилер:
Роман Власов, Олимпиадалык оюндар, грек-рим күрөшү, Ысык-Көл, Кыргызстан
Тема боюнча
Канатбек Бегалиев: Олимпиададагы ыза менен азыркыга чейин күрөшүп келем
Америкалык мушкер Жастин Гэтжи. Архив

Гэтжи: Нурмагомедовдун бети-башын канга боёйм

308
(жаңыланган 19:12 23.09.2020)
Нурмагомедов менен Гэтжинин кармашы 24-октябрда өтүүчү UFC 254 мелдешинин башкы беттеши болмокчу.

БИШКЕК, 23-сен. — Sputnik. Америкалык мушкер Жастин Гэтжи UFC чемпиондугу үчүн россиялык Хабиб Нурмагомедов менен боло турган беттешин кандай пландап жатканын айтты. Бул тууралуу BJ Penn маалымат булагына таянып РИА Новости жазды.

Нурмагомедов менен Гэтжинин кармашы 24-октябрда өтүүчү UFC 254 мелдешинин башкы беттеши болмокчу. Гэтжи учурда Абсолюттук мушкерлер чемпионатынын жеңил салмактагы чемпиондук курунун утурумдук ээси болуп саналат.

"Мен Хабибдин оозун канжалатарымды билем. Мен анын өзүнүн токмоктолгонун көрсүн дейм. Анын буга жасаган реакциясын көргүм келет. Ал мендей келесоо эмес. Анын мушташуу ыкмасы канжалата сабаган көрүнүштөрдү камтыбайт. Өзүнүн канга боёлгон абалын көрүп калышы мүмкүн экени Нурмагомедовдун оюна да келбесе керек. Бул ал үчүн эч качан чечүүчү фактор болгон эмес", — деген Гэтжи.

Жастин Гэтжи ушул жылдын 9-майында мекендеши Тони Фергюсонду уткандан кийин россиялык мушкерге башкы атаандаш болгон. ММА спортунда Гэтжи 24 беттеш өткөрүп, анын 22син утуп, эки ирет жеңилүү ызасын тарткан.

Нурмагомедов октагондо Гэтжиден эмнеси менен айырмаланарын айтты

Ал эми Хабиб Нурмагомедов жалпысынан 28 беттешке чыгып, баарында жеңүүчү болгон. Акыркы ирет россиялык мушкер 2019-жылдын 8-сентябрында америкалык Дастин Порье менен октагонго чыгып, экинчи раундда муунтуу ыкмасы менен утуп, UFC чемпиону наамын экинчи ирет коргогон. Дагестандык спортчу учурда дүйнөдөгү эң абройлуу мушкерлер уюмунун жеңил салмактагы чемпиону.

308
Белгилер:
кур, чемпион, беттешүү, Хабиб Нурмагомедов, UFC, Жастин Гэтжи
Тема боюнча
UFC "Мушкерлер аралында" 5 мелдеш өткөрүп, бирине Хабиб Нурмагомедов чыгат
Манчестер Сити клубунун жарым коргоочусу Кевин Де Брюйне

Роналду да, Месси да жок. УЕФАнын "мыкты футболчусуна" үч талапкер тандалды. Видео

148
(жаңыланган 18:27 23.09.2020)
УЕФАнын мыкты футболчу сыйлыгы 2010-жылдан бери ыйгарылып келет. Анын тарыхында Криштиану Роналду менен Лионель Месси алгачкы жолу алдыңкы үчтүккө кирбей калды.

БИШКЕК, 23-сен. — Sputnik. "Манчестер Сити" клубунун жарым коргоочусу Кевин Де Брюйне, "Бавариянын" чабуулчусу Роберт Левандовски жана дарбазачысы Мануэль Нойер УЕФАнын 2019/2020-жылдагы мыкты футболчусу сыйлыгына башкы үч талапкердин катарына кирди. Бул тууралуу аталган уюмдун расмий сайтында айтылат.

УЕФАнын мыкты футболчу сыйлыгы 2010-жылдан бери ыйгарылып келет. Анын тарыхында Криштиану Роналду менен Лионель Месси алгачкы жолу алдыңкы үчтүккө кирбей калды.

Талапкерлер 2019/2020-жылы Чемпиондор лигасына жана Европа лигасына катышуучу клубдардын 80 машыктыруучусу, ошондой эле 55 журналист курамына кирген калыстардын добушу менен тандалган. Мында машыктыруучуларга өз клубунда ойногон футболчуларга добуш берүүгө уруксат берилген эмес.

Гүлжигит Алыкулов "Кайраттын" УЕФА мелдешиндеги голуна жардам берди. Видео

Европанын мыкты футболчусунун ысымы Чемпиондор лигасы мелдешинде өзгөчөлөнгөн футболчулар менен кошо 1-октябрда Ньон шаарында Чемпиондор лигасынын 2020/2021-жылдагы сезонуна чүчү кулак тартуу салтанатында айтылат.

Тандоого ылайык кийинки катарларда:

4. Лионель Месси (Барселона) 53 добуш

Неймар (Пари Сен-Жермен) 53 добуш.  Экөө бир сапта туруп калды.

5. Томас Мюллер (Бавария) 41 добуш

6. Килиан Мбаппе (Пари Сен-Жермен) 39 добуш

7. Тьяго Алькантара (Бавария) 27 добуш

8. Жошуа Киммих (Бавария) ) 26 добуш

9. Криштиану Роналду (Ювентус) 25 добуш алышкан.

148
Белгилер:
Чемпиондор лигасы, мыкты оюнчу, футбол
Тема боюнча
FIFA футбол командаларынын рейтингин жаңылап, Кыргызстан бир сапка көтөрүлдү
Топтун ордуна атаандашын бетке тепкен футболчу оюндан куулду. Видео

БУУнун Коопсуздук кеңешин кеңейтүү... Тынчтыкты сактоо үчүн эмнесин калтыруу зарыл?

0
БУУга мүчө-өлкөлөрдүн лидерлери уюмду жаңылоодо. Башкы ассамблеянын мааракелик отурумунда реформалоо боюнча бир нече сунуш түштү.

Быйыл Бириккен Улуттар Уюмуна 75 жыл толду. Ага мүчө-өлкөлөр бир катар жерлерин өзгөртүүнү чечишти. Дүйнө башкача боло баштады, түзүм өзгөрдү. Эмне болгон күндө да, өзгөрүү баары бир жакшы жакка алып бара турган ыңгайлуу учур. Маселен, Владимир Путин вето укугун сактоону сунуштады. Дүйнөдө туруктуулукту сактоо эмне үчүн маанилүү деген суроого төмөнкү видеодон жооп алууга болот.

0
Белгилер:
Владимир Путин, БУУнун Башкы Ассамблеясы, БУУ, Россия
Тема боюнча
Путин: БУУ бир орунда катып калбай, заманга ылайыкташуусу керек