Казакстандын Кайрат клубунун жарым коргоочусу, кыргызстандык футболчу Гүлжигит Алыкулов. Архив

Апта футболчусун аныктоо. Гүлжигит Алыкулов Сон Хын Минден да ат чабым алдыда

389
(жаңыланган 15:18 07.10.2020)
"Кайрат" клубу өткөн аптада башкы атаандашы "Астана" клубун 3:0 эсебинде уткан. Командага жеңиш алып келген үч голдун баарына тең кыргызстандык футболчу салым кошкон.

БИШКЕК, 7-окт. — Sputnik. Казакстандын "Кайрат" клубунун жарым коргоочусу, кыргызстандык футболчу Гүлжигит Алыкулов Азия футбол конфедерациясынын (АФК) "Аптанын футболчусу" наамына ат салышып, атаандаштарынан ат чабым алдыда келе жатат. Бул тууралуу аталган уюмдун расмий сайтында айтылат.

Англиянын Премьер-лигасында ойногон "Тоттенхэм Хотспур" клубунун оюнчусу Сон Хын Мин баш болгон азиялык 10 футболчунун катарында Гүлжигит Алыкулов 47 пайыз добуш менен алдыда келүүдө.

Роналду да, Месси да жок. УЕФАнын "мыкты футболчусуна" үч талапкер тандалды. Видео

Алматынын "Кайрат" футбол клубу өткөн аптада өлкө чемпионатындагы башкы атаандашы "Астана" клубун 3:0 эсебинде уткан. Командага үч упай алып келген жеңиштин үч голуна тең кыргызстандык футболчу салым кошкон.

Гүлжигит Алыкулов бул беттеште Казакстан Премьер-лигасындагы жана беттештеги алгачкы голду киргизген. Айбол Абикен автор болгон экинчи голдук чабуулду да Алыкулов баштап, капталдан топту айып аянтына чыгарып берген. Ал эми үчүнчүсүндө кыргызстандык футболчу капталдан барып, айып аянтына тээп берген тобу атаандаштын коргоочусунун бутуна тийип гол болгон.

19 жаштагы Гүлжигит Алыкулов 2019-жылы "Кыргызстандын мыкты футболчусу" деп табылган.

Добуш берүү 10-октябрга чейин созулат. Күйөрмандар төмөнкү шилтемеге кирип Гүлжигит Алыкуловго добуш бере алышат.

Голосование за звание лучше игрока недели AFC
© Фото / the-AFC.com
Добуш берүү 10-октябрга чейин созулат. Күйөрмандар төмөнкү шилтемеге кирип Гүлжигит Алыкуловго добуш бере алышат
389
Белгилер:
тандоо, АФК, футболчу, Гүлжигит Алыкулов, футбол
Тема боюнча
Футболчу Гүлжигит Алыкулов Казакстанда мыктылыгын көрсөтө баштады
UFC мушкери Хабиб Нурмагомедов. Архив

UFC: Хабиб Нурмагомедов мыктылардын мыктысы болуп алдыңкы сапка чыкты

103
(жаңыланган 10:36 28.10.2020)
Көп убакытка чейин бул рейтингди америкалык Жон Жонс ээлеп келген. Хабиб Нурмагомедов Жастин Гэтжини утуп, 29 беттештен кийин 29:0 көрсөткүчүн камсыздагандан кийин Жонстон ашып өттү.

БИШКЕК, 28-окт. — Sputnik. Хабиб Нурмагомедов UFC уюмунун мыкты мушкерлер рейтингинде (салмак даражасына карабастан) эң алдыңкы сапка чыкты. Бул тууралуу "Евроспорт" басылмасы жазды.

25-октябрда Нурмагомедов атаандашы Жастин Гэтжини экинчи раундда утуп, UFC чемпиону наамын үчүнчү ирет коргоп калды. Беттештен кийин россиялык мушкер спорттон кетерин жар салган. Ал ММА мушкерлер мелдешинде жалпысынан 29 беттеш өткөрүп, баарын жеңген спопртчу болуп калды.

Хабиб Нурмагомедов Жастин Гэтжини утуп алды. Видео

"Нурмагомедов Гэтжи менен болгон кармашы карьерасында акыркы беттеши экенин айтты. Анын башкы ниеттеринин бири аталган промоушенде салмагына карабай рейтингде биринчи орунга чыгуу болгон. UFC уюмунун президенти Дана Уайт иш-чарадан кийинки маалымат жыйында Хабиб бул орунга татыктуу экенин белгилеп, жаңыланган топ-рейтингде аны тизменин эң башына чыгарган", — деп жазды "Евроспорт".

Эске сала кетсек, бул орунду көп жыл бою промоушендин жарым оор салмактагы чемпиону америкалык Жон Жонс ээлеп келген.

Нурмагомедов өзүнүн Instagram баракчасына рейтингдин фонунда турган сүрөтүн коюп, биринчи орунга көтөрүлгөнүнө пикирин билдирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

"Бул менин бүтүндөй жашоомдогу талыкпас аракетим болду. Мындай ийгиликке жетүү мен үчүн оңойго турган жок. Күжүрмөн эмгек, Жараткандан үмүт кылуу жана сабырдуулук — мына ушул үч сапат бийиктикке чыгуума зор жардам берди. Мындан сырткары, атамдын ар дайымкы көзөмөлү жана кеңеши алга сүрөдү, мен үчүн ал көп аракетин жана убактысын сарптаган", — деген ал.

Маалымат каражаттарында жазылгандай, Хабиб Нурмагомедов бул рейтингде биринчи жолу алдыңкы сапка чыккан.

103
Белгилер:
рейтинг, UFC, Хабиб Нурмагомедов
Тема боюнча
Хабиб мыкты беттеш тартуулаганы үчүн кошумча 50 миң доллар алат
Миллиондор... Хабиб Гэтжини жеңгени үчүн канча акча алганы айтылды
Көк бөрү спортунун чебери Манас Ниязов. Архив

Көк бөрү: Манас Ниязов “Достуктан” кетип, башка командага кошулду

1234
(жаңыланган 17:39 26.10.2020)
Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын Sputnik агенттигине билдирген болчу.

БИШКЕК, 26-окт. — Sputnik. Көк бөрү спортунун чебери Манас Ниязов жаңы келишим менен Кыргызстандын биринчи лигасындагы “Ала-Тоо” командасына өттү. Бул маалыматты өлкөнүн Улуттук көк бөрү федерациясынын башкы катчысы Кубат Аскарбеков Sputnik Кыргызстан агенттигине тастыктады.

Спортчу 3-ноябрда Ысык-Көлдүн Чолпон-Ата шаарындагы ат майданда өтө турган “Кыргыз Республикасынын Президентинин Кубогу — 2020” мелдешине “Ала-Тоо” командасынын курамындагы оюнчу катары кирген.

Посмотреть эту публикацию в Instagram

Публикация от Манас Ниязов (@niyazov_manas)

Федерациянын башкы катчысы “Достуктун” капитаны Таши Майлибашев да “Ала-Тоо” командасына өткөнүн кошумчалады.

Ноябрда Чолпон-Атада президенттин кубогу үчүн көк бөрү оюну өтөт. Программасы

Команда менен Манас Ниязовдун ортосундагы келишимдин мөөнөтү, төлөнүүчү каражат тууралуу маалыматтар азырынча айтыла элек.

Посмотреть эту публикацию в Instagram

Публикация от Манас Ниязов (@manas.niyazov.fan.club)

Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын айткан болчу.

Манас Ниязов көп жыл бою Оштун “Достук” командасында ойноп, бир нече жолу Президенттин кубогу мелдешин уткан.

1234
Белгилер:
Көк бөрү, Манас Ниязов
Тема боюнча
Көк бөрү: президенттин кубогу үчүн мелдеш ноябрда өтмөй болду
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү